صباح الخير ... وصباح رباع الفنّ والإبداع ...

أعتذر عن غيابي المفاجيء وللظروف أحكام ..

أتمنى أن تكونوا بأحسن حال .. ومعي كلمتين

بدعتها لشاعر من الفطاحله وأعتذر وقال جُنّه تكتّفت

في رمضان وأنا مدري وش مع الجُنّ عند الزيادي ماتكتّف

عوّدت ردّيت فيها عسى أن تنال إستحسانكم ورضاكم ....

البدع : الزيادي=
**=
يالمجلس البَلَدي جبت أنظمه هزّمتنا=
تهدم حصونٌ نشوا فيها النشاما القراريم=
رجال ماياتلحّقهم ضحوكٌ وشمّات=
وإن كان طاحت بيوت أجدادي اللي سوى طين=
عذّرت بالبيت وأعطيت العسايس محلّي=
**=
الرد : الزيادي=
**=
ياخوط ريحان لاهبّ الهوى هزّ متنا=
في جال حنذيّه .. ليته عندنا في قرا ريم=
وآخذ منه كل صُبح و ليل نظره وشمّات=
دونه (بني زُرعه) صانوا حدّهم و (السّواطين)=
ماقلت في جال حنذيّه عسى يسمحُن لي=
**=

عسايس محلي عسايس محلي
=صحت لسانك وبدنك يالزيادي
مبدع اسم على مسمى

لكل من مر هنا الحب والثناء والشكر والتقدير

كل واحد بإسمه .. والعذر والله إن ودي أقتبس

كل مشاركه على حده ولكن يعلم الله إن ارسالي

عله ومافتح المتصفح الآن الا بعد ساعه من

دخولي وشكل الجهاز يحتاج فرمته ... فالعذر يالنشاما