|
××أبيات يتيمه والدعوه عامه ××
بعيداً عن المقدمات الطويلة ما دون السبعة أبيات لا يعتبره أهل الشعر قصيدة ولكل ٍ منا أبيات يتمية لم تكتمل يوماً بعضها مُلقى في الأدراج بين الرفوف في الجامد من الأوراق وبعضها لا ينفك يعود بالذاكرة ويحاصر الحضور وبعضها يمتد للروح لجماله فيما نحتضن النرجسية فيها ونخرس ألسنتنا عن أحقية التكملة وربما وجودها منفردة أجمل فهي لا تريد الاكتمال لأنها مكتملة هنا أنت وأبياتك مدعوين للحضور لا تبخل ولا تتردد في سرد مالم يكتمل والدعوة عامة للجميع ويمنع المنقوووووول وأنا أولكم أبطلبك يا صاحبي وأترجاك = يكبر بعينك صاحبك لو تدلع عله كما نجمن تعلا بالافلاك = طفل ابدوين بالقصايد تولع يكتب حروفك ويتهجا ويقراك = ابداع في كل الزوايا مضلع ترااااانيم |
لا تعاندني ولا تشره على حبر الكتابه = القلم ما فيه حبر وكل أحاسيسي تشابه يوم ناديته على بيض الصحايف وأحتميته = قام ينزف كنه الهمال من وجه السحابه ترااااااااااااانيم |
الشمس حيه وأنت يا صاحبي حي =شعاعها ما ينحجـــــــب لوتوارت لو جابو المهره من الشام ودبي =تاصل بلا مهره اليا الرجل سارت تعشق سنا الفضه ولا تاكل الني =شعاعها مثل الذهب لا توارت تعكس سناها لانطوت بالسماء طي=رمز المعزه رمـــــــــزها لسْتــــــنارت |
يا مختفي عن ناضري حارت شفاي=قلبي وعقلي محتريـن لجنابـك من غيبتك ضيعت انا كل ممشـاي=امشي وتقصر خطوتي عند بابـك |
أنشهد إني يوم جيـت أعبّـر=من شين ما ابي خاني تعبيري قلبي مع اعذاره جلس متصّبر=ابنتظر وانشل بـي تفكيـري |
في حضورك يشّرق الحكي بشفاتي=مايبي غيرك يشوف الشوق فينـي يستهل بصـادق الـود أمنياتـي=ويتقهوهـا غـلا بينـك وبينـي |
تدرون منهو عاشق الشمس والغيم=شعرن عسفته من معانـي فريـده لامـن كتبتـه قـال لبـا ترانيـم=والبي احساسه وانا بـه سعيـده واسقيه من هتان نزفه كما الديـم=واكتب من حروفه معاني قصيـده |
شكرا ترانيم المطر على هذا الموضوع الرايق
فــي هــدوءك //وانــت وحـدك....كـان بــه حـــدْ ...بين ركنك ......وانكساراتك //وبوحك.. غـــرّقـــه دمـــعـــه// ووسّــــــم ...شـــاحـــب الـــخـــدْ.. ....وانـــت تـــروي... قـصــة الطـفـلـه// لـروحــك |
على وعده وشمس اليوم في حد البحر غرقا ....................وتظلم ليلة الفرقا ولا أطري على باله تعبت العب معه لعبة تحدي الشوق والفرقا .....................وعين ترقب النور البعيد يحط برحاله فكرة رائعه ووورد |
ذي يزن وسمار حيكم منورين يا صاحبي شفني من الهم مخنوق = ومن ضيقتي لو كنت تدري تضايق مره من الدنيا ومره من الشوق = ومره من الصدمه بوجه الحقايق أطرد سراب وكل مطرود ملحوق = لين أصبح احساسي وهمي شقايق |
اسمع صدى صوتك ينادي والبيه=لبيه يا صوتن مع الليل سـاري وامواج بحرك عالياتن من التيه=غنت بلابل واطربت لك كناري يا بحر لو كثر العتب والمشاريه=اقنع وزيرك بالسلوك الحضاري |
يا سحايب علميهم عن علومي يا سحايـب=هايمه بابداعه اللي محتوينـي واحتويتـه يا سحايب كل ما هبت من الغربي هبايـب=قمت اهوجس واكتب الابيات للي مهتويتـه من بعيد الناس واعزه على كـل القرايـب=نجم يضوي ليلي المعتم اليا منـي سريتـه من بعيد لياا بعيد يشوفني لو كـان غايـب=حاضرن وسط لضميري ولا كتب شين قريته |
ياايها القلـب الشجـي المرهـفِ=لا تبكْ إن جارَ الزمانُ على الكسير إصبر فـإن طـال الجفـاءُ فإنـهُ=لا بد ما تجني من الـورد العبيـر يا أيهـا الطيـر المحلـقُ عاليـاً=بلغْ حبيبـي إنـه الحـب الأخيـر بلّغْهُ ماطال الجفـاءُ بعاشـق(ن)=إلاااا ويسري عندما يصحو الضمير |
سقّى صُدفة اللي همّلت لثمة الشيله...=...طريق الرياض الطايف العزم ع الباحه على جمس عشره بعد الالفين موديله...=...يشقّ الدروب اللي عسيرات بالراحه سواد الكُحُل لونه وفي كووول تضليله...=...على ظهر كبوته ترى افلاك سبّاحه |
أشعلي يا عيون الحب درب الغرام = وانثري ورد للي بالهوى محتويك لا تزيدي عتبك ولا تزيدي الملام = إحتويه بحنانك يوم يزعل عليك ناضريه برموشك والتغلى حرام = وارحمي قلبه اللي بين رعشة يديك عانقي نبض قلبه بسمتك له وسام = كل نبضن بقلبه ينثني لك يجيك أشرقي يا محبه عانقي للغمام = حلقي في غرامه دام هو مهتويك |
تذبح عيونك ولا انت بقاصدن تذبح...=...وعيونهم يحرسك ربي تبي ذبحك |
أبيات لم تكتمل ولا أدري لماذا .... الليله اللي تزف الحزن في ثوب عيد=الى متى والشفق واقف على بابها ما قصرت فصًلت لي ثوب حزنٍ جديد=ما تدري ان الوسيعه ضاقت ثيابها لا صرت بين الخلايق وأشعر اني وحيد=غربة مشاعر بصدري تغرس أنيابها وأضحك على شانهم وأتظاهر أني سعيد=فريضة الحزن صار القلب محرابها |
ترااااانيم ..يعطيك العااافيه واكتملت القصايد ..بحضورك وتشريفك تقبلي شكري ومودتي تدرون منهو عاشق الشمس والغيم شعرن عسفته من معاني فريـده لامن كتبتـه قـال لبـا ترانيـم والبي احساسه وانا بـه سعيـده واسقيه من هتان نزفه كما الديـم واكتب من حروفه معاني قصيده |
http://im22.gulfup.com/2012-01-17/1326790626851.jpg
بنت الطنايا فاهمه كل الامثال= تجمع خصال الطيب قبل الزوالي الشمس ما يحجب سناها بغربال = لو حاولو تشويهها ما تبالي عواطف انثى لكن بعقل رجال = ماهو مصمم للهوى والهبالي |
هذي الابيات قبل فتره كتبتها ومازلت محتفظ بها وقلت اشارك معاكم بها.
واعذررروني ع القصور . حبيبي ناضر عيوني تشوف الحزن والاشواق= تشوف شلون تأثير الغياب ان كنت تغليني = يمين الله لو تدري ان بعدك خاطري ماراق= تجي كلك بحضني ترتمي وتقوم تبكيني = ترا بعدك بعيني ياحبيبي كل شئ ضاق = يااغلى شخص عندي يامناي وفرحة سنيني = تعال ارجوك لاتطري الوداع ولا تقول فراق= تعال وشوف بعدك ياحبيبي وش حصل فيني = على حطة يدك صدري لحضنك يالغلا تواق= ترا ضمتك واحضانك عنا الدنيا تنسيني= فراقك شئ مو عادي فراقك جرح ماينطاق = يانبض القلب روح الروح حبي يانضر عيني= تعال ارجوك يكفي لاتعذب قلبي المشتاق = تعال وضمني لك ب اشتياق ان كنت تغليني= |
رسمت له في داخلي صرح = عرفت مدخاله وعارف خراجه
وعداد حبي فيه ما يقبل الطرح = واحد في × واحد هو مزاجي مزاجه |
مات الشعور وكان كفاك سبه = واسبح بحب اللي ينومسك حبه وش عاد لو فكري نهارين سافر = دام الشتايم في الشعر مستحبه راح الجمال اللي رسمته وصارت = سراب يروي ذكريات الاحبه ترااااااااااااانيم |
العتب لو ضاق ما ضاقت به صدور الليالي = والعيون اللي تعاندني على الحب أكذبت ياعيون الحب لا رحتي بناديلك تعالي = ضيق اغيابك صدورن ما تضيق اليا ارتوت همس صوتك يا دفا الاحساس ما زاد انفعالي= أمتلا صدرالشقاوي هم وعيونه بكت ترااااااااااااانيم |
تدري وش واللي حدني للقصيده =من شان ابكتب للعرب عن غلاتك فيكم تناسينا الجروح الجديده =روحي تسافر لك مع الريح جاتك أكتب جديدك وامسحه واستعيده =ودي اكون بداخلك وبحياتك ترااااااااااانيم |
صح لسانك |
سلام ...مدري صباح الخير...مدري وشّ=اهم شئ اني احسّك كذا جنبي تدري ان قلبي على لآماك متوغوشّ...=الله عليك انت وش سويّت في قلبي |
يعطيكم العافيه جميع اسمحوا لي اشارك معاكم طبعا انا مو شاعره ولكن بوجودكم وكوني طالبه اساتذتي الافاضل اتشرف بتواجدي بينكم طبعا الابيات لها مده من الزمن حتى الحنان ...اللي يسمونه حنااان= روح مع اللي روحوا ولا بقى غير الانين وحتى الامل ايه الامل ماله بدنيانا مكان=حاولت منه اقترب متفائله قلبه يلين لكن آآآآهٍ ثم آآآآه مقساك ياغدر الزمان = سلط جيوشا غاشمه احتلت القلب الحزين وحكمها الجائر ظلوم قضى على معنى الامان= ولا بقى غير الالم والقلب في غربه سجين لؤلؤةزهران |
= من الإرشيف =0 =تعال شوف العشق ساكن قصيدي =يا مبعدن هو صاحبك ويش سوّا =يومه يشوف كتابتك يوم عيـدي =وانته على فرقاه مبطـي تلـوّا =إن كان شفت اليوم ظلن جديدي =هو في ظلالك والهجيـر يتكـوّا =وإن كان ما بالقلب غيره وحيدي =لازم يعيـد وبالقـرار يـتـروّا =وان كنت في وصلك تمد وتزيدي =تعال في وسط الضمايـر تبـوّا =لعلـك بحبـه وعيـده سعيـدي =سعيد والإحسـاس فيـك يتقـوّا =ترانيم |
مفاهيم الخجل داخل عيونك ترسم الامال = تسطر لي من أطراف الشفق حمرات ورديّه تعانق روعه المنظر وتسرق ريحة الاطلال = تناظر في ترانيم الجمال بعين سحريّه تبلور كل حبات الالم والشوق والترحال = وترسم صورة احلام الامل مابين عينيّه تباشير الفرح تسري خفاف وحملوها ثقال = تبرهن للجميع ان الضماير دووم مرويّه ترا موت الضمير يغير اجداد الثياب اسمال = عليك الله يا حي الضمير تناضر الميّه = ترانيم |
الله الله مشاركات رووووووووعه |
لحظه تعال وشوف وقف وناضر = كل الكلام اللي بقلبي نسيته كان الحكي في داخلي وانت حاضر = وانهار جسرٍ في يديني بنيته |
تغار ليه تغار من غيرك وانا اللي حالمه بك من سنيين = لكنّ من عيبك تزعلني وترضيني ولا تلقي لهفواتي مجال طالع عيوني لا تردد واختصر كل العناد بكلمتين = حبوب ومدلع ويا بخت الدلع ما جاوز عيوني محال وانا بطير بداخلك وانصب علم لكن وين انصبه وين = فالقلب والاّ بالضميري ابغى اجابه وافيه مبْغىَ تردد واحتمال ابي اكون بداخلك وحدي وارفرف بالشجن ويّا الحزين = واسجل اعجابي بقلب العاشق الولهان واعطيهم مثال اني لو احتاج القسم عني بتعطيهم قسم واعظم يمين = وانا اقسم انك صادق اوحبوب واحساسك موصلك الخيال ترانيم = |
على شجر بستان شعري صاريختال الحمام = والراعبيه جاوبت باللحن والعاشق ترا في داخله شوقن قديمن و اشهد انه ما يلام =هو يحسب انه واصلن حد الثريا والثرا الجرح زاده صوت غناه الهواوي بإنسجام = بالهمس ردده الضمير اللي مع الفرقا سرا صوته جريح ودمعته تكسر مجاديف الكلام = عايش ويكتب من قوافي شعرما تستر عرا ترانيم المطر = |
صعب أحدد موقفي في ظرف ساعه = قلبي اللي صارمن ضمن الضحايا سل سيف ولاع قلبي ثم لاعه =شئ احسه والله اعلم بالنوايا جيته وجاني باسلوب وبراعه = وابتسمت وحزني بقلبي شظايا قلبي اللي فز لك ماهو بضاعه = ما نبيعه جاك من ضمن الهدايا |
صباح الخير/ يا وجه(ن) لقيته =صباح النور يا ليلن سريته البي قلب ما فز ودعاني = واجي واشوف شئ(ن) ما بغيته صحيح اغار لكني ولكن = اموت بصمت مبهم ما رجيته انا متبع مقفي صد عني = ومن رحب بقلبي ما هويته غريبه ليه قلبي به تولع =وليه القلب يدفعني وجيته اسير بصوب بيته دون علمي = واقول الله يا بيتن قريته وهو صوب الديار يمر ليله = ياليته ما خذا الخفاق ليته ياليته يوم مر بدار ليلى = بنا قصره وصار القلب بيته ولا فاد المولع لو تمنى = ضميته حب لكن مارويته ترانيــــــــــــــــــــــــــم = |
يسألوني يا بشاير والإجابه في عيوني =ترتسم كل الأماني في محطات الأمل إكتمل بالعين غالي وارتسم داخل جفوني =والله إنه يا بشاير داخل إعيوني كمل يا نسيم الصبح خبرهم وقل لا يحسبوني = اسمع الواشين والاّ اقول هذا محتمل تراااانيم = |
http://im15.gulfup.com/2012-02-10/1328905949561.gif يا أجمل الناس في قلبي وفي عيني "يا احلى طيف يمر العين ويشقيها" انا أشهد إن لك غلا مبطي وهو فيني "قصة غريبة ولا أدري ويش اسميها" لو قلت أعزك قليلة ماتكفيني "شعوري أكبر من الدنيا وما فيها" |
لولا ان فيني طبع يامر وينهي=كان ان حالي طيّب امن البدايه انا اذا قفيّت.. ما ادير وجهي=اصبر على جرحي ولا ارجع ورايه وانا العزيز اللي على العز يزهي=حرام احد يعرف وينشر خفايه مدري مناسبة الحكي بسّ وش هي=ابيات جتني من خطوط النهايه |
اسمع صدى صوت الأمل بين الاحزان = لبيه يا صوتن من اقصى ضميره لولا الامل ما عاش في صدره انسان = ولولا الحزن ما يكتوي في هجيره بيت القصيده يا هوى البال شفقان = وشطر القصيده ما يداوي سفيره وعمر الحكي ما يشفع لقلب حيران = سافر معه من دار وامسي بديره عزاه يا سيف المعاني والالحان = وعزاه من حد السيوف الشطيره ترانيم = |
والله ما اقدر على بعدك ولا صدّك ../=\..غلاك مع طول غيباتك حرق صدري تدري اني آموت في حبك وفي ودّك../=\..وداد غيّر من اطباعي ومن فكري |
| الساعة الآن 03:09 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع