|
قارعه قارعه
البدع جيت بالصدفه لموقع رباع وقُلت أحل= ونصبت مخيمي والجموع مشاهدين= واول الخطوات جت بي على باب الوزير= خطوة(ن) جت بالغلط وان مثلي ماتقَصَّد= طال عمره يحسب انّا نبي اللي له لنا= |
صح لسانك يانجم الليل وانا سبقت الحدث يمكن تبغى يرد عليك واحد
غيري لكن تلقفت ورديت عليك يشرفني ويسعدني الله يسعدك يالغالي شفت القصيده لحالها تشكي وتبكي ههههه الرد الشامان= *= ماظن ابتاجي لموقع رباع وقلت حل= جب معك واحد يثبت عليك وشاهدين= عندنا الشعار والشعر في عرضه وزير= والقصايد بعضها فالمحافل ماتقصد= هات من علمك وحنا نبي الليله لنا= |
صح لسانك يالشامان وفيك الخير والبركه وشكرا على لطفك وتكرمك بالرد علي 0 وخذ البدع الجديد يالنشمي البدع ياالله ان تسقي رباع الكرم غيثاً بطل= والثمار الحاينه بعدها الخلفا تحين= وديار اخصامهم ياعساها في دمير= من نزل بك يارباع ان عينه ماترى الشد= اهلها معروفهم عم ناس وعمنا= |
الله الله صح لساااااااااانك يا نجم الليل وصح لسااان الشامان واصلو وحنا متابعين |
الله يحييك يالهجير شرفتنا بحظورك البهي والله لايهينك يالغالي
وحيا الله نجم الليل نجم اسماً على مسمى الرد من الشامان= *= المعارك ذيك مايكتملها الا بطل= ليتك حاظيت النشاما وعهد الفاتحين= رايه التوحيد ماتنقل الا فيد امير= ماحد ياخذ راي شخصاً غشيم وماترشد= وانا باخذ راي ابويه وخال وعمنا= |
صح بدنك يالهجير شرفتنا بمرورك العطر 00 وتسلم يالشامان على الرد الوافي واستلم البدع الجديد البدع حي من عدا على كل هولاً واشتقل= لبسه البلجيك والرمح والسيف السنين= وعيونه لو نظر ينقدح منها شرير= كلما جاء يقترب منه واحد راح وابعد= مدري قصده كُره والاّ يزودهم مُنى= |
تسلم يانجم تسلم على هذا الابداع الغير مستغرب
الرد من الشامان= *= اعطنا رايك بعلمي وعلمك وش تقل= يازميلي قفت ايام عمري والسنين= قد قضيت ابام عمري وانا منها شرير= الله اكبر كم حسبنا من الايام وابعد= والهم اللي وسط قلبك يزود همنا= |
اقتباس:
|
صح لسانك يالشامان واستلم البدع البدع عندنا للامر حلين اذا الامر اشتكل= والنصائح صايبه عند ذا عقلا ودين= والحمول الجايره تنكسر منها الفقير= وانت يالشامان شرفتني بالرد من جد= ماذبح قلبي ولاصابه الاّ بُلهنا= |
الله يسلمك ياجارالله الخامس مرورك يشرفنا طال عمرك
مرحبا هيل عداد السيل |
الله يبقيك ويخليك ياجارالله الخامس شرفتني بمرورك العطر
|
طيب طيب يانجم صح لسانك لين ترى
الرد من الشامان= *= قد مشكلت العلم يانجم والامر اشتكل= ياحليل اللي بيحمل معه دنيا ودين= الله ياكم مدتن يغتني منها الفقير= في زمانن قد مظى مالقي للروح منجد= وانت في عيشتك تاكل وتشرب بالهنا= |
صح لسانك يالشامان وبيض الله وجهك على هذه المجاراه تحياتي لك وتقديري ولنا لقاء ان شاء الله
|
انت اللي صح الله لسانك حيث انت اللي بديت والحقيقه اني تشرفت الليله بهذا المحاوره
اللي تبقى ذكرى للشامان مع ملك الليل واشكرك على هذا التواضع والروح الطيبه ومثل ماقلت خيرها في غيرها والله ان ورانا دوام الله يحغظك بحفظه اخوك الشامان |
صحت السنتكم ....... مبدعين
|
بيض الله وجوهكم شعار مبدعين لاهنتم
|
نجم .. الشامان
مبدعين لا هنتم يعطيك الف عافيه على هذا الابداع تقبلوا مروري وتقديري ،، |
تسلموا
يا النشامى على هيك ابداعات وووردالله لا يحرمنا منكمووورد |
| الساعة الآن 11:35 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع