|
ملك الليل ادخل الملعب
وين انت يا ملك الليل : :busted_re المسألة جد ما هي مزوح :
البدع : المـوج يا مرحبا يا رفيق الليل عد النجوم كم مرة قلت لك خل التحدي سباق |
ههههههههه...ههههههههه
الله يستر .... صح لسانك يالموج وعلا شانك وننتظر ملك الليل وإبداعه....لكن ليش بيت واحد ما هي بيتين... |
طيب طيب يالموج صح لسانك ويالله علم خير والدوريه توطوط الله يستر سيبوها سيبوها يعني خلوها ههههه لك البقاء عد ماهبت هبوب النسوم انا معك والبشر تفرح على اي اتفاق |
صحت السنتكم لكن يالربع مافي محاوره بيت واحد
خلوها بيتين أفضل قد سمعتم بعرضه بيت واحد ؟ |
عاشق المها : صح بدنك يا تاج راسي ، على شان اني زعلان ، لكن ابشرو نكملها لاهنت.
ملك الليل : صح بدنك يا تاج راسي ، ويشرفني ردك ، وانا زعلان ما بيني وبينك كلام الا في الميدان . الهجير : أستاذي الكريم وتاج راسي صح بدنك لا هنت ، يعني انت تعرف المـوج ، من جنبها في القصايد ، لو هي قلطة حقيقية قدام المكرفون ، ما قدرت أصف كلمتين جنب بعضها بعض لكن ابشروا نزيدها بيتين ، وصحت أبدانكم جميع ، والحقيقه انه سوء تفاهم بسيط بيني وبين الشاعر ملك الليل ، ونحله على الميدان : :busted_re:busted_re:busted_re يا مرحبا يا رفيق الليل عد النجوم كم مرة قلت لك خل التحدي سباق اهلين يا فارس لكن خوفي تنوم الخيل جاها الضما ماتت بمضمارها :icon28::icon28::icon28: لا تضحك ياملك الليل قدام الجماهير لو سمحت . |
طيب يالموج والله لايجيب الزعل ونشكر الاخ الهجير على ملاحظته الصحيحه لك البقاء عد ماهبة هبوب النســـوم انا معك والبشر تفرح على اي اتفـاق ان كان ياصاحبي تبغى سماع العلوم شد العزيمه ترى للـــخيل خــيالهـــا |
صح لسانكم جميع
اكتمل الابداع بوجودكم متابعين لكم التقدير |
الموج
ملك الليل صحت الألسن وتعافت الأبدان عسى الله يوفقكم |
الموج
تسلم وليتنا كلنا مثلك بطيبك وسعة صدرك تقبل احترامي وتقديري ولا تنسى المشعاب خله معك من باب الاحتياطات الامنيه |
اثر شي مقابعه وانحن ماندري واسمع كلام الهجير يالموج الاحتياط واجب
وصح لسانك ولسان ملك الليل استمرو واحنا متابعين لما تقدمونه من ابداع |
الموج
ملك الليل صحت السنتكم واصلوا ابداعكم وقصائدكم وانحن متابعين ومشجعين وجاهزين للفراعة اذا احتدمت الامور |
ملك الليل : صح بدنك لاهنت
ملهمة شاعر : صح بدنك لاهنت أخي الكريم عبدالله اللبيدي : صح بدنك أخ وعزيز لاهنت والله يسمع منك أخوي عبدالله . الهجير : المشعاب آهو طارف ، لكن آخاف يفتكه ملك الليل ويضرب به جوف راسيه . أستاذي علي السبية : صح بدنك أستاذي الكريم ، والله يستر من تواليها . صقر الجنوب : صح بدنك يا أبو أحمد لاهنت يا غالي . استلم يا ملك الليل من المـوج : :icon28::icon28::icon28:أعرفك نشمي وجيد من رجال قروم لكن لا تخرب الطبخة بمر المذاق كان ما تقدر على القوس لتحد السهوم البحور المظلمة ما تصل لاسرارها:icon28::icon28::icon28: |
اقتباس:
هلا بك يالموج والله يحييك انا مادري كيف تقول بالابيات موسيقار كل بيت بلحن ياحبي لك ابتسامة ساخرة لكن دخيلك تقبل ردودي المتواضعه ========================== ان كان صدّقت في نومك تراها حلـــوم لاتحسب انك ملكت القدس والا العراق اقدر على القوس واتفنن بقتل الخصوم من حيث ماتبغــي الطعنات تختارهــــا |
صقر الجنوب : صح بدنك وخلك جاهز تفرع بيني وبين ملك الليل ،
ياخي ما قدرت امسك روحيه ، أنا قلت لك لا تضحك ، والظاهر اني بضحك اضبط اعصابك بعد للعلم ياجي علوم دام نادي الاتحاد ما يحسب للآتفاق سيفنا ما هو كما السيف المثلم ثلوم ضربة على آلاقدام يطيرك غبارها :icon28::icon28::icon28: |
اقتباس:
طيب طيب يالموج الله يفكني شرك ههههه للمدح سوقاً وله شراي من غير سوم سوق الدنادين ماهو سوق راعي النياق وانا اشهد ان العرب ماتعترف بالرخوم لو ترفع الصــوت والا تـــلفت انظارها |
الله الله ياخي :busted_re:busted_re:busted_re :
لا تنزل البحر ما دامك ما تقدر تعوم البحور الجامدة ما تهاب آلاحتراق تغرق ابها لو هربت ابجبل والا تهوم والمحيط المتجمد يضحك على نارها |
اقتباس:
طيب ياصاحبي ماننزل البحـــــر لكنّا وصلنا الغيـــــوم لاجل النظر فوق هام السحب عدا وفاق اعرفك شايب على الهمه تطيح وتقوم والناس ماعندك الا موجـــــز اخبارها |
مجار والله يا تاج راسي : استلم والعذر والسموحة :
ما ظهر عند الغيوم الا شيطان يحوم يسترق للسمع ويا تحمل ما لا يطاق انتبه لا تسبق العلم وتجيك الرجوم حدنا فوق السحب ما وقف مشوارها |
اقتباس:
خذ راحتك يالموج ههههه ياساكن البحر جاء لبليس جنداً وقـــوم غواص بناي ماموراً وحولــــه وثــــاق قضاء حياته شقاء واقفا زمانـــه خدوم وان مات يصلى لهيب النار واسعارهــا |
ههههههههههوين ساكن في مثلث برمودا
هذا ابليس طال عمرك :icon28::icon28: طيب طيب ياخي سيبوها ياخيووورد |
بالحرام لاحد يبدي عليه ليقول غزل من الضحك عليكم وانتم واحد عند النجوم وواحد في غبة البحور
لكن والله لأعجبتموني خاصة الموج بالحرام إنك تهول من غير وزن |
عبدالله اللبيدي ههههه موزونة وش معك ياخيه
ملك الليل : استلم يا تاج راسي العمر شايب ولكن شباب بالعزوم من فضل رب البشر خالق السبع الطباق نصبر لبرد الشتاء والا بحر السموم يومك ما تقدر على الصحراء ومسيارهاووورد |
إلا موزونة ونص وثلاثه أرباع بالحرام انك صملة ومن راسي دس بملك وحول لين يعرف إن الله حق تراني معك ضده...خلنا نشوف وش بيسوي
إن الله يسعدك إن الله يسعدك والله والله أني أحبك من قلبيه واحب هروجك وأدري إنك ما بتاخذ في خاطرك عليه |
اقتباس:
سيبوها سيبوها دحنا قدعان اوي ههههه ان كنت هايم بصحرا نجد من عـــاد الوم خلك محلك ولا يصعـــب علينا الفـــــراق وش طلعك من عميق البحر غير السقوم وابليت روحك بصحرا الموت واخطارها |
عندك بملك الليل ياالجندبي لا تفك عنه استلمه باالموزون وغير الموزون
وانا من ذلحين مسنتر في هذه الصفحه |
صح السنتكم وعلى شأنكم يالموج الجندبي ويا ملك الليل999
مين قدنا جالسين نستمتع بالشعر دووووووووووووووم يارب هذه المحاورات التي تكون على النفس جميله أتمنى مشاركة بقية الاخوه والاخوات من المبدعين في الشعر تقبلواااااااااااااااا مروري منتصرررر |
على شانك يا اللبيدي انت وابو طلال وآنا سد وجيهكم بعد الله من ملك الليل شكله ناوي يخربها معي ههههه:
خلووووها :icon28::icon28::icon28::icon28::icon28: وش بك ابعيد الضحيه تشققت الهدوم رحت يم المجلبه تشتري تيس معاق ترتجف لاجيت تصلخها ولا احد يلوم ما اشتريت الا الهزيله وانت مختارهاههههه |
اقتباس:
والله اني احبك يالموج ويعجبني سعة صدرك واسمحنا وخلنا نضحك شوي ابتسامة ساخرة بحلف لك ايمان واختّم بسبعة ختـــوم بانك جعلت القصايد كلها خاق بــــــاق خذت الهزيله على شانك تسحر وصوم يوم ان للناس منزلهـــــــا ومقـــدارها |
مجار والله يا ملك الليل
يا سيدي وتاج راسي انت وربعك والجندبي فدا راسك ورجلك . أخذت العلم اللي يرفع الراس يكفينا إنا نحبك في الله محبة مافيها نفاق والا مجاملة والا مصلحة ، خالصة لوجه الله تعالى وبعد يسألنا الله عنها هي صدق والا كذاب خلنا نختمها بسرعة قبل ما تشتغل المشاعيب بيني وبينك ابتسامة ساخرة :icon28: غلقت منك القصايد وابتدت فيك الكلوم يوم جرحك في كتوفك والدما في كل ساق خلها نقدر عليها والعمر ماهو يدوم والقلوب اللي سموحة تقبلوا معذارها |
اقتباس:
الله لا يجيب المشاعيب تبقى اخ وغالي وتاج راسي وقدرك كبير اضفت روح المرح في هذا المتصفح الذي لايعد الا قصايد ومداعبه فقط والحقيقه تتضح في كبد السما يابو محمد ياسنايدي يالموج وش وقعك في وسط ليلً ظلـــوم والخيمه المايله طاحت بكشـــف الـــرواق بيّاع شهد العسل ماهـــو ببياع ثــــــــوم يوم ان الابيات محكومــــــه بشعــــارها الله يبيض وجهك يالموج ويسمحك من قلب مايحمل لك الا الطيب والمحبه غزير بشعرك وراقي بتعاملك الا اخوك الصغير ملك الليل يقبل جبينك ويطلبك العذر ان قصرت معك والا حصل مني خطأ مع اسمى تحياتي وتقديري وحبي لشخصكم الكريم اخوك ملك الليل |
عبدالله اللبيدي : تسلم يا أخي الكريم والدنيا كلها يا تاج راسي
( كلما عدلت واحد يميل الثاني ) شف الاعتراف عند أبو طلال . أبو طلال حبيبي : الزين ما يكمل طال عمرك ، يعن ان قصايدي زينه واحدة تجي صح ، وعشر من جنب القدة والشعر في وادي وانا في وادي ثاني ، وأنا أعترف وابصم على العشرة وتسلم يا أستاذي الكريم وتاج راسي ، المهم لا تسنتر في الصفحة ما ودي والله أشغلكم . بحوور:مجرد موضوع طرحته للتنويع في المواضيع في هذا القسم فقط لاغيروجزاك الله خير ولك كل الاحترام والتقدير لتواجدك أختي . سبحانك اللهم وبحمدك أشهد أن لا إله إلا أنت أستغفرك وأتوب إليك . |
أحبتي
الموج ملك الليل يشهد الله ان هذه المحاورة أدخلت علي وعلى كل الأخوة السرور والسعادة لما فيها من الود والمحبة بين شعراءنا الكرام وتستاهلون أحلى وسام هدية من المنتدى لقلوبكم الصافية |
امتعتمونا يا الجندبي انت وملك الليل بهذه القصايد اللي يسودها روح المرح
والمداعبه والاخوه الصادقه فيما بينكم تقبلو مني تحيه معطره بالكادي والريحان لصفاء ونقاء قلوبكم الطيبه وتستهلون الوسام |
اشكر كل من شرفنا انا اواخي الموج وكلنا مكملين لبعض تواجدكم اضاف للموضوع نور ابو احمد الله يبيض وجهك وافي وعادتك الطيب وسلمت على هذا التكريم وعلى روسنا والله يديمك لنا طال عمرك |
صقر الجنوب : الحقيقة اني تفاجأت بالوسام الجديد ، ويكفينا أنت الوسام الحقيقي لرباع خاصة وزهران كافة نفتخر فيك يا أبو أحمد ومثلك وشرواك أنت والأخ مشهور والقصايد يمكن اني استعجل فيها شوية وهذا هو السبب اللي يخلي بعضها مكسور شوية وغير موزون ، أرجوا ولي طلب عندك أبو أحمد أن تبلغ : شعرائنا الذين كانوا متواجدين لهم التحية والشكر والتقدير لتوجيهاتهم الطيبه التي ما نستغني عنها وأني عدلت وصلحت بعض المكسور من القصيد اللي كان عليه ملاحظات مع حبي وتقديري للجميع بدون عدد أو تخصيص . أشكرك يا أبو أحمد على الوسام وهذا دليل على ثقتكم بنا ، لي الفخر والشرف بهذا الوسام من الإدارة العامة لرباع ونحن في خدمة رباع بأي وقت بإذن الله تعالى وبحوله وقوته اللهم آمين يا حي ياقيوم . ملك الليل : تستاهل الوسام وأنت من يستاهل الوسام بجدارة ، لتوجيهك لي ونصائحك وسعة صدرك ، والعلم بالتعلم والحلم بالتحلم ، حلمت علينا وصبرت في الدخول مع مشاكسة المـوج ، لاهنت يا ملك الليل وصح لسانك وبدنك يا تاج راسي . أبو طلال : الله يوفقك أستاذي ومعلمي وأخي الكريم على التوجيه والنقد الهادف البناء وخيرك سابق علينا وكان عندي ثقة زايدة في نفسي شوية لكن الكمال لله تعالى وهاذي نظرية خطأ والاعتراف بالحق فضيله ، لأنني فعلا أكتشفت بعض القصائد عندي غير موزونة وعدلت الموضوع . عبدالله اللبيدي : سلمت لاهنت على إطرائك يا تاج راسي ولتوجيهك الكريم الهادف وخيرك سابق أخوي . الهجيـر : لا هنت يا تاج راسي على وجودك وتوجيهك الكريم وخيرك سابق أخوي الغالي بحوور جزاك الله خير أختي ولك الإحترام والتقدير . rolleyes:للإدارة العامة لمنتديات رباع لمنحي الوسام الجديد . سبحانك اللهم وبحمدك أشهد أن لا إله إلا أنت أستغفرك وأتوب إليك .
|
مبدعين دائما بارك الله فيكم
|
| الساعة الآن 11:30 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع