البدع : الزيادي=
**=
يالله لك الحمد راسي شاب والشيب طايل=
ليت البوابير خلّت حملها عالمواني=
ولاصفق موج نهر النيل قدّام حينه=
وش حال الأسكندريّه عندكم ياأهل مصرا؟=
ماهي بعيده عن السودان فأرض أم درمان=
تيّهت أنا بين سوداني ومابين مصري=
وأرض أم درمان صارت مثل الأسكندريّه=
**=

البدع=
اشوف بين الحروف الملهمه شي بطايل=
اشوفها شوف عين ولا بشر علمواني=
وانا احسب انه نسي وان جا خطا دامحينه=
اثره لنا محتزم بالختل في كل مصرا=
وبعد مااستامنته ارواحنا عوّد رمان=
سمحان شال الحمول الجايره وألم اصري=
من بعد لبس المشّبك جا لبس كندريه=

البدع : الزيادي=
**=
يانجم مدري وش أسباب الغُنا والمثايل=
حتى ولو كان هذا مزح !! مزحك دهاني=
ترى البديوي رحل وأقفى وغمّا ضعينه=
ماعاد بعْلمك عن هذا الخبر وإنته أدرا=
وأنا لك الله مادوّرت لي مالدني شان=
وش قصّة البحر الأحمر ياأهل دَلّه وصفري=
تدعونه البحر الأحمر !! والمياء زرقويّه=
**=

الرد=
النحل ريته على كوز العسل ولم ثايل=
انا شريته وبه من صدر مزحك دهاني=
من واحدن ماذبحني غير غماض عينه=
ان كان ماشافته عيني فانا مت هدرا=
هم يدّعون الهوى والكل لي مد نيشان=
من خلف شاشات والقى كيد بيضن وصفري=
وانا على جال صيّن والميازر قويه=

البدع : الزيادي=
**=
يانجم لاتحسب إنّ الحُكْم والشّرع مايل=
إن كان ودّك لضيف الليل تاهب عشاء ني=
حتى سباع الخلا تورد على شاء متينه=
وأهل الكرم عيّدوا ضيفٌ وذيبٌ ونصرا=
يوم البخيل المنتّف يدّرق سدّ بيبان=
وإن كان ودّك على المهجوس تنهى وتمري=
فلا يجي في بروج البثّ وشواشويّه=
**=

الرد=

بعض العرب له مع اهل الزيف والشر عمايل=
وانا طلبته يقاطعهم ويرجع عشاني=
لكنه ماطاعني وارضى هوى شامتينه=
هم يقلبون الحقايق والخساره بنصرا=
الين شفته على التلفاز لي من دبي بان=
من بعد ماكان كنه لي مع البن تمري=
عوّد مراره وجرحي كنه اشوى شويه=

لاهنت يانجم وصح لسانك والله يعطيك العافيه .......

كفيت ووفيت وماقصرت ....أعذرني أنا على القصور

وإلى اللقاء في متصفح آخر ...