|
الله الله على هذا الكلام الي يهول العقول
المتألقين الصهيبي // السبيه صحت السنتكم متابعين لكم ولابداعاتكم |
صح لسانك ياشيخ على هذه الردود المحكومه
وشكري وتقديري لكل من شرفنا بمروره الطيب
البدع:علي السبيه= .= الباب المامون زرفاله لكم يامن عتب= لا تضن ان الهدايه في عقول العاتبين= ياصهيبي لاتحسابنا ترى عن المنع تبنا= واستمع في هيضي المكنون لما تعت به= |
الله عليك يابوطلال انت ناوي تاخذ بي الين تهستر بي من هذي الشقور صح لسانك الين ترضى ياسيدي وهذا ردي
الرد / الصهيبي= ياعجب قلبي عليش اللوم وعليش العتب= مايعجبّني يكن تبديع قول العاتبين= ياعلي عانيت من قدام في علم(ن) عتبنا= من ولوم العاتب المتعب ولمّات اعتبه= اخوك الصهيبي |
حسبي الله حسبي الله حسبي الله
ياصدع راسي منكم ياصدع راسي الله الله الله عليك ياعلي وعليك ياصهيبي شعااااااااااااااااار تستحقون الاعجاب والمتابعه بشغف تقبلوا أعجابي بماقرأته |
صح لسانك ياصهيبي وانا والله اني اتشرف بقصايدي معك
وترى ليلنا طويل واشكر كل من يشرفنا بمروره الكريم
البدع:علي السبيه= .= لا تحندر باالعيون ولا تعقّد فاالحجب= زينة العين الكحيله رمشها والحاجبين= ماتميز وش ورى نضرة عيوني من حجبنا= والملف اللي طوته المحكمه لا تحج به= |
محمد عبدالرحمن
شرفتنا بطيب كلامك وانت وافي وشاعر يحتذا به ومتابعتك شرف يابو ماجد ..... ابو طلال حسيبك الله ياشيخ اللهم حوالينا ولا علينا استلم ياذيبان
الرد / الصهيبي= دامك اطريت العذاير والمنايع والحجب= عندنا شكوى عريضه ضدكم يالحاجبين= عام الاول يوم جينا عند بابك من حجبنا= وانا ياما قلت زولي لالفى لاتحجبه= اخوك الصهيبي |
الله الله ياشيخ صح لسانك مليارات
البدع:علي السبيه= .= كم على الابيار نبصر من دليّ ومن قرب= وأهل القربا بيش للطاغوت الاكبر مقربين= جينا في الصف الاخير ولا سمعنا من قرى ابنا= والسطر اللي ما فهمت اطلاسمه لا تقر به= |
الله الله الله علمتك ياعلي ماشي ولا معرفه لكن تحملني الين الله يكتب الي فيه الخير استلم يالنشمي
الرد / الصهيبي= قلت بالتقدم وبالتقرب مع من هو قرب= لين احصل لي مكان ومجلس مع المقربين= واثرني والحظ عن راع الهقاوي ما انقربنا= الله ياكم واحد(ن) قد قال لي لا تقربه= اخوك الصهيبي |
انت نبع المعرفه ياصهيبي ولو كان ماهي ردودك الطيبه
ماكان لبدوعي اي معنى ولا اقول الا صح لسانك ملايين وخذ هذه جاهزه وبعدها بكيفك تبغى نواصل والا نوقف
البدع:علي السبيه= .= العُشر ماهو كما عود القرض والا الغرب= والعوَد اللي له سنامين ماترى له غاربين= لا تحاول تقتطع لك عودً اخضر من غربنا= لكن احفظ مانقوله والحذر لا تغر به= |
صح لسانك يابو طلال ويعلم الله انك شرفتني بهذه القارعه والبستني تاج العز بيديك لاعدمتك يابو طلال ياشاعرنا ويااستاذ الجميع ولنا لقاء ان شاء الله وعهدنا سيتجدد بالقصائد قريباً وبعون الله استلم ردي والمعذره على القصور
الرد / الصهيبي= مد شوفي مالقي نجمي ولا نجمك غرب= نحمد الله ولجنا يسفر عتام الغاربين= حكمة الله مايدوم احد(ن) سواه ولو غربنا= مطلع النجم ومداره وولجه لا تغربه= اخوك الصهيبي |
| الساعة الآن 02:07 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع