أنا متحزم بمسبت وجنبيه=
نظرتي سد الجبل وانت من دونه=
لو يجي فالزرع لوزن وخيخانه=
والله انه مايوازي عنب ليه=

البدع/نيس الاجرد=
أنــــــا مــتــحـــزم بـمــســبــت وجـنــبــيــه =
نظرتي سد الجبل وانت من دونه =
لـو يـجـي فـالـزرع لــوزن وخيخـانـه =
والله انــــــه مـــايـــوازي عـــنـــب لـــيـــه =
َ=
الرد / عبدالله يحيى=
أكبر التعبات يالبس جنبيه=
أن تشكك بالبطل وأن تمئن دونه=
كيف يأمن ولد عمي وأخي خانه=
لا تقل تفرق بليه عن بليه =

عشت ياجيبي على جود ربيّه=
رابعه ماهي بدشرا ومجنونه=
وآشدا توّجه ربي بميزانه=
والصقر معروف ماهو ب بموميه=

المشاركة الأصلية كتبت بواسطة شايب العشرين (المشاركة 454026) نيس عبد الله يحيى موفقين يالنشاما لاهنتم

البدع/نيس الاجرد=
عـشـت ياجيـبـي عـلـى جـــود ربـيّــه =
رابــعـــه مــاهـــي بـــدشـــرا ومـجـنــونــه =
وآشــــــــدا تــــوّجــــه ربـــــــــي بــمــيــزانـــه =
والصقر معروف ماهوب بوميه =
:=
الرد/ عبدالله يحيى=
لا تعاملني بدرهم وربيه =
هات تمراً من عذوقه وماجنونه=
الله ميّز كل غالي بميزانه=
والذي بريال ماهوب أبو ميه =

المشاركة الأصلية كتبت بواسطة عاشق المها (المشاركة 454056) صحّت ألسنتكم يالنشامى على هذا الإبداع ....متابع لروعة ما تجودان به من درر.

حياك الله يابو فيصل
شرفتنا بمرورك لاهنت

ياحليلك يالضلوع المنيديه=
اللي يشبه للجبل ماايجي دونه=
لا يغرك تاجرن جا بميلانه=
مامعه من قل عقلة سواسيه=

المشاركة الأصلية كتبت بواسطة علي السبيَه (المشاركة 454213) نيس الاجرد عبدالله يحيى تعيشون ياشعار وصحت السنتكم ملايين ومتابعين لهذه المحاوره

البدع / نيس الاجرد=
يـاحـلـيـلــك يـالـضــلــوع الـمـنـيـديــه =
اللي يشبه للجبل ماايجي دونه =
لا يـغـرك تـاجــرن جـــا بمـيـلانـه =
مامـعـه مــن قــل عقـلـه سواسـيـه =
ـ=
الرد/ عبدالله يحيى=
الفرس تنهز رسنها من ايديه=
واهلها حتى (الرمك) مايجيدونه=
ياشجيعاً طاح عدله بميلانه=
مايسوس الخيل غير السواسيه=

الخيول امكرمه في مرابيّه=
مايصلها كل دوني وماهونه=
و اللي يعرض يبن الاجواد تيجانه=
ندفع له بالكاش منحن حراميه=

البدع / نيس الاجرد=
الــخـــيـــول امــكـــرمـــه فــــــــي مـــرابـــيّـــه =
مـايـصـلـهــا كــــــل دونــــــي ومــاهــونـــه =
و اللي يعرض يبن الاجواد تيجانه =
نـدفــع لـــه بـالـكـاش مـنـحـن حـرامـيـه =
ِ=
الرد / عبدالله يحيى=
أثركم ياصحاب الاسهم مرابيه=
عندكم لنّصب حرفه وماهونه=
قالوا هات المال وارقب نتيجانه=
مكسبك مضمون مأنحن حراميه=

نيس الاجرد
عبدالله يحيي


قارعه رائعه جدا
وراقت لي كثيراً

صحت الالسن وتعافت الابدان
وبيض الله وجيهكم

عندي بندق للخصم ينعش ارميه=
ياللي ثوبك منفلق خيّط اردونه=
دام للبندق رمايه ورزمانه=
والله لاصيبك وانا فالقويعيه=

البدع / نيس الاجرد=
عندي بندق للخصم ينعش ارميه =
ياللـي ثـوبـك منفـلـق خـيّـط اردونــه =
دام لــلــبــنـــدق رمــــايـــــه ورزمــــانـــــه =
والله لاصــيــبـــك وانـــــــا فـالـقـويـعــيــه =
َ=
الرد / عبدالله يحيى=
لو يكون ابن البلد عن عشر ميه=
ما تناسبني (عرب) خي يطردونه =
ما حد أبياخذ زماناً ورى ازمانه=
وان كان الظالم غبي فالقوى (عيه)=

ياسلام آخر حلاوه!!!
بالتوفيق،،
تقبلوا مروري..

مبغي اصحاب الوجوه الجهيميه=
الجبل يامعظمه والتعب دونه=
لايغرك ولع نارن وشيطانه=
واكثر العالم مهلاّ فضوليه=

البدع / نيس الاجرد=
مبغي اصحاب الوجوه الجهيميه=
الجـبـل يامعـظـمـه والـتـعـب دونـــه =
لايــغــرك ولــــع نــــارن وشـيـطـانــه =
واكــثـــر الـعــالــم مــهـــلاّ فـضـولــيــه =
َ=
الرد / عبدالله يحيى=
ياهل الافكار الغريبه الجهيميه=
ماتعبّدنا بنصبً تعبدونه=
من يطاوع ضعف نفسه وشيطانه=
ما معه من عقله إلا فضوليه =

انا ماحب القلوب الحسودية=
اصيّف عن راع الحقد صيفيه=
والبحرماهو كما ماي حنونه=
والقصر اللي عامرن ماتهدونه=
والبلد عامر بربعه وشيخانه=
لو ماهيّه حشمة ابوك واخوانه=
إني لاذكيك مثل الاضاااحية=

البدع / نيس الاجرد=
انــا مـاحـب القـلـوب الحـسـوديـة =
اصيّف عن راع الحقد صيفيه =
والبحرمـاهـو كـمـا مــاي حـنـونـه =
والقصر اللي عامرن ماتهدونه =
والبـلـد عـامـر بربـعـه وشيـخـانـه =
لو ماهيّه حشمة ابوك واخوانـه =
إنـي لاذكيـك مثـل الاضاااحيـة =
َ=
الرد / عبدالله يحيى =
عودت للوان فالوح سوديه=
والربيع تغير اليوم صيفيه=
من تغير ربعنا مايحنونه=
لا يكن ماعندكم شيء تهدونه=
وإلا شي ضيقه بصدرك واشي خانه=
انحن نتعب من نوى غدر واخوانه=
ينثني للحق قبل الاضاحيييييييه=

آني ابدع فالقصااايد علا نيه=
والقوارع تثبت الشاعر الهيّه=
بعضهم نهلن ويشبه لما جونه=
والبعضر بحرن وموجه علا مونه=
فيه ماس وفيه لولو ومرجانه=
والبعض هرجن غليظن بضيفانه=
مثل هرجن ولفوه الشريطيه=

البدع / نيس الاجرد=
آنــي ابـــدع فالقـصـااايـد عـــلا نـيــه =
والــقـــوارع تـثــبــت الـشــاعــر الــهــيّــه =
بعضـهـم نهـلـن ويشـبـه لـمــا جـونــه =
والبعضر بحرن وموجه علا مونه =
فـيــه مـــاس وفــيــه لــولــو ومـرجـانــه =
والبعض هرجن غليظـن بضيفانـه =
مــثـــل هـــرجـــن ولـــفـــوه الـشـريـطـيــه =
:=
الرد / عبدالله يحيى=
كم هزمنا من خصيماً علانيه=
كب درباً مايجمله ولهيّه=
وانا ما رديت شوفي لماجونه=
لاتجي بكره تدور على مؤنه=
ثم ياجي لك تخله ومرجانه=
كل علماً فيه نقصاً وضيفانه=
سجله في دفترك والشريطيه=

ونلتقي في محاورة ثانيه
وان شاء الله يكون البدع عندي
ودي انشبك في صفا .

حسبي الله عليك احزيتني بالريق.
امزح معك يالغالي
علومك تجمل عليك
ابيض وجه يالنشمي .

صحّت ألسنتكم يامبدعين على هذه المحاوره الرائعه وبإنتظار محاوره أخرى بينكم....

لكن لي تسائل عن معنى هذين البيتين منكم لأني ما فهمتها وشكراً لكم يالنشامى....تحيــــــــــــــــة

نيس الاجرد

والبعضر بحرن وموجه علا مونه

عبدالله يحيى

كـــــــب دربــــــــاً مـايـجــمــلــه ولــهـــيّـــه

المشاركة الأصلية كتبت بواسطة عاشق المها (المشاركة 455280) صحّت ألسنتكم يامبدعين على هذه المحاوره الرائعه وبإنتظار محاوره أخرى بينكم.... لكن لي تسائل عن معنى هذين البيتين منكم لأني ما فهمتها وشكراً لكم يالنشامى....تحيــــــــــــــــة نيس الاجرد والبعض بحرن وموجه علا مونه عبدالله يحيى كـــــــب دربــــــــاً مـايـجــمــلــه ولــهـــيّـــه

كــم هزمـنـا مــن خصيـمـاً علانـيـه
كـــــب دربـــــاً مـايـجـمـلــه ولــهــيّــه




ابو فيصل مشكور على هذه الملاحظه


كب ، بمعنى ترك او ابتعد .. ويعود ذلك على الخصم المشار إليه في البيت الاول
ولهيه ، لهي من ذلك الدرب . او ترك ذلك المسار او اخذ مسار آخر .

البيت الثاني مرتبط بالبيت الاول اقرهم مع بعض .

موجه علا مونه = يقصد الموج علا الميناء

اتمنى يابو فيصل تعطيني رايك اذا وصلتك المعلومه