|
ادعية باللهجه الزهرانيه
ادعية باللهجة الزهرانيه * الله يفتح لك :أي يفتح لك أبواب الخير. * الله يدرق عليك : الدراق يعني حاجز أي يجعل بينك وبين الخطر حاجز . * الله يستر عليك : الدعاء له بالستر * الله يوجه لك : أي يوجه لك الخير. * الله يفك لك من كل زحمة : أي أي يفك كربتك ويفرج لك . * عليك ذكر الله : معروف ذكر الله . جميع الأذكار. * عليك أمان الله : يدعي له بالأمان . * الله يمنك : أي يعطيك الأمان * عليك حرز من ربك : الحرز الحفظ أي عسى الله يحفظك . * الله يحجب عليك : الحجاب أي الحاجز والقصد الدعوة بأن الله يحجب عنه كل شر . * الله يبايتكم بخير: الدعاء بأن يباتون في في خير . * الساري يلقى خير: وهي رد على السابقة . فإذا كان هناك ناس في سهرة مع بعض فأن الساري يقول تبايتون على خير إذا أراد الخروج فيرد عليه صاحب البيت والجالسين معه : الساري يلقى خير. * الله يجيرك : يدعي له بجيرة الله سبحانة . أما إذا حب أحدهم أن يدعي على أحد وليس له فأنه يعكس بعض تلك الكلمات مثلاً: الله لايفتح لك . نسأل الله السلامة من بعض الدعية . اجمل واطيب التحايا |
يعطيك العافية يا لؤلؤة أحسنتي يا http://www.zahran.org/vb/image.php?u...ine=1305837556 زهــران الله يوجه لك : اي يسهل سفرك وأمرك الله يهبهب عليك : دعوة بعدم التوفيق ، ربما تعني شدة الهبوب والريح شكلي باغير معرفي الى هبوب تهامة قنااص |
الله عليك يا ترجمان الجنوب لو في ثنتين مثلك بالمنتدى كان غيرنا لهجتنا الله يسامحك.!! ولك مني هذي الدعوه......الله يخضر بك المجنه....كلمه خلي عين الجمل يشرحها لك لأنه هو أعطانيها أقولها لك يالؤلؤة زهراااان ؟؟؟؟ راااح فيها عين الجمل....ياويلك وديتك في داهيه ظلماً وعدواناً ...هههههههههه |
الله يا ذا الشهري يرضا عليك ويرزقك باللي في خاطرك .... وأني بمزح معك ...ولا تزعل مزحـة صديق ، عشان ثاني مرة لا تفتري على خلق الله واحد شهري .... طيار يسألونه > لمن يعود السبب في دراستك ومهارتك في الطيران قال للوالدة : دائماً تقول نفروا بك ياظافر و أنا أمــك محبك / ابوفايز |
هههههههههه والله حلوووه يا عين الجمل والأحلى أختيار الأسماء بس الأروع الزهراني اللي أخذ الأول في دفعته في قسم الجيولوجيا وطبيعة الأرض سألوه : لمن يعود الفضل في هذا التميز اللي حصلت عليه ؟ قال للوالده : منذ الصغر تقول خسفو بك يا عطيه وأنا امك....هههههههههه وحده بوحده وإن عدتم عدنا..... |
ههههه +safaqah = تحيــــــــــــــــة
|
اقتباس:
اشكرك اخي عين الجمل على مرورك العطر بارك الله فيك الله ياهب لك عافيه ماقصرت لولا الله ثم وجودك لما تميزت المواضيع المطروحه في هذا القسم الرائع على فكره فكرت تتغير المعرف روعه هههههههههههه تحياتي وتقديري |
اقتباس:
امير الكون اشكرك اخي الفاضل على مرورك العطر بارك الله فيك اما الدعوه ماقصرت موفره واظن لو تعرف معناها ماطاوعتك نفسك تدعي لي بهااوووف ومعناها انك تدعي على بالموت طبعا المجنه المقبره كلها من عين الجمل اللي مدري وش اخرتها معاه بس اقول لك خلنا نرد عليه بقول ولك مثلهاميه ميــــه |
اتذكر جدي كان لما يخرج ظهيره والشمس حاره يقول
يا الله التهوين يا الله اسال الله له الرحمة والمغفرة وان يسكنه الفردوس الاعلى من الجنة |
اقتباس:
مووووضوووع راااائــــــــــــع مشكووووره لك مني أجمل وأرق تحيه |
اقتباس:
اللهم امين جميعا ان شاء الله جزاك الله كل خيراخي صقر الجنوب والف شكر على مرورك الغالي ذكرتني بالوالده رحمها الله كنت اسمعها دائما تردد سبقنا وعقبنا ذكر الله اول مانخرج من البيت رحمها الله وجميع اموات المسلمين ويجعل ذكرنا لهم رحمه ومغفره تحياتي وتقديري |
اقتباس:
اخي الفاضل محمد الحسني اشكرك على مرورك العطر بارك الله فيك دمت بخير وفي خير |
الاخت الغالية اديبة وشاعرة المنتدى لؤلؤة زهران
ما اجملها من دعوات سبحان من علمهم البيان سبقنا وعقبنا ذكر الله |
اقتباس:
مشكور اخوي على مرورك العطر لا عدمنا تواجدك الراقي صدقت سبحان الله كن امهاتنا نبع الحنان والمحبه تعلمنا على ايديهن مالام نتعلمه من الكتب الصبر والحكمه والطاعه وقبلها الخوف من الله وطاعته سبحان الله رغم انهن اميات الا انهن معلمات فاضلات غفر الله لهن واسقاهن الله من حوض نبيه والجميع بأذن الله |
هلا بك أختي الغاليه لؤلؤة زهرااان من الأدعيه التي اذكر أحد كبار السن يقولها يالله سرها وقرها......بمعنى يالله هدي الأمور وأصلحها بتوفيقك وقدرتك |
اقتباس:
اشكرك اخوي امير الكون على مرورك العطر بارك الله فيك الاولين جميع اقوالهم وادعيتهم معانيها عظيمه سبحان الله اذكر بعد دعاء الله يافلان يذراك ومعناها الله يرزقك الذريه الصالحه وادعيه كثيره لا يحظرني منها شيء الان اميرالكون الله يرزقك الزوجه الصالح ويجعل بكرك ولد اللهم امين |
الله يسعد قلبك يالؤلؤتنا ..
موضوع ولااروع .. معليش لؤلؤة خسفوا بك في سامط الماء ؟؟ وش معناتها؟؟ بانتظار قادمك بكل شووق.. |
خسفوا بك في سامط الماء ؟؟
ههههه حررررام عليك في هذي الدعوه وأنا خالك خليها كذا بدون شرح للمعنى,,,,,, |
اقتباس:
ويسعد قلبك يالغلا اشكرك على مرورك العطر الذي فاح عبيره وعطر صفحاتي المتواضعه اختي الغاليه خسفوا بك في سامط الماء ؟؟ المعذره اول مره تمر علي ولكن اظن معناها اي جعلوك وهم الشياطين نعوذ بالله منهم اخر درجه تحت الارض الماء السامط اي البارد عندنا نقول غطوا بك او دفنوك وكلها يعني تحت الارض في الاعماق نفس المعنى تقريبا بسم الله علينا وعلى المشاهدين الكرام ههههه |
هههههههههه بسم الله عليك لؤلؤة زهرااان تمام عليك فهمتي المعنى على طووول بس حلوه دفنوك بسم الله على لحمي ودمي بصراااحه موضوع في غاية الجمال والروووعه .......ووورد |
مشكور اخوي امير الكون الروعه تواجدك العطر بارك الله فيك تذكرت دعوه جديده هههههههه يقولون الله لا يبارك فيك يافلان الا بركه نافره معناها اي الله لا يطرح البركه فيك نافره اي طائره ماتوقع انتظروني مازال لدي الكثير ويسرني حضوركم ومشاركاتكم منكم نستفيد تحيــــــــــــــــة |
ياسلام ياسلام اثر شي علومً هنيه الشياطين والمناذير هنيه الله يهولكم في هذا المنتدى مابقيتم شي هههههههههه هيا اللي قد مر عليه من علوم الشيبان والكهيل من المناذير يعلمنا انا اعرف فن من فنون الشيبان والكهيل اسمه الاقتباس يعني يقتبسون الدعوه من الموضوع وخليني اشرح لكم على السبوره ههههه يعني مثلا واحد ينشد ولده يقول اشا عطيه طحنت الحب والا بعد يقول عطيه نسيتوها فيرد القحم مقتبس من الطحين يوه طحنو ضروسك ههههه المثل الثاني كنت زمان طالع الديره وطبعا عايش في الرياض ولا كنت اعرف حرص اهل الديره على الغروس فرحت عند كهله من الكهيل ولقيت حول البيت زرع من البرك والريحان وبغيت اشم الريحه من اللقافه وطبعاً ماحبيت ادني لاتشوفني كهلة السكون قلت بقلع واحده واشمها بروقان المهم اقتلعت واحده شوي الا وصوت كما صوت الشيول طبعا صوت الكهله تقول (( يوه تقلعو ضروسك )) وتعلمت فن الاقتباس من يومها ههههه والحقيقه افتح المجال للبقيه ليعطونا من فن الاقتباس يمكن الكهيل يختلفون من محل الى محل حسب درجة الحراره والضغط الجوي هههههههههه |
هههههههههه رائعه فكرة الاقتباس هذه وهي من فن البلاغة وفقط عندنا بالجنوب بس أتوقع أنتم اشد منا شوي ونحن لسنا ببعيدين عنكم ولكن بدأت تنقرض لأنقراض كبار السن الله يختم لهم بخير......وننتظر المزيد من المشاركات |
لا لا ماتندثر وحنا موجودين طبعاً لازم نحافض على الموروث لانهم ماتركو لنا كما برج الفيصليه ههههه وابشرك فيه واحد من الشباب طبقت عليه فن الاقتباس من باب التجربه على المسكين ههههه زهمته للمنتدى وقال ارسلي الرابط قلت ربطوك جوف طلحه هههههههههه شفت الفن يا امير هههههههههه هيا عطنا من علوم كهيلكم وفن الاقتباس قبسو شعرك النافر بمعبر رشاشهههههههههه |
الله يسامحك معبر الرشاش ما بعده إلا صالح الدعاء....ههههه طبعاً أكييييييد عندنا شيء رائع وأختنا عناقيد كانت تطلع فضائحنا كلها هنا وطبعاً هي لا تختلف عن ما عندكم إلا في اللهجه فقط إلا المعنى كله متقارب وكلها ما تنقال لأنها استعانة بالشياطين والعفاريت حسبنا الله ونعم الوكيل..ههههه مثل كسرو كفك ..... أخترجو دماغك...... جني شلك...... أمتزعو عظامك.... خذو عقلك..... ولكن الحمد لله ترى عمري ما سمعتها عندنا في البيت بس كنت أسمعها في الزيارات ىالصيفيه للديره..غمززززة |
ياربي حيهم وهب لهم عافيه ملك الليل امير الكون حضور متألق لا مثيل له الله ومشاركات رائعه بروعة تواجدكم الراقي ربطووك في طلحه safaqah اعجبتني ياملك الليل وكثير مثلها من الادعيه بلهجتنا جميعا اهل الجنوب مثلا نقول الله يهولك او الله يغطك او الله يخشعك وكلها بنفس المعنى وتقال لمن له قدره كبيره على القيام بكم شيء في وقت واحد مثلا اقول امير الكون او ملك الليل الله يهولكم ماتتعبون من الجلوس على النت او الله يغطكم ماتتتعبكم ايديكم من الكتابه او الله يخشعكم ماتتعبون كما الناس هههههههههههه اما المناذير والاستعانه بغير البشر والاقتباسات فحدث ولا حرج لي عوده الله يغطكم بطفس من الضحك |
اولا نعوذبالله من الشياطين واعوانهم ونعوذ بالله ان نعتمد عليهم
*************** كنت اسمع امتطوك امتصو ريقك انتخشو عينك اخترطوك من جوف سمع الابرة >قوية هههههههههههه فاصخو ا الحاك *************************** بسم الله علينا وعليكم ولن اشارك هنا مرة اخرى المعذرة>هاه لاحد ينذر بيه |
الله يبارك فيكم جميعاً ويجعلكم تدعو لبعض دائماً أنتم وجميع المسلمين
تسلمي أختي العزيزه |
جميل كل ماتكتبون
|
| الساعة الآن 04:17 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع