مما ورد في الاثر لبن ادمي مانوى=وكل الاعمال بين العفو والا والعقاب
لا افنيت حالي ومالي في سبيل الهوى=وش اعتذر به من الله في نهار الحساب
يارب يارب تهدي قلبي اللي غوى=وغرّه ابليس والدنيا وزهو الشباب
لا فاتني الفوت وانهدت جميع القوى=ماعد يفيد التحسّف والندم والعتاب
اعمارنا تنطوب مثل السّجل لا انطوى=والموت سيفه بعد يحصد جميع الرقاب
والجنه والنار يوم البعث ماهي سوى=يفوز منهو يزحزح عن لهيب العذاب
والخاسر اللي بنيران السعير انكوى=بئس المصير الذي يدخل جهنم وخاب
آجرّ صوتي كما ذيب الخلا لا عوى=ماعد يهنا لقلبي زاد والا شراب
وآون كن الجمر مضروم وسط الجوى=يابخت من فاد عمره قبل موته وتاب
يبقى الهدى والتّقا طوق النجاة والدوى=وهجر الملذّات والغرّات عين الصواب

صح لسانك ملايييييين يابو طلال
وشكل رمضان مأثر عليك ههههه
والله يهديك دوم ههههه

شاعرنا القدير
علي السبيه
ماشاء الله تبارك الله
تعجزالحروف والكلمات عن وصف جمال ابياتك ومعانيها

باختصار
اتقان ومهاره وحرفه من شاعر الذوق الرفيع
علي السبيه

بارك الله فيك ومتعك بالصحه والعافيه
تحياااااتي

ابو طلال صراحه ابداع صح لسانك يالمبدع.. ابيات قمة في الابداع صراحة..

صح لسانك ونبضك ملايين ودام ابداعك ياقدير .

نص فائق العذوبة والجزالة قاف ومعنى

لاهنت وبيض الله وجهك

تحيتي وتقديري لك .

.

.