حتى انت ياذا الحديد اقفى زمانك وصـديت
وانا احسب انك صليب وصنعتك ماتصــدي
اخاف لو كنت ببني بك على طول عمــري
يطيح بنيان بيتـــي مثل بــــــــرج التجــاره

صح لسانك يابو أحمد .. والعذر على التأخير
أنشغلت بقصيدة أبو بدر .....

أقبلها بحصلها .... ولك حريّة الحذف والتعديل

/

** الرد ** /// ** المبدع **
***
ياهيل ياهيل يوم أقفيت عنّي وصدّيت=
لو كان تدري بتعبة خاطري .. ماتصدّي=
وانا الذي مارضيت الصدّ لك .. طول عمري=
أقبح من الجار مايرضى على بيت جاره=
*****

صح لسانك يالمبدع
وبيض الله وجهك
اطربت قلبي الله يسعدك

ومعذور ياصاحبي وامر الله من سعه

وقعت في قبضة الحســـــــاد وانا تواقيت
واثر القوانين ماتحسبـــــــه ضمن التعدي
ياكثر الاخبار تسري في وروداً وصـدري
منها ضرر مختبي في القلب مابنت ضاره

صح لسانك ..

/

الرد=
***
ملّيت .. وأنا أنتظر وأحسُب جميع التواقيت=
وكنّها عام كامل ( كل ساعه تعدّي )=
اللي من أوّل يطوّل نومته فوق صدري=
شف كيف دار الزمن .. وأنا أحترق بنتظاره=
*****

صح بدنك يابو يزن
واعذرنا يالمبدع اشغلناك وابداعك يطرب الراس
تقبل مني هذه القصيده الاخيره شاكر ومقدر لك
تجاوبك والله يجمعنا بكم في خير

سرت الدروب العسيره في دجا الليل واخطيت
جبرت روحي وخضت التجربـــــــه والتحــدي
دروبـــــــــــي الغامضه واشـــواك فيها تشري
واناول الخـــــير بيــدي يامنـــــول شـــــــراره

ألف شكر أخي ( أبو يزن ) من ذوقك لاعدمتك

وصح لسانك يابو أحمد والمحاوره معك لها ذوق خاص

بالنسبه للمبدع .......؟؟؟ ولايهونون الربع

/

الرد=
***
ياصاحبي يوم قدّرت المقادير وأخطيت=
الشهر يبدي ويطمي .. والليالي تحدي=
نظرة عيون المها .. سِبّة جروحي وشرّي=
تولّعت نارها فيني من أول شراره=
****