سرحان مايعدي على لاش وأهزيل الحلال
لـو كــان طرش البدو بدا يراقب وشرعـاه
فاتــه مساريح الرعايا ويا فــــــوت العصر
رعيـــة السايب ومال البخيل الذئب لــــــه
كـــم من شبوك وثقوها عدا بحلالهـــــــــا

بدع


صم الصفا ما يكسره معولك يا بو طـلال
وانحن عرفنا كل معنى وخلك في نبــــاه
لولا ال ثاني ما عرفناك.. يا دوحة قطـر
متى وبدوِك بعد ذاك الضما في حلّــــــلّه
العز بالله يا عجايب وضح دربي لـها..

طيب يالامبراطور طيب حيلكم بينكم ههه
 

اسمع الرد ياشيخ

السيل مايشبه لقطر الندى ياب وطــلال
ومن يدور يشعل النار سره في نبـــــاه
كب الرقاب العوج تعصاك ماضلت قطر
العالم أفتى في سباق الخيول وحللَــــــه
حلل جوايزها وزادو هبو دربي لهـــــا

البدع

وين الهرب لاطوّقتك النموره ياغزال
ابتخترج قلبه وكبده وتشرب من دماه
اصبحت ياضبي الفلا في نفود وفي خطر
النمر له حيله لصيد الضباء ومغزّ له
من عادته مايقنع الا بصيد اغزالها

الرد ياخيه

من زادت افكاره يصيبه من الدنيا غزال
أنا اشهد إن أهل الحظوظ الرديه مندماه
الناس مرتاحين واما الشقاوي في خطر
إلا غدينا كلنا للدواء ومغزلـــــه
وين الفقيه اللي مع الجن يبيد أغزالها

بدع


لا والذي يرعاك.. ابو زيد شيخ بني هلال
صاد النمور الجامحه والخطل قرب وجاه
فتح عيونك يا ابن غانم على مد البصـــر
تشوف قبلك من يفل الحـــــــديد وجند له
مات الزناتي يا ابن غانم وطـــــو احبالها

أنا لمحت الشهر وسط السماء يبني هــلال
ورييت راع المال حايز على منصب وجاه
خذ له من المحتاج هيبه وخذ مد البصـــــر
والقايد الخواف مايسمعون الجند لـــــــــه
خسران لو سيطر على المعركه وأحبالهـا

البدع

الله وليك ياحيا عاش في روس الجبال
يرويه وبل المزن الى هل غيمه من سماه
كسا الجبل طوله وعرضه من اللون الخظر
جبل شدى راسي والانصب ترى من يمثله
واجا وسلمى جا لها ذكريات اجبالها