|
الله ....الله
فعلاً محاوره غير ....أستمتعت بهذا النقاش من فتل ونقض رائعين صحّت ألسنتكما على هذا الإبداع الجميل ... |
عسى الله يعين اللي تداوا ولا طاب وكم حـن قلبه للـقمر واشتـكـا لـه علي السبيه شاعر الذوق والابداع صح لسااااااااانك وعلا شاااااااااانك وسلم بنااااااااك ماشاء الله تبارك الله ولا قوة الا بالله ابيات قمة الجمال ومنتهى الروعه بارك الله فيكم جميعا متابعين لكم |
صحت السنتكم والله يعطيكم العافيه
وكااااااااان الله في عون اهل الهوى |
ياسلام يا سلام يا سلام
ساكون متابع لهذه المحاورة الشيقة حتى نهايتها الكلام الجميل .. لا يعطي فرصه للهرب صحة السنتكم وابدانكم يا مبدعين تقبلوا اجمل تحيه |
متابعين لمحاورة مبدعين يعطيكم العافية
|
الله عليكم يالاثنين إبداع يفووق الوصف
محاورة راقيه تزينت بثوب الهوى وتوشحت بوشاح العشق فأسرت الالباب وسحرت العيون ... ملك الليل >< ابو طلال safaqah تقبلو مروري وسجلو اعجابي |
نظراً لإعجابي بهذه المحاوره بين الشاعرين الخلوقين ملك الليل وعلي السبيه قمت بتنسيق المحاوره واسمحوا لي بتسميتها سالفة العشق.. ******************** (محاورة الشاعرين ملك الليل وعلي السبيه) (سالفة العشق) البدع ملك الليل سلام ٍ صدوقُ ونرسله عند الاصحاب ربـاع الـغـلا واهـل الوفـا والـجـزالـــه ================ أنا ياعلي قلبــــــي ضحيِّه للاحباب خسر مارجع له فود من راس ماله الرد علي السبيه هلا باالقريب اللّي حضر بين الاقراب ويا مـسعـد احضوره ويا طـيـب فالـه ******* سؤالك عنـه قاضـي المحبيـن ماجـاب يـقول الهوى يـشـرح جـوابه سـؤالــه البدع ملك الليل ترى العاشق الولهان ما يقفل الباب بـوجه الـذي ينصاه واللي رجالــه ================= وقلب المعنّا من بعد قسوته ذاب على نظرة العُشّاق حالتــه حاله الرد علي السبيه يزيد الغلا في قلب عاشق ولا غاب وصــورة حبيـبـه مــا تـفـارق خـيـالـه *********** وفـي دنيـة العُشّـاق ياكُثـر الاسبـاب ترى الوصل له جاله وللهجر جالـه البدع ملك الليل طلبت الدوا يوم ان لي قلب منصاب من اللـّــــــــي عيونه بروزتها كحاله ==================== تكبّر عليّ وزادني لـــــــــومُ واعتاب طعن قلبي اللّي كنت ادوّر دوا لـــه الرد علي السبيه عسـى الله يـعـيـن اللّـي تـداوا ولا طاب وكــم حــنّ قلـبـه للقـمـر واشتـكـا لــه ******* سـقـاه الـهـوى جُرعه كما سُـمّ الانيـاب وجـوّه تكـدّر واختـلـف مــا صـفـا لــه البدع ملك الليل تراني صغير السنّ والراس ماشاب من الشوق لي راس ٍ يميّل عقالـــــه =================== صدوقاً وفـــــيّ الطبع مانيب كذاب ملك ليل يشهد له سمـــــــاه وهلاله الرد علي السبيه يـخـاف الـقـمر من مشرق الشمس ويهاب وليـلـه شـعـاع الشـمـس يـكـشـف ضـلالــه ******** والاشــواق مـايـاجـي بـهــا فـتــل الاشـنــاب وســيــف الـمـحـبـه مــن يــقـــاوي قـتــالــه بدع ملك الليل مُلوك ودول طاحت من أسباب الأهداب ولابليس بـــــابُ ويتّــــجه مــــن خلاله ===================== وكم من شُجاع أنذل باسباب الإعجاب تناسى ولــــد عمه وجـــــده وخــــــاله الرد علي السبيه أثار الهوى شرّه كما شرّ الارهاب وراع الهوى يخلـط حـرام ابحلالـه ******** يتوّه عقول أهل الرشاده والالباب ويوقـف عبيـده فـي بـلاط الجلالـه بدع ملك الليل برامج نشاهدها بلا ستروحـــجاب تركنا الذي محتلّ يهنا احتلالـــــــه =================== ذياب الخلا تســـري بلا نار شباب وراع القوافل كود يُحرس جماله الرد علي السبيه غدا الكون مثل القريه ماعد به اغراب ولا عــد تــفـرّق مـيـلتـه واعـتـدالــه ********* وصـــار الـتـعـارف بـيــن شـــبٍّ وشـيِّــاب ولا تختـلـف يمـنـا الـفـتـى عـــن شـمـالـه ووورد*********************ووورد |
ياسلام ياسلام وش نقل فيكم لله دركما لاهنتما محاوره ممتعه صحة الالسن |
ابو احمد وابو طلال
صدق محاوره غير شكل صحت السنتكم على هذ الأبداع |
الله الله
المحاوره تكشف اسرار اهل العشق لون جديد على المنتدى وفكره رائعه ملك الليل ابو طلال بيض الله وجو هكم يالنشاما لاهنتم |
| الساعة الآن 09:34 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع