أكاديمـيـة  العرضـة الجنوبيــة - ربـاع

أكاديمـيـة العرضـة الجنوبيــة - ربـاع (https://www.ruba3.com/vb/index.php)
-   نوره الغامدي (https://www.ruba3.com/vb/forumdisplay.php?f=461)
-   -   آكنّ جرحي ،،، نوره الغامدي (https://www.ruba3.com/vb/showthread.php?t=71514)

نوره الغامدي 16/07/2011 12:47 AM

آكنّ جرحي ،،، نوره الغامدي
 

ياطير غرّد في هواك وغنّه=
وأرحم عيون اللي يجرّ الونّه=
الناس لاموني وأنا وش بيدي=
آكنّ جرحي ماتفيد الكنّه=
مو ذنبي إني شاعره مو ذنبي=
والشكر لله والفضل والمنّه=
عفيفة أخلاق وشرف ونزيهه=
تغار مني ناقشات الحنّه=
واللي يحاول يستفزّ أعصابي=
والناس تمدح فيه وإنّه وإنّه=
أدعي عليه الله مجيب الداعي=
وآقول ياربّي تخيّب ظنّه=
الشعر فنّ وذوق ياكتّابه=
وين الذي يسحر عيوني فنّه=
غنّيت له ياأهل العشق دلّوني=
عليه وإلا من يقارب سنّه=
ردّ الهوى جاوب عليّ ابحسره=
أثنين ماللي تعشقه مامنّه=
قلت: آآه يمّه ياشقاي وحظّي=
أنا السبب يوم إبتعادي عنّه=
ولو كتب ربّي تشوفه عيني=
ياقلبي أفرح وقتها وتهنّه=
أموت به وأغار من بسماته=
يومه يداعبني ويضحك سنّه=
هذا أولدي عامين يلثم صدري=
وأحيان يصرخ بالبكاء ويزنّه=
هجم عليه الموت لحظة ضعفي=
يابحّة الصوت الشجي والخنّه=
وأبلغ تعابير الحزن في وجهي=
منظر فظيع وكل عقل إيجنّه=
يوم أنهمر دمعي بحضن أكفانه=
وإيديني الثنتين هنْ يدفنّه=
عسى تراب القبر لجل عيوني=
يعطف عليه ويرحمه ويحنّه=
أتخيّله بين الرموش وعيني=
وأسمع بكاه ابهاتفي لارنّه=
من شاف نوره قال ماهي نوره=
حالي على فرقاه مثل الشنّه=
عزاي فيه إنّه يزور أحلامي=
وأضلاع صدري بالوله يحظنّه=
لاقال ماما ،، قلت مهجة ماما=
قال أصبري ميعادنا في الجنّه=

آميــر الكـونـ 16/07/2011 01:45 AM

الله عليك أختي الغاليه نوره
صح لسانك على هذه القصيده الرائعه وموعيب إنك شاعره
الحمد لله هذه موهبه ونعمه من الله
وأنتي من مسلمه وبنت رجال طيبين وشعرك تسخرينه للأشياء الرائعه
والله يرحم ولدك ويعوضك خير يارب
وهذا ابتلاء من الله أسأل الله أن يبني لك بيت الحمد في الجنه على صبرك واحتسابك
ولكي مني خالص الود
أخوك آمير الكونــ

حنين الروح 16/07/2011 02:07 AM

وااااااااااااااااو واااااااااااااااااو وااااااااااااااااااااو فوديتك ياعسل
ياقلبوووووو امووووت فيك انا بس وربي بكيت بكاء مر مر مر وماقدرت
اكتب تعليق من حزني ،،، نووووره وربي ماانا عارفه اقوووول شي ولكن
يارب يعوضك ويصبر قلبك ياقلبووووو ويجعلوووو شفيع إلك يارب يارب يارب

نديم القوااافي 16/07/2011 12:37 PM

يا سلام يا سلام صح لسانك يا نورة الشعر والابداع ... وعساك ما تفقدين غالي .. قصيده معبره ومؤثره بسببها اكتشفت ان دمعي مالح

إبن الجنوب 16/07/2011 05:10 PM

صح لسانك يانوره والبقى براسك ... تقبلي مروري وتقديري...

لؤلؤة زهران 16/07/2011 05:15 PM

نوره الغامدي
صح لسانك وعلى شانك ودمتي بخير وعافيه

صقر الجنوب 17/07/2011 03:42 AM

سبقك الى جنة عرضها السموات والارض .. أسأل الله ان يجمعك به في الفردوس الاعلى من الجنة وان يكون شفيعا لك وطيرا من طيور الجنة
صح لسانك اختي والله يجعلها آخر الاحزان

فهد قزعه 17/07/2011 05:33 AM

الله يعوضك والبقى براسك وصح لسانك

نوره الغامدي 17/07/2011 10:44 AM

أمير الكونـ

الله يجزاك خير أخوي ،، أنت وربي تحرجني من بداية مادخلت المنتدى
بطيب أخلاقك ووجودك في كل متصفح يخصّني

الله لا يحرمني منّك ومن تواجدك

امير الكلمه 20/07/2011 11:35 AM

الله يجبر مصابك ويجعله شفيع لك ولابوه ويرزقكم الذرية الصالحه
صح لسانك على الابيات المعبره


الساعة الآن 12:12 AM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع

a.d - i.s.s.w