البدع=
دام انها يالزيادي جت من المن علومك=
وكل زراع يدري وين منها جرينه=
والضيف لاجاك يالمبدع فعشه وغده=
من ملنا يوم ضاق ابه الوفاض ايوم ليان=
ماسار في درب غير الصدق لوماك رهناه=
يبات قلبه نضيف وليل بالسلم نامه=

هههههههههه صح لسانك ملايين ... ياغزله

الرد : الزيادي=
**=
ياصقر فيّت على الميدان هيبة علومك=
والمنتدى عامرٌ ماطاح من هاجرينه=
وكلّ فتنه لها حلاّل ماهيب غدّه=
إن قلت مليان بالناس العظام؟ إيوَ مليان=
من راح مانلزمه .. واللي يجي ماكرهناه=
وكلّها جسر مابين الخُبر والمنامه=
**=

احلف برب البيت باهل النت مابه لك شبيه=يابحر في جوفك جواهر والصدف واحلى الكلام
سلمت يالمبدع لنا ولاهنت فينا يالنبيه = ياللي بفن الشقر بينت الحقيقه والظلام
انا مدحتك وانت تستاهل وهذا اللي نبيه=والا قليل العرف الى من جاك مارد السلام
يعجبني اقدامك وانا احب الشجاع ونجتبيه=وان قلتها ياصحابنا بالصدق لاتبدو الملام
ليت الزيادي يوم نحضى به ونلمس مخلبيه=في مقعدن يشفي الصدور ويجمع الناس الكرام
ياصاحب العقل الذهين اشراقه ومن مغربيه=قامت فتن وانا معك عايش على سيرة هشام
دام ان نظم الشقر بلسم رابعه لاتخربيه =داوي به جروحي وجرحن فالزيادي عالدوام

لاهنت يانجم الجنوب وصح لسانك لين يلين صميد
والله يعطيك العافيه ياغالي ... تشرفت بمحاورتك
والعذر على القصور ... ودي وتقديري وإحترامي