|
جديد ملك الليل ((((( ثرثرة عاشق ))))))
جديد ملك الليل اتمنى تروق لكم (( ثرثرة عاشق )) لوميني ارضي خاطرك واكثري اللوم=زيدي وجع قلبي بكثر الملامه لكن تأني واصبري عندي (أ) علوم=يمكن شروق الشمس عقب الغمامه سنين00 عيني ماهتنت لذة النوم=والليل والقمرا لحبك علامه حبك بحر غصته وانا ماعرف العوم=من دون خوف ولاترجي سلامه اصلاً من اول شوفتك كنت معدوم=طرفك كحيل وصوبتني سهامه يامن تعلت بالسما00حولك (أ) نجوم=وانتي قمرهم مكتمل في تمامه الليل الاسود كان حالك ومظلوم=وانتي ضويتي واستحى من ظلامه يابنت انا سيد 00ومن علية القوم=شجاع واعلن طيحته وانهزامه وانا بشر ماني عن الحب معصوم=والقلب شعلل من لواهب غرامه الحب ماهو عيب 00 محشوم 00محشوم=جيتك فؤاد وطامحً لأنسجامه ابي غرامك في دمي 00 دايم الدوم=ماهو بريشه في جناح الحمامه شفتك عطر من صافي العشق00 مختوم=عميان في دربي ولا اعرف ختامه جيتك وانا عاشق ولي فكر 00و(أ) حلوم=حتى الحروف اتبعثرت في كلامه والحين لوميني 00 اذا باقي اللوم= والا اقنعي فيني وخلي الملامه |
صح لسانك يا ملك الشعر ،،، قصيدة بنكهة الملوك |
اقتباس:
صح بدنك ياشاعرة الجنوب اشاده افتخر واعتز بها من ملكة الشعر واعتبرها تاج على راسي لاعدمناك |
روووووووعه
ملك الشعر على هدا الابداااع صح لسااااانك ملييين بصراااحة قصيدة اكتر من رااائعه يعطييك الف عاافيه ودمت دااائماً متألق |
قصيده في غاية الابداع والروعه والجمال وصح لسانك لين ترضى يا ملك الابداع |
اقتباس:
صح بدنك يا اميرة الاحساس الاروع تواجدك واشادتك تتويج ووسام افتخر فيه لاعدمناك |
صح لسانك يابواحمد مبدع كما عهدناك تقبل ودي واحترامي |
اقتباس:
صح بدنك اشاده افتخر بها من شاعر كبير بقامة ابو طلال لاعدمناك يالغالي |
صح لسـآنك يـآملك الاحسـآس والابدـأع والله يلوم الي يلومك أذـأ خأطرك يسمح ..؟ ترى عجبتني القصيدهـ بسوي لهـآ فيديو أذـأ مأعندك مأنع تقبل مرور أخوك الـــً/ــــم |
ملك الليل [list][/list]صح لسانك قصيده رائعه سطرت لنا أجمل المعاني وارقها يفوح منها عبير الابداع والتميز لك الشكر وننتظر جديدك بشوق |
اقتباس:
اشاده غاليه من غالي صح بدنك يابو رنيم شرفتني واسعدتني بتواجدك لاعدمناك |
اقتباس:
صح بدنك يالغالي اعجابك يشرفني ويسعدني وتصميم الفديو اعتبره بمثابة تتويج للقصيده ولي الشرف ولك الشكر والتقدير |
اقتباس:
صح بدنك يالغلا اروع تواجدك وتشريفك اطرائك تاج على راسي لاعدمناك |
انشهد انك شاعر العاشقين
شكرا لك |
صح لسانك ياملك الليل قصيده رائعه جدا بروعه حضورك الدااااائم والمميز تحيتي لحضره سموك غرور |
إلله يااخ ملك الليل شاعر بمعنى الكلمه واطمع في الجديد
|
اقتباس:
صح بدنك ياغرور الاروع تواجدك الراقي تشرفت وسعدت بتواجدك وتعليقك لاخلا ولا عدم |
يارجل اش هذا الكلام
صح لسانك |
بنات عتيبه شخص الزهراني تشرفت وسعدت بتواجدكم صحت ابدانكم وقلوبكم |
الغالـي ملك الليل : صح لسانك لاهنت يا ملك الإبداع ، والله يعطيك العافية أخوي أبو أحمـد . gallp
|
تسلم يالموج وصح بدنك يالغالي سعدت بتواجدك الراقي لاعدمناك |
ابداع رائع
لا يكفي أن أقولها في حقك |
زهراني زهران تواجدك الاروع بارك الله فيك ولا عدمنا تواجدك وكلامك الطيب |
فى هواء العشق مانتلام
صح لسانك |
عزوف تواجدك يشرفني ويسعدني الف شكر لاخلا ولا عدم |
| الساعة الآن 11:38 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع