|
يامن تسائلت عنّي كم بلغ من عمر
هذه القصيده المتواضعه اخر انتاج علي السبيه الغلبان
يامن تسائلت عنّي كم بلغ من عمر=لو شفتني قلت هذا عمره الفين عام فيني تجاعيد منحوته بكف الدهر=فيني علامات للحظ الردي والهيام فيني تجارب معمّر رغم سن الصغر=عاصرتها من بداية عمري ابلا نضام تحطّمت في مداري كل رحله تمر=وتشوف فيني ملامح من بقايا الحطام في معمعة وقت مايوصل ضحاه العصر=والشمس عامت وغابت في بحور الظلام والحظ الاقشر ملازمني بليا عذر=كسر جناح الصقر وازهق هديل الحمام مايسعد الحال لا سيطر عليه الفقر=والصمت يشهر سيوفه في نحور الكلام ازريت اجاري السنين الغابره والقفر=وازريت ازحزح مهمات الامور الجسام ياحضي العاثر اللي في مسيره عثر=وطاح في غيهب اوهامه ولاعاد قام كسرت قلبي وكسر القلب ما ينجبر=والوصل من سبّتك بيني وبينه خصام سن الطفوله كساه الشيب ثم احتضر=كمله ينازع وموته بين الاجفان نام هذا هو العمر نبذه موجزه من خبر=تبقى شواهد على واقع كثير الملام |
حضورك يشبه العطر يفوح بعطره بكل مكان ويشبه سقوط المطر يفرح به الجميع لقدومه يسعدنى ويشرفني معانقه القصيده الجميله ابداااااع وحكم والحياه دروس فيها حلو وفيها مر ومنها نتعلم بجد عجزت بكل الحروف والكلمات اختار مايليق فى الرد ولو بالبسيط لكن مااقول الا صح لسانك ويسلم احساسك وراسك والله عازف مميز ومبدع.. و ابيات تميزت بعمق الاحساس والشعور والنص الجميل والمشاعر الصادقه استمتعت بقرائتها اكثر من مررره يعطيك الف عاااااافيه ودمت بفرح وسعاده ماتفارقك ويطول بعمرك يارب... لك من الود والشكر والتقدير اجزله ... تقديري ........// |
الله الله يابو طلال
صح لسانك وسلم بنانك دمت بهذا الأبداع |
كلام جميل بوصف شاعري رائع لايجيده الا الكبار غير مستغرب عليك الابداع ولكنك تفاجأنا بافكار وتصوير شعري جديد وابداع آخر صح لسانك ملاييييييييين سجل اعجابي |
صح لسانك أبو طلال ابدعت في تصوير مشاعرك
اتمنى لك التوفيق |
الله الله الله صح لسانك ابيات يعجز اللسان عن وصفها ابداع يابوطلال |
كلام كبير ياكبيرلله درك صح قلبك وصح لسانك صراحه قصيده فيها روووووح دمت بهذا الابداع تقبل تحياتي |
أبيات في قمّة الروعه وتعبير رائع .......safaqah
لكن صاحب السؤال ما ظنّ يعجبه الجواب لأنه ما عرف كم عمرك يالذيب ...ههههههههههههههههه عندي ملاحظه بسيطه وممكن تكون خطأ :هذا البيت أشعر فيه كسر . ياحـضـي العـاثـر الـلـي فــي مسـيـره عـثــر وطــاح فــي غيـهـب اوهـامـه ولاعـــد قـــام |
اقتباس:
ومرورك اعتبره تتويج لي ولقصيدتي المتواضعه |
اقتباس:
والابداع يتجلا في مرورك الكريم |
اقتباس:
لمنحك لي شرف مرورك الكريم اللي اعتبره اكبر تتويج لي ولقصيدتي المتواضعه |
اقتباس:
وصح بدنك يابنت الاجواد واشكرك جزيل الشكر على مرورك الكريم |
اقتباس:
والابداع يتجلا في مرورك الكريم |
اقتباس:
ومرورك اعتبره تتويج لي ولقصيدتي المتواضعه |
اقتباس:
الغالي عليها ياابوفيصل ولا استغني عن توجيهاتك واشكرك جزيل الشكر لمنحك لي شرف مرورك الكريم ياالغالي |
العفو أخي ابوطلال وأنت أستاذنا ولكن دائماً المشكله التي تواجهنا: الإملاء فربما هناك حرف ناقص وأظن في كلمة (ولا عد...ممكن تكون ولا عاد ).
وإذا أنا غلطان فأنا طالب في مدرستك وأُحاول أتعلّم من توجيهاتكم . |
اقتباس:
وتم التعديل واشكرك من اعماق قلبي على التنبيه يااستاذي الكريم |
| الساعة الآن 03:13 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع