البدع=
ياليت راعي البخاله جاد مامنع طيب=
وقدم الدله للضيفان والضيمران=
لكن شفته بحمل الفول والملح مار=
اجل الجنابا ولا جتك السيوف اجلها=
الرد=
ماتوخذ الحكمه من ماكر ولامن عطيب=
اللي بسود النوايا للعرب ضيمران=
لاشلت حملي وانا سمحان ضاق الحمار=
عود على مزرع القاضي وكل فجلها=

نقدرنوصل لديرتكم في الباحه بيب=
بيب(ن) من النفط الاصلي وانت صاحب وجار=
اي المقاسات تبغا شوف ولك الخيار=
خل الطرق بالدركتل ناوي الدك لها=
*=
ودي نضيفك من روب اللبن يالحبيب=
وبعد نملي لك الصحفه ونملى الوجار=
تقلط على الشحم وعلى الموز وعلى الخيار=
مادمت جايع ومن قلبك تود اكلها=

البدع=
من بعد ماقلت هذا القول مانت اللبيب=
والصيد ماينغزي لك ياوليد الوبار=
من فوق زبله تلقط ملبسك والغيار=
قال العرب وين غادي اليوم ياخبلها=
الرد=
لو كنت فارس وراعي سيف رح تاللبيب=
الغ احتلال اليهودي فوقها والغ بار=
لكن مابك على المقدس ودمشْق غيار=
وبنت بقعاء تريّث خير ياخب لها=

في سكة اهل النقاصه جاء لرجلك طبيب=
تسهر على الشكشكه حتين وقت الاذان=
شرواك نعرف معالم مذهبه وقت دار=
حياته اللهو ون قلت اتق الرب . لها=
*=
الغرغرينا تحكك غير انا لك طبيب=
علاجها قطرة(ن) فالم وفي الاذان=
كم حالة(ن) مزمنه عالجتها بقتدار=
والجرعه الي تفيدك هات قرب لها=