|
يعطيك العافية استاذنا صقرالجنوب
ولشاعرنا الكبير جزيل الشكر والتقدير على كل حال استلم القصيدة على القارعة البدع يا يرتفع جدرنا المعمور ياهيل ياهيل والاَ غلطنا على درب التلف وانتزينا واللَي رخيصة وينقص كيلها وين تزادي لجليش وحدك تجدَ الجدَ والكل هازين ما يحتمون البلاد الواسعة باالخيالي |
تم تصحيح البيت الاخير ففعلا قد اكون نقلت البيت خطأ غير مقصود واتصلت عليه والصح ماقلت ياشاعرنا لكن الخطأ في النقل
مهنا بيومي كما العالم ولا انام ليلي |
وهذا ردك شاعرنا من الشاعر محمد عطية
ليش الجفا بعد ذاك الحب ياهيل ياهيل وانت المنا وانت شرحة خاطري وانت زينا وانت الشراب الذي يشفي الكبد وانت زادي سبحان من شرفك في صورة (ن) كلها زين مهما ابتعدنا تظلي صورتك بالخيالي |
تأخرنا عليك يابوتركي
استلم القصيدة على القارعة ما يضهر البدر يا بوتركي الا مع ليل والى طربنا فميَز لحننا واشدوانا ابدي من الجون والبيبان والشبَك ابدي بيتً من الشعر يغني عن كثير الدواوين كلن يقل هات مبدا القارعة ياعلى لي |
الله يمسيك باالخير ياصقرالجنوب
وين رد ابوتركي تأخر علينا لا يكن ما اعجبته القصيدة ونغيرها |
شاعرنا الكبير علي السبية قصيدتك رائعة وما اجملها من قصيدة لكن السبب اني لم استطع الدخول من يوم السبت على المنتدى وردودك جاهز من اول وانا سبب التأخير
البدع الشاعر علي السبية : مايظهر البدر يابو تركي الا مع ليل واللي طربنا فميّز لحننا وشدوانا ابدي من الجون والبيبان والشبّك ابدي بيت من الشعر يغني عن جميع الدواوين كلن يقل هات مبدا القارعة ياعلى لي ***** الرد للشاعر : محمد بن عطية يابو سعيد المرض خلى عظامي معاليل مدري وش الراي فيما صابنا وشدوانا والهم فالقلب زاد على المرض شب كبدي وين التقي الوصفه اللي طيبه والدوا وين حسبي على من عطاني الهم وانا عليلي ***** |
تحيا تي لك يا استاذ صقرالجنوب وللشاعرنا
الكبير ابو تركي استلم القصيدة على القارعة يابوتركي البدع على رحيق الزهور الراويه مال ناحيل وانحن وردنا على المنهل ويا ماء وعدنا وانا اقدر اوصل لدرب الفوت والفيت وأعدي ماقرَت ابيار واديكم ولا قرَت العين والدمشقي من حبوب الفضة والماس محلي |
بدع الشاعر : علي السبيّة
على رحيق الزهور الراويه مال ناحيل ونحن وردنا على المنهل وياما وعدنا وانا اقدر اوصل لدرب الموت والفيت وعدي ماقرّت ابيار واديكم ولا قرّت العين والدمشقي من حبوب الفضة والماس محلي ***** الرد الشاعر : محمد بن عطية لي صاحبن ياعلي عن فرقته مالنا حيل ياما انتظرنا مراسيله وياما وعدنا وانا تراني على ميعاده اوفيت وعدي اهو من القلب فالدنيا وهو قرة العين اموت مغبون في لقياه لو ماسمحلي ***** |
يعطيك العافية ياصقرالجنوب
وصح لسانك يابوتركي ومشكور على تجاوبك معي انت شاعر كبير وانا افتخر اني اقصَد مع شاعر مثلك استلم القصيدة على القارعة البدع ماعيني اسير من درب الخطر والمح احيل ولا نوينا نشد و ننتقل من محلنا متى نسافر بلاد الهند و متى نعودي وين النَقا في صلاب الروس والا البثور اين ماشفت الامواج فوق البحر تهوي و تعلي تراماقدرت تعدل القصيدة ماتشوفون سطر طويل وسطر قصير ارجوالمعذرة فأنا توني عليمي |
الرد من الشاعر : محمد بن عطية
الله يسقي زمان السانيه والمحاحيل ايام نرقب على ماي الفلج لامحلنا والضمد والمدمسه والساقة ممتان عودي ولايديسون حب الحنطه الا بثورين والغرب بالما به الثيران تهوي وتعلي |
الله الله عليك يابوتركي صح لسانك ميت مرة
استلم القصيدة على القارعة المح لنوع الجياد الطيبة والمح اصيل ماضن في نقلت البلجيك والميزر اعنا والسهم يرقب غزال الريم الى لاح صادي ياشاعر القيف ترجح لك كفوف الموازين ان جدَ لي في بيوت الشعر وان موزحالي |
ابو تركي يهديك التحية ووافر التقدير
وهذا ردك من ابو تركي يقل محمد فقدت المزرعة والمحاصيل روّح تعبنا خساره ليتنا مازرعنا قلت ابتجي الفيده من منتوجها والحصادي وابيعها جمله والا ابيعها بالموازين لاثمر شجرها بتفاحا ولا موز حالي |
سلمت ياصقرالجنوب
وصح لسانك يابوتركي استلم القصيدة على القارعة البدع الويل من هو تجنَب سكته ما لقا ويل وانحن معانا الذهب صافي ويا ماس معنا لاتمنحون الوحوش الضاريه منح اسودي وتدقل الباخرة في كل منزا دقولين وللبراكين و الزلزال قيلن و قالي |
الله يعطيكم العافية على هذا الابداع المتواصل وهذا رد ابو تركي واعتقد انها اكبر محاورة بين المنتديات حتى الان ماشاء الله تبارك الله :
يابو سعيد اتعبتنا هرجة لاهل المقاويل ياما صبرنا ونتحمل وياما سمعنا ماعيني اضيق من هرجه تجي من حسودي لو قلت له عاف من درب الخطا زاد قولين ماشغلته غير يتسمع لقيلا وقالي وسلامتكم |
الله يعطيك العافية ياصقرالجنوب
وصح لسان شاعرنا الكبير ابوتركي واذا كان ابوتركي مل من القارعة والا مااعجبتة قصايدي يغيرها ولو اني لا فضل تغيير القارعة استلم القصيدة على القارعة يابوتركي الكون دوَار والدنيا بتدرج مع ميل والى جلبنا الغلا ما كلًَفن جالبنًا واهل الغرض لوبغيت اتناوله منعو ايدي وانا اتًَقيت الهوان وطول الايام اقا اهوين لا تاخذ الجايزة ياخي محمد وهي لي |
ابو تركي يهديك تحياته يابو سعيد ويقول انك شاعر مبدع الذي رجعني للوراء 20 عاما بقصائده الرائعة وانا رهن الاشارة سواء لهذه القارعة او غيرها .
وهذا رد ابو تركي : يابو سعيد البنا ماضن يصلح مع ميل ولا يجي للبنايه بانيا جالبنا واللي هبا عقد بيته خاشبن من عويدي اما يكنه بخيل او يتبع اللي هويني يا ايديه هدي جدارن ماتوثق وهيلي |
يعطيك العافية يااستاذنا صقرالجنوب
وياشاعرنا الكبير ابوتركي انت شاعر ولا تحتاج شهادة مني او من غيري وانا والله اني اتشرَف اني اقصَد معك انت مدرسه وانا واحد من طلابها وانا استفيد من قصايدي معك يابوتركي واسمحنا الى حصل منا قصور لكن ردك الاخير يابوتركي ماجا على المطلوب اخاف انك ماقريت البدع صح ياليت ترجع تقرا البدع وتتمعَن فيه وترد من جديد وانا متأكد انك الى قريت البدع على الوجه المطلوب تغير ردك لك مني وافر التقدير والاحترام |
أخبرت ابو تركي بردك فضحك وقال يبشر ابو سعيد برد(ن) يجي على شفه
|
وهذا رد ابو تركي ويقول ان شاء الله يجي على مافي خاطرك ويهديك التحية
اقوله يابن جا حمسه على ايدي معاميل انه لمنهو شرب له منه فنجال بنا في شاذليه تبيّن ريحته من عويدي تكفون ديرو فناجيله لنا يامقهوين وزودونا في الفنجال بنن وهيلي |
الله الله هذا الكلام
سلمت يابو تركي |
ابو سعيد نحن في انتظار بدعك والا هونت
|
ابدا ما هونت ولا اهون
لكني انا اشتغل باالديزل يبغا لي وقت لين احما على كل حال انتضروني قريبا على الشاشه ولي بدع جديد وعسى قصايدي تعجب شاعرنا ابو تركي ويعذرني الى حصل مني قصور |
مايجي منك قصور يابو سعيد بس حبينا نمزح معك
|
استلم القصيدة على القارعة يابوتركي
لا تهجل العيس في وسط الخلا ون تهاجيل امَا جمال البدو فيها ضخامة و متنا والجنة ماتفتح الابواب لك يا لحودي لكن ما ودنا نخلط قبيحً مع الزين ولا نقدَر حبوب المزرع الاَ ب كالي |
وهذا ردك من ابو تركي يامشرفنا وشاعرنا الرائع
يقل محمد في الهجره بدا وانتها جيل يارب خفف علينا لانتهينا ومتنا لاصبحت في القبر مابين الصلي واللحودي عزو حبيبي ودارو دمعته يامعزين اهو الذي ماسعد في موتي الا بكالي |
استلم القصيدة على القارعة يابوتركي
تمثال صدام داسه بوش بين التماثيل ولا حزنا على فقدة ولا كلفنَا بعثي وسلط عليه الله جنود اليهودي من بعد ما كان شعبة في بلدهم مغنَين اليوم مابينهم شب الفتن واقتتالي |
صح لسانك وطول الله عمرك وهذا ردك من ابو تركي
يابن السبيه ترى في مصر تحلى التماثيل وفنهم مايحاضي به ولا كل فنا والى اوعدو طبعهم مايخلفون الوعودي فيهم ممثل ورقيصه وفيهم مغنين في حاضرة وقتنا والا يجي وقت ثالي |
سلمت يا بو تركي وصح لسانك ملايين
استلم القصيدة على القارعة وانتضر مني بدع جديد على نفس القارعة ليت القصايد توفَي مدحكم يا رجاجيل رباع يا عزَنا بين القرى يا شرفنا بيوتهم عامره فيها مكارم و جودي وابو عطيه نعدَه م الرجال الموامين شاعر وراعي جميل ومن عزاز الرجالي |
طيب طيب هاك ردك ياخيه مع وافر تحياتي واحترامي والله يعطيك العافية شاعر كبير يسعدني اقصد معه
أخوك ابو تركي الوقت يمضي بنا وانحن بعد في رجا جيل والهم جا اللي نشو قدامنا والشر افنا وان مت ماظن ينقص فالخلايق وجودي والى دعي لي ورى موتي بخير(ن) قل آمين مايفتقد لي يكون اللي عزيز (ن ) رجا لي |
الله على الكلام المحبوك تسلمون
|
استلم القصيدة على القارعة
يابو تركي ماعاد من سد مارب لهل صنعاء ولا انجيل ولا عد ابيار وادينا تغطي قرانا اثر الضما لو يلع في دورنا ولع بادي بعد يقصَر مدى الايام وان تم لك امدين والروض عوَد قفر والبيد رب الجلالي |
هذا الرد يابو سعيد من ابو تركي ويبلغك تحياته وهي من يوم الخميس لكن التاخير مني انا
ياهل الصليب افترو توراة ربي والانجيل وانحن في الاسلام جا تشريعنا من قرانا نزلّه عالمصطفى بالحق رب العبادي وانحن لنا دين فيه الحق وانتم لكم دين والكون خيره وشره بيد رب الجلالي |
مشكور يااستاذنا صقرالجنوب وصح لسان شاعرنا الكبير ابوتركي وانا اقترح عليك ياصقرالجنوب نقل هذة القارعة لمنتدى الشعرالشعبي اذا كان فيه امكانيه واذا ابوتركي يبغا نواصل عليها انا تحت امره استلم القصيدة على القارعه يابوتركي النمر لا ضم صيد اغدا عظامه تفاصيل من خبط كفه يلين الصلب والعاج لينا يكاد يفني الجمال اللي في البر كودي ما للهدايا مقابل في قلوب المهدين والنمر يطرد جمال الباديه والعجولي |
يابشراك يابو سعيد
نقلنا الموضوع للشعر الشعبي وختمناه بختم التميّز وفقكم الله |
الرد من ابو تركي
يابو سعيد استمع لاخبارنا بالتفاصيل قدام توصلك ماهل الكذب والعاجلينا نبني المعاني ونبني علمنا بالركودي ولا نحسّب هروج اللي غشم والمهذين نتجاهل العلم من حسادنا والعجولي |
صح لسانك يابوتركي ومشكور يااستاذنا صقرالجنوب على نقلك للقارعه في منتدى الشعرالشعبي فهذا مكانها الصحيح يابوتركي انت شاعركبير وانا يسعدني اني اقصد مع شاعر مثلك خذ منا الميسور واعذرنا الى حصل مني قصور انا تراني عليمي ماني بشاعر وصدقني اني استفيد من قصايدي معك استلم القصيده على القارعه جيش ابرهه يوم وصل وادي محسَر زرا فيل افنتهم الطير تحت الشمس و الضي فونا والشوك مايشبه اغصان الزهر و الورودي والصلب لا تحسبه تحت العواصف رقف لين وقَفت من شان ابو تركي وهو ما وقف لي |
شاعرنا ومشرفنا علي السبيّة الله يعطيك العافية على كل الجهود المبذولة في المنتدى وجهودك ماهي خافية على أحد نسأل الله لك الصحة والعافية ..
وأبو تركي يقول أنت شاعر كبير ونحن تلامذة في مدرستك ويهديك تحياته وهذا رده أهل البخل ياعلي للباب حطو زرافيل ماضيفو حد على خبري ولا ضيفونا بيوتهم تنعرف للي صدر والورودي إلى أقبل الضيف حطوله على الباب قفلين من شدة البخل زاد الباب ضبه وقفلي |
احسنتم في النقل الى الشعر الشعبي
شعار من الوزن الثقيل وكلام مليان الله يعطيكم العافية |
أخي وشاعرنا المتميّز الغريب شكرا على جهودك يالنشمي
|
تحياتي ياصقرالجنوب
وللجميع اجمل التحيه والتقدير استلم القصيده على القارعه يابوتركي مافي قلوب المحبه والرضا قلب رازيل يوم انتخبنا محمد ليتنا ما انتخبنا والحزن يغلب مواقيت الفرح و السعودي لكن ياروح في وقت الشقا لا تمارين اما بدينا مع الاصحاب والا بدو لي |
| الساعة الآن 05:20 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع