|
كبتشينو
تعال عندي وردتين وشمعتين وطول بال=وكاسة كبتشينو(على فكره تراها الرابعه) آنا أنتظرتك لين بانت ربكتي والإنفعال=ماهو صحيح المرتبك دايم يطق أصآبعه؟ وين الثقل وأنت إنتظارك يربك الناس الثقال=حتى (برستيجي) في (إ) غيابك عجزت أطآوعه تعال خل الشمع يحكي لك حديث الإشتعال=ياخذك جوله في مساحات الصدور الشاسعه والورد يحكي لك عن أسباب المعارك والنزال=يقول عنده في خدودك مشكله ومنازعه وأنا الصراحه ضعت بين القلب وأطراف الجدال=خدودك أجمل بسً ما عندي إجابه رادعه الغالي اللي فيه تتنافس تفاصيل الجمال=تزاحمت من تحت رمش العين لآخر شارعه يصبً في صدري جوابه قبل تمرير السؤال=وأحآول أستوعب ذكاءه والعيون تطالعه أنادي (القرسون) وأثره عند راسي لا يزال=وصار له ساعه يناديني ولاني سامعه وقلت له واحد (كبتشينو) صرخ ! ياااابن الحلااال=خلااص تعرف كاستك هذي ؟ تراها التاسعه وقمت أصرًف وأنسف الغتره وأعدًل بالعقال=لكن عرفت إنه صحيح وما بغيت أرآجعه رجعت أفكً الزحمه اللي في تفاصيل الخيال=في حضرة اللي بين خده والورود مقاطعه وبغيت أودًع من فراقه شمس وإحساسي ظلال=لكن خفت يشوف دمعي وأستحيت أوآدعه |
شاعر
والله يا الهجير تسلم القريحة المبدعة والكابوتشينو اشربه واياك لك منيووورد |
ليتك في بلجرشي كان ما قبلت المقهى ههههههههه تسع كاسات في اربعه = 36 ريال
صح لسانك والله شي كلام يفتّق الحصى ما شاء الله تبارك الله |
ماشاء الله لاقوة إلا بالله
اهنيك على الإبداع وعلى شاعريتك الرائعه |
صح لسانك يالهجير مبدع دائماً |
صح لسانك يا الهجير ابداع واحسااس مرهف تحياااتي لك غرور |
اقتباس:
صمت الرعد تسلم يالغالي أسعدني مرورك لا هنت |
اقتباس:
أبو سند ههههه يقولون إنك كتبت المحل للتقبيل للتفرغ للقصايد ههههه الله يسعدك .... أسعدني مرورك |
الله يالهجير صح لسانك
|
الهجير صح لسانك وعلا شانك ابدعت كعادتك بشوق للمزيد من بوحك الراقي دمت بخير |
| الساعة الآن 10:44 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع