|
ياعميد القوافي عشت يالوافي ...(علي السبيه)....
أتمنى من أخي الشاعر أبوطلال الرد على هذا البدع المتواضع ... بدع ابوفيصل يـاعـلـي مـثـلـكـم فـالمنتدى قايد شـاعـر الـقوم يالنشمي لكم شانا يـاعـمـيد القوافي عشت يالوافي ذُخـر لـلـمنـتدى وبني حسن كفّه |
تعيش ياابوفيصل وصح لسانك والله لا يخلينا من الطيبين امثالك
ويشرفني مجاراتك يااستاذي الفاضل وخذني من قيس المعرفه
الرد:علي السبيه= .= ياسروج المعارف ضوّها قايد= خاطري لا تضنونه لكم شانا= والتاجر ولّف امواله تيلوافي= والمعلم ترى يبني حسن كفه= |
صح لسانك وعلا شانك يابوطلال والله لا يهينك يالنشمي ....
بدع ابوفيصل راعـي الـمـدح له فالجود مجرا يد حـيّ نـشـمـي مـن الـزلاّت يـدرانا يعـجز القول عن فعله والاوصافي واكـثـر الـناس تـعشقله وفي صفّه |
صح لسانك وبدنك ياابوفيصل واسف على التاخير
رديت عليك وطلعت من المنتدى ماحسبتك ابتواصل
الرد:علي السبيه= .= في الاذاعات والتلفاز واجرايد= راعي المدح ندري به ويدرانا= مثل عدّن غزير ومنهلن صافي= واللي صف الحكم قوله وفي صفه= |
ابو فيصل
ابو طلال شعار كبار وكلام راقي . جمل الله احوالكم وصحت الالسن يالمطاليق . |
صحت السنتكم يالنشاااما ...
|
الله الله يابوطلال على هذا الرد الذي يجمّل على البدع ... إخواني :أبوعبدالرحمن ونيس الاجرد ...صحّت أبدانكم وشكراً لمتابعتكم يالنشامى..لا عدمناكم. بدع ابوفيصل يــا عـلي في بلدنا وش ترى سايد كــيـف صاحـب زمان اليوم ينسانا تـارك الـبُـنّ الاشقر شِربْ نسكافي كـيـف يـشـرح لـنـا عُـذره وميقافه |
تسلم ياابوفيصل والله يجبر بخاطرك ويشرفني مجاراتك يااستاذي
الرد:علي السبيه= .= اترك الدرب الاعوج واعبر السايد= لا تحكم قبل تعرف ضرف الانسانا= لو زمان الموده والونس كافي= دم سير القدم من قبل ميقافه= |
ابو فيصل
ابو طلال صحت الالسن وتعافت الابدان يا النشاما |
كلام شعراء كبار لانملك معه الا ان نقول ابو فيصل وابو طلال صحت السنتكم مدد ماهي عدد
|
ابوطلال :الله يرفع قدرك يالنشمي ولا يهينك ... شاعر بالمفضل :صح بدنك وعلا شانك وشكراً لك.. صقر الجنوب:مرورك وتشجيعك شرف ويرفع من المعنويات لا عدمناك يابواحمد.... ************ بدع ابوفيصل تُـذكـر قـصّـة ديـانـا واحـمـد الفايد وحـادث الـمـوت لـلـفـايـد ولـديـانا الخـبر مـا اكـتـشـفـنـا سرّه الخافي لا تـقـول الـخـبر مـا يـنـفـعـك تـافه |
تسلم ياابوفيصل والله لا يهينك ياالنشمي
الرد:علي السبيه= .= اعرف اللي يضره واعرف الفايد= دين الاسلام ضاهر بين الاديانا= الجمل يدعس الاشواك باالخافي= والفكر المنطلق ماينفع اكتافه= |
شكراً يابوطلال على سعة صدرك وتواضعك يالنشمي وهذا آخر بدع عندي والله يجمّل حالك ويصح لسانك وبدنك ....
وووردrolleyes:ووورد بدع ابوفيصل ديـن الاسـلام يـبـقـى دايـم ٍ رايـد فـي قلوب البشر من قبل والحينا كـم قـلـوب ٍ مريضه والله الشافي وكُـل قـلـب ٍ تـقـيٍّ يـتـبـع اسـلافه |
عاشق المها وعلي السبيه صحت الألسن والإبدان على هذا الكلام الجميل محاوره شيقه أبحرنا معها كثيراً تحياتي والى الأمام دائماً. |
اي بله اي بله عاشوا المطاليق وصحت الألسن وألأبدان
ابو فيصل السبيه |
صحة السنتكم محاوره جيده.. وابداع من كل الطرفين ...
|
تسلم يا ابو فيصل وتشرفت بمجاراتك في هذه المحاوره الطيبه
واعذرني ان حصل مني قصور وشكري وتقديري لك ولكل من شرف الصفحه بمروره الكريم كلن باأسمه
الرد:علي السبيه= .= التقارير محفوضه مع الرايد= كم قطعنا من الاعواد والحينا= عودن امحق وغصنن منه ينشا فى= راعي الدين دايم يتبع اسلافه= |
| الساعة الآن 02:35 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع