يا مدور حب في كبد السما=ربما تلقى حبيبك ربما
لكن اعمد له صروح وسلما=الأمكان كلها مشتاقه لك

يا مرحبا بك يامحمد وانت ماضي اليوم وين=انته طلعت بْسُلّمه والا نزلت بْسُلّمه

العروق اللي تدفّق بالدما=
ماجرت بالحب ياحامي الحما=
ياعسى عين الحسودي بالعمى=
الأماكن كلها مشتاقه لك=
***
ياللي تنشّد عن محمد جاء منين وراح فين؟=
أنا معي لك للقصايد فهرس(ن) ومقدّمه=

العيون اللامحه ما نا ظرت=شاهدت ما في كتابك واقترت
من كتابك فسرت ما فسرت=والأماكن كلها مشتاقه لك

انا طريقك لو عرفته ماسألتك مرتين=اللي ظهر منكم ظهر والخافي الله يعلمه

أسفرت لحظة قدومك وأنورت=
وأبرقت وأستبشرت بك وأمطرت=
قصة(ن) تجري .. وقصّه ماجرت=
الأماكن كلها مشتاقه لك=
*****
يابو شهد لاتبرم الحيله وتاهب كلمتين=
المصحف المكتوب مايحتاج شرح وترجمه=

قصة (ن) تجري وانا قصيتها=وابتهالاتك علي عديتها
ما يجوز الظلم يا قاضي تها= الأمكان كلها مشتاقه لك

يا صاحبي شوف البصر ما هو بشوف الناظرين= الحليه الليله علينا من جانبك مبرمه

القلوب المدسمه شوّيتها=
واللي مافيها دسم كبّيتها=
والعيون المبصره عمّيتها=
الأماكن كلها مشتاقه لك=
****
يابو شهد ..كيفك؟ صباح الخير.. ومن العايدين=
محمد المختار مايعرف كذاب مسيلمه=
****

يا محمد عد حب السنبله=قبل ما ترمي علينا القنبله
لا تحل المشكله بالمشكله=الأماكن كلها مشتاقه لك

هلا صباح النور يا البنور ومن الفايزين=والسالفه في حلها واللي تكنه تكتمه