|
المواقف كثيره وجميعها محفوره في الذاكره اذكر موقف لا انسها جاني فيه كف مازال صدى صوته اسمعها الى الان اخوي الله يحفظه يحب يسوي كل شيء في البيت بنفسه يعني ممنوع دخول اي عامل الى البيت وفي يوم كان يسوي لمبه في السقف جاب السلم وطلع قال لي امسك السلم زين قلت ولا يهمك اعتمد وكنت مشغوله بمسلسل باب الحاره الجزء الاول وماودي يفوتني ولا مشهد المهم مدري كيف نسيت وطلعت اشوف المسلسل وما رجعت الا على صوت السلم واخوي ممد على الارض فضحكت بصوت عالي صراحه المنظر مضحك وشكل اخوي فله عصب اخوي وجاء عندي قال عاجبك المنظر هااااااه تفضلي وصكني كف رووووعه حصلت عليه عن جداره المفروض اساعده اعتذر منه بس شكله من جد يموت ضحك طيب اطرح نفس السوال السابق للي بعدي؟ |
هههههههههه حلووووه بصراااحه تستاهلين الطراق عن جداره...ههههه
بالنسبه لي المواقف الطريفه كثيره جداً بس اذكر يوم كانت الوالده على رأس العمل في عيادتها في مستشفى التخصصي كنت أمر أخذها طبعاً وأحياناً كانت تتأخر في العمليات وأنا أجلس في العياده وطبعاً كل يوم أتعرف على دكتوره والوالده ماتدري وتتفاجأ الوالده كل يوم وحده من الدكتورات الشباب تقول بلغي محمد السلام الوالده تنحرج وتستغرب من وين عرفتها وبعدها تحقيق معي حتى منعتني من دخووول المستشفى ....ههههههههههههههه ---------------- طيب اللي بعدي ممكن يقول ليييش هذا البرود اليومين هذي بالمنتدى |
ههههههههه امير الكون حتى في المستشفى ماتجوز عن سوالفك لو انا دكتوره تدري وش اسوي على طول اعطيك ابره تخليك في غيبوبه العمر كله ههههههههه بالنسبه للمنتدى مافيه اي ركود عادي جدا افضل من غيره بكثير والاعضاء كل واحد وله ظروفه يوم عنده وقت ويوم مزحوم يعني وقته فل والموجودين فيهم الخير والبركه طيب لو دعيتك لمنتدى اخر هل تلبي دعوتي ؟ |
أولاً الحمد لله إنك منتي دكتوره إلا كنا أصحاااب ....ههههه
أكييييد أقبل إذا أنتي مشاركه فيه ........ طيب قدها تقولين هل سبق لك السفر خارج المملكه....... |
ولا مره مجرد التفكير في السفر خاج المملكه يطير النوم من عيني خوااااافه اول ماشوف الاجانب يجيني صداع وخوف منهم استغفر الله تقول ماهم بشر واحنا في بلدنا كيف لو اسافر هههههههههههههه طيب وش رايك بمرحلة سن 17 وهل تتمنى عودتها؟ |
يا حلاااوه أحلى عمر كنت بالسنه ثاني ثانوي بمعهد العاصمه النموذجي
ويا سلااااااااااااام سنه حلووووه بمعنى الكلمه ...... ألا ليت الشباب يعود يوماً ....فأخبره بما فعل المشيب ------------------- طيب أنتي نفس السؤال........... |
مرحله من العمر مرت بحلوها ومرها اكيد لها ذكريات حلوه واكيد بعد اتمنى انها ترجع يمكن اقدر اغير اشياء كثيره في حياتي طيب سؤال يقولون المرأة نصف المجتمع مارأيك بهذه العباره وهل هي صحيحه؟ |
نووووووو مو صحيحه المرأه المجتمع كله.....
http://www.youtube.com/watch?v=EtJoNj5zLlc |
امير وين السؤال ماعلينا يقولون الرجل يفكر لاكنه لا يثرثر والمرأة تثرثر ولكنها لا تفكر مارأيكم هل ماكتب صحيح ؟ |
هلا بك لؤلؤتنا ممكن بس مو على الأطلاق...فأنتي ثرثاره بس تفكرين صح...ههههههههه
طيب قدها تقولين وش يدور في رأسك هالأيام وحاطه كل أهتمامك فيه |
افكر في اشياء كثيره واهما داخلين على موسم زواجات يعني هدايا مشاغل واسواق فلوس تصرف بغير حساب سهرات يعني اللي توفره في شهور تصرفه في شهر لا وبعد العزايم والزيارات واللبس اللي العام مايشوفنه السنه ذي شايف كيف التفكير هههههههههههههههه طيب وش رايك في اللي يقولون اللبس مايلبسونه الا مره وحده وبعدها ماينفع لانهم شافوه ولازم جديد؟ |
يعني شيء عجيب بصراحه بس ليش ما أدري على الأقل اللي وضعها المادي طيب
معقوله بس اللي وضعها المادي ضعيف وش تسوي ...حسبي الله تفكير غريب..؟؟ طيب ليييش ما تلبس الوحده بنطلون وبلوزه وتفتك من الفساتين الغاليه ....ههههه |
ممكن اذا كان الزواج من خارج العائله او الجماعه اما لو خاص فشله وش يقولون الناس الي رضاهم غاية لا تدرك مما يضطر الوحد تتسلف علشان تبين انها كشخه وزوجها مدللها وطبعا اقل فستان سعره مايقل عن 500 مية ريال وشوف كم مناسبه وكم مبلغ راح ينصرف الله يعين سؤال لو طلبت منك زوجتك مبلغ نقول 2000 ريال لانه شافت فستان ودخل مزاجها ولازم تشتريه وش راح يكون ردك توافق ولا ترفض |
أكيييييييييييد لو تطلب لبن العصفور أجيبه لها....
طيب ممكن تقوليين جدولك من ناحية النوووم مدام انك تحبييين السهر... |
انا ماحب السهر بس لاني انام بدري واحيانا بعد صلاة العشاء مباشره كم ساعه يكفوني بعدها اسهر باقي اللي وانام بعد ثمانيه تقريبا كمان كم ساعه يعني ماحب النوم الكثير طيب متى يبدا دوامك ومتى ينتهي وما نوعية العمل الذي تقوم به ؟ |
أنام بعد الفجر وأصحى الساعة سبعه ونصف وأداوم الى الواحده
تقريباً في جامعة نايف العربيه للعلوم الأمنيه مفرغ لي سنتين طبعاً من وزارة الداخليه لإكمال الماجستير وخلصنا الدراسه المنهجيه وبإذن الله خلال الشهر القادم نحصل عليها ونفتك من هذا القلق ------------- طيب وش آخر دوره أخذتيها...... |
من زمان مادخلت دورات ماعندي وقت طيب قبل ماننهي اسئلة حلقتنا لهذه الليله هل عندك كلمه اخيره تحب تضيفها ؟ |
لا
ههههه اللي بعدي وش برنامجك هالخميس والجمعه ؟ |
إعداد تصميم لغلاف وورق الرساله.....
طيب اللي بعدي السؤال نفسه........... |
مو حاط ولا برنامج فاااضي
قدها اللي بعدي تتصل على 992 |
مو قدها هههههههههه
طيب اللي بعدي قدها يقول وش شعوره يوم يتذكر إن نهايته الموت لا محاله.......بكاااااااااااء. |
سؤال مؤثر الموت والحديث عن الموت يؤلم النفس فلا احد يحب ان يذكر الموت الذي لا يعرف الصغير والا الكبير الغني ولا الفقير العربي والاعجمي جميعهم سواسيه يمر على كل واحد منهم في سعته الموعوده واجله المكتوب لا اريد ان اكتب اكثر وسأكتفي بهذا الدعاء الله خفف عنا سكرات الموت واحسن خاتمتنا وتوفنا مسلمين وانر قبورنا بنور اعمالنا ولا تواخذنا ان نسينا او اخطاءنا اللهم امين سؤال هل سبق وان توفي احد اقاربك امام عينك ؟ |
نعم
كيف كان يومك ؟ |
هلا بك شموخ كان يوم مليء بالعطاء والانجازات ولله الحمد....
طيب قدها تقولين وش آخر شخصيه أعجبت بها....... |
أخر شخصية أعجبت بها كانت لوزير العمل .. حيث كان سبب الاعجاب القرارات الصارمه التي سوف تتخذ مع رجال الاعمال. بخصوص برنامج نطاق جدا خطوه مهمه في عالم رجال الاعمال وسيداته وكمان خطوة تحول لطالبي العمل(بس إن شاء الله يكون قدها وما يغير كلامه ؟؟) |
هلا بك أختي بحور نورتي الصفحه بتواجدك.....
طيب قدها تشاركين في موضوع المليون رد وفي قسم الترفيه دوماً.... |
بصراحه كنت متواجد دائما بالمنتدى ولا يمكن أن انام الا وقد دخلت المنتدى فقد صار بيتي الثاني ولكن
بعد أن خرج الكثير من الاعضاء الذين كانوا يجبروننا على القراءة لمواضيعهم التي تشدنا لمناقشة افكارهم مع حترام اراء بعضنا مهما أختلفت فتوقفت عن الدخول للمنتدى وأصبح متوقف بالاجازة الاسبوعية لذا اتمنى أن اكون متواصل دائما ً ولكن ظروف عملي قد تجبرني على ذلك . ولكن سؤالي لكل منا اوقاته التي يخلوا فيها لنفسه فأين تجد راحت نفسك ؟ |
سؤال حلو بصراحه ممكن بتصفح ذكرياتي بمرحلة الثانويه والجامعه
من خلال الصور والمذكرااات وأشياء فغلاً تجعلني أجدد نشاطي وحياتي.. --------- طيب قدها تقول /ين وش الشيء اللي تتوقع إنك تتميز به عن غيرك... |
اشياء كثيره
طموحاتك المستقبليه ؟؟ |
آآه بس اتمنى أنه ما يفهم أنه غرور ؟!
احمد ربي أن ميزني عن غيري برؤيتي للمواضيع من جانب النسب في اتخاذ القرارات بأن ارى كم الايجابيات وكم السلبيات فإنني أعمل بالايجابيات حتى وإن كانت على حساب نفسي بأن أتنازل عن حقي إذا كان تنازلي سوف يفيد غيري .. هل فكرتي يوما أن تكون لكم سلطه لتغيير ما تروا من وجهة نظركم أنها مشكله يجب حلها بطريقة التي تؤمن بنجاحها وأين تروا هذه السلطه ؟ |
إني أكسر راسك علشان ما تلطعيني ساعه أنتظرك ساعه هووون...
طيب قدها تقولين وين كنتي طاسه ساعه.............. |
مو لازم اجاوب
|
أوكي شموخ.............ثانكس
طيب قدها تقول / ين ليييييش الاربعاء له جو ونكهة خاصه ........... |
طموحاتي كثير والله مو ملحقه بس بشري يالغلا أخبارك من زمان عنك ؟وسؤالي لك وين الناس اشتقت لك ياشموخ
|
هلا والله بحووووووووور
انا تمام لك وحشه ذكرتينا باايام حلوووووووه وناااس هم نور المنتدى هلا فيك |
بقول حكمة الرميصاء في مصر عن يوم الاربعاء انه نفلها والدليل انه لغاية هالحين صاحين ما فيه دوااااااام
الي بعدي متى اخر مره احسستم أنكم اعضاء غير فعالين في المجتمع يعني الاعمال التطوعيه |
هلا وغلا بالاخت الغاليه بحور منوره المنتدى وخاصه قسم الترفيه الاجابه على السؤال ولا مره لانو بأمكاننا نكون نافعين حتى واحنا امام شاشات النت بنصيحه بموضوع برد او فكره او اقتراح وغيرنا يستفيد منها سؤال الا ترون معي ان المرأة السعوديه اصبحت حديث الدول وان نظرتهم لها فيها احترام وتقدير اكثر من غيرها رغم تصريحاتهم بأنها مهضومة الحقوق ؟ |
هلا وغلا لؤلؤة اوافقك الرأي !
ما عندي سؤال ؟؟؟ |
كووووووووويس اليوم اجازه هههههههههههههههه |
اوكي بحط سؤال
قدها اللي بعدي .................................. اكمل ههههه |
| الساعة الآن 11:38 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع