|
محاوره مفتوحه للجميع
هذه محاوره مفتوحه للجميع من الجنسين بشرط ان تكون من بيتين
فقط ومن نضم اللي بيشارك منقول ما نبغى والالتزام باالطرق والقافيه والترتيب مهم الواحد لا يكتب اكثر من مشاركه ورى بعضها يعطي فرصه للي بعده وماعدى ذالك سيتم حذفه
ابدا بذكر الله اللي للحق اهداني=رب البشر خالق الدنيا وباريها الدعوه مفتوحه والاقبال مجّاني=شعّار ذا المنتدى ودي نجاريها |
صح لسانك
وان شاء الله الزوار ما يقصروا |
اقتباس:
الله يعطيك العافيه اخي علي وابشر باللي يسرّك إن شاء الله ومنكم نتعلم لا عدمناك يالنشمي واستلم عسى تحوز على إعجابك وإعجاب الجميع ...rolleyes: بدع عاشق المها سلام ياشاعر ٍ والشعر ودّاني في منتدى الشعر والاشعار قاريها الشاعر المبدع إللّي مثلكم باني شيّد بيوته على طيب ٍ وشاريها |
تسلم يابو طلال على الموضوع والفكره
وتراك قائد المسيره متى ما شفت القاف شاب غير وحنا معك !!!
يا مرحبا وأنت دورني وتلقاني=فرصه وجت لين بابي ليش أخليها الى على شانكم كنه على شاني=غلاكم أكبر من الدنيا وما فيها |
طيب يابو طلال أبشر بنا فيها وفي غيرها
أبشر بنا يارفيقي ما أنت وحداني= حنا نعاونك بأولها وتاليها لأجلك تجينا الهجوس أشكال والواني=ونوقف الطير من أجلك تغنيها |
حياكم الله جميع وصحت السنتكم جميع
يامرحبا اهلين باالاول وباالثاني=ياللي نقدّر له الجيه ونغليها حياكم الله عدد هلاّن الامزاني=عد النجوم الذي تضوي لياليها |
صح الله ألسنتكم يالمبدعين .. </i>ويعطيكم ألف عافية ولاهنتوا .. |
http://www.ibtesama.com/vb/imgcache2/102239.gif تستاهل http://emanmatr.jeeran.com/%d8%b4%d9...%b9%d9%871.gifتستاهل اكثر يا شيخ على السبيه ولا يهون الجميع بيض الله وجيهكم |
محاورة جميلة ومشاركات أجمل ..
رائع انت دومآ يأبو طلال..لذا تقبل كلماتي بصدر رحب.. .................. درب الهوى مامشيته يوم بالعــاني ضيع علومي من أولهـا لتــــاليها... واللي سكن روحي وفكري ووجداني يشري رضى غيري والروح يشقيها..! ........:dunno::tears: تقبل مروري و إحترامي.. ........ ,,, |
عاشق المها لك البقا يامرحب والخبر جاني لك البقا عد ما الازهار نهديها مقداركم عالياً ما بين زهراني وقصايدك تجلي الهم في معانيها |
اقتباس:
|
اقتباس:
وبعدين نبغاك تشاركنا بما تجود به قريحتك |
اقتباس:
بيتين في قمة الابداع والروعه ونتمنى مواصلتك معنا في هذه الصفحه |
عاشق المها
الهجير عبدالله اللبيدي صاحبة السمو حياكم الله يااساتذتي الكرام لي عضيم الشرف بمجاراتكم في هذه الصفحه والدعوه مثل ما اسلفت مفتوحه لكل من وده يشارك والقافيه متى ماحبيتم التغيير نغيرها |
تدري متى الورد يفقد لمسة الجاني؟=لا صار بالدمع والأشواق يرويها وآنا سقيته حنان ودم شرياني=لو متً تكفى ورودي لا تعزًيها |
الله حسبي على مدعوج الاعياني=باسبابه الروح كن النار تكويها لوغاب لحظة أملَ وروحي تعاني= واذا حظر قلت هذا اللي يداويها |
يالله تجلي عن اهل الحب الاحزاني=قلوبهم كم تعاني من بلاويها كلن يغني على ليلاه يا داني=معزوفة العشق كم واحد يغنيها |
صحت السنتكم جميعاً ..لكن آشوفكم أتجهتم للعشق ....ههههههههه
عاشق المها الروح تشقى وقلب العشق ولهاني والعين تشقى وروحه كم تداريها اكبر مصيبه نهاية عشق هجراني واكبر مصيبه يموت إللي يعانيها |
هاذي مشاركتي المتواضعه يا أبو طلال إذا سمحتم لي :
الموت من شان من نغليه يهناني روحي هديه نقدمــها لغاليـــها ما دام له في حنايا الصدر مسكاني تفداه روحي اذا راحت لواليها |
لاصرت أعدّك قريب وحسبة اخواني=واخر حياتي وحاضرها وماضيها تفداك روحي لو ان الموت ينصاني=من السهوم التي بالقصد ترميها |
يقلون وضحى سبب موت ابن عجلاني .......... دعيجة العين يا مكثر بلاويهااااا= يا راعي العشق هاك اكتاب الالباني............ اقره ونفسك تفكر في مسويهااا= |
أنا صريع المحبة والملا فانــي
حب شريف ولا هو حب آغانيها قصدي شريف ولا قصدي بشي ثاني والله يشهد على روحي ويدريها |
قلبي غدا كــالقبر من حب زهــراني..
وماغير واحــــــد بقلبي ولا بثنيـــها.. أقطف ورودالغلا وأزهـــار بستاني.. وبكل ذوق الكون للزين بهديـــــــها.. .............. تنوية؛ كالقبر بمعنى أنه مكان لشخص واحد لاغير.. ,,, :icon31::clap: |
صحة السنة الجميع وابشارك معكم مدام المشاركه للجميع
حدى بي الشوق ليته ماتعداني على بروج المحبه واعتلا فيها عطيته الحب والاخلاص واهداني باقة غلا فاح جوريها وكاديها |
والله ياشاعرنا انا مالي في المحاوره ولااعرف لطاروقها
لكن هذي مشاركه لعيونك ان كانت زينه ولا احذفها هلا يا مرحبا بالجميـع فـلان وفـلاني=والخطى فوق الخطي يارفيقي نمشيها و البحر في غبته لولوي ومرجانـي=ومن جاب الثمينه ياوسيع العرف راعيها |
|
يا سلام يا سلام
ميدان بعض الشعر ماهوب ميداني=لا جاك مُرً القصايد راح حاليها لا تقتل الشعر ما جهزت الأكفاني=وزن القصايد بكى موتة قوافيها |
اقتباس:
واصلا الصفحه دوبه نورت بوجودك وصح لسانك ملايين |
تحيا وتدوم ياشاعرنا الصفحه منوره باهل الابيات الجزله والمعاني الفريده لاخلا ولاعدم ولاهنت شاعرنا |
ياالربع الكلمات اللي راحت لا تعيدونها
بنيت لكن جا من هد بنياني=لما سمحنا لغربيها وشاميها والورد لونه مميز بين الالواني=القصد نهتم باالورده ونسقيها |
ودي نخرب أبوها والعمر فاني=لكن خايف نكحلها ونعميها لو جت على الورد ياخذ مني أشجاني=لكن بعض البشر ياكبر أساميها |
صحت السنة الجميع ولكن لي ملاحظه بان هناك بعض الأبيات ما هي على الطرق وهناك تكرار لبعض الكلمات في معناها لأن التكرار بمعنى آخر لا باس ولي إقتراح بأن تُجمع الأبيات في صفحه واحده ويتم تعيين الكلمات المكرره ليتم إستبدالها وكذلك الأبيات إللّي ما هي على الطاروق تتغير ليصبح عندنا محاوره متكامله وبعدها في صفحه جديده قارعه أخرى ويكون هناك تنظيم ومتابعه للأبيات من الأخ العزيز والشاعر القدير أبوطلال ...هذا ما عندي وسلامتكم والرأي لكم ...
عاشق المها القافيه شيّبت والراس شيباني القصه والسالفه بادت وراويها محاورات القصايد من زمن كاني يوم القصايد تزيِّنها قوافيها |
اقتباس:
وباالنسبه للتكرار انا نوهت عنه ورجو من الجميع عدم التكرار واذا انهينا المحاوره جمعهتا كلها وسجلتها في صفحه مستقله |
لو كنت بالدوحة عندي حكم بن ثاني= أقفل قناة الجزيرة اليوم والغيها الحاكم اللي يغض الطرف للجاني= يصبر على قول حاميها حراميها |
:clap: طيب ياخي طيب :clap: علي السبيه
الهجير عبدالله اللبيدي ابياتكم الاخيره اعجبني معناها بشـــــــــــــــــــــــــــــــده عسى الله يوفق الجميع من دون قصور عنهم شعار مبدعين |
صحت السنتكم جميع لاهنتم على الابداع وهذه مشاركتي معكم يابوطلال متعب يقول المحبه هزت اركاني=وكثير غيري بهالدنيا وقع فيها حسبي على اللي رحل عني وخلاني=اقفت من العام مدري وين اراضيها |
حياك يالله يااخ متعب وصح لسانك ملايين وحى الله الاول والتالي
واستمرو ياشعار وامتعونا بماتجود به اقلامكم |
صحت السنتكم جميع
ابداع في ابداع واصلوا روائعكم ونحن متابعين جميعا |
ودي يكون المحاور بينك وبيني
والوجه الاخر تشوفه في معانيها ان كان قصدك تحدي يا معنيني في كل ديرة ذياب(ن في خلاويها . |
يشوقني صوت خلي يوم ناداني=لبّت لك اشواق قلبي يامناديها اجر صوتي واغني دان ياداني=و وردة الحب ما جفّت مناديها |
| الساعة الآن 02:19 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع