السلام عليكم ورحمة الله وبركاته .. القصيدة هذي موجّهه للغالي صقر الجنوب
أتمنى إتخاذ الإجراء المناسب مما يحدث الآن ..

البدع: شدا الشامي=
*
قال بن قثرود وين اللي يصيدون النّمر بشراك=
أنا ما لي في عذوقٌ جت برُبّ وتامر علاقة لي=
ولّعي رأس الفتيلة ياجهنّم نار وشْتبي=
ماخبرنا طايحٌ طاح وتردّى ثم عوّد سالم=
قبل ما أشوف الخيول المسرجة وألاحظ الرّباع=
الذي ينبش غموض السّر ماقصده يسر رثّاني=
وأنا ماجازت لي المرثيّة في كاذب وفي دبّاس=
الذي يحسب هضابي من وقوع الثلج بيتلّجْنه=
خابت أمّه عدّ ماطير القصايد وقّف وشدا=
**
الرد: شدا الشامي=
*
أمتثلت الأمر من صقر الجنوب وقلت يابشراك=
أنت تآمر يابو أحمد لو تقول وتآمر اعلى قتلي=
قل وطل .. وأبشر بسعدك ياطويل العمر وش تبي؟=
وتحمّلت الخطأ حشمة نديم وقدر لآبو سالم=
والزيادي هو وسلطان وجميع اللي حضر رباع=
وإلا والله يا ( بني قال ) إنّ ماواحد يسرّ الثاني=
لو بدينا ( لله الله ) وأصطدم عبّاس في دبّاس=
الكورة ذلحين في مرمى الإدارة .. ثم بيت اللجنة=
وقّفوا زحف الحوايا الرّقط .. وإلا وقّفوا شدا=
**

صح لسانك ياشدا الشامي وبيض الله وجهك
ونسأل الله ان يصلح الاحوال
اغلبنا مايجي المنتدى الا يرفه عن نفسه من ضغوط الحياه واصبحنا نواجه الضغوطات هنا

نتمنى ان تطيب النفوس ويرجع المنتدى الى مكان حب وتقدير واحترام والمكسب الحقيقي معرفة الرجال

كل شخص يمثل نفسه فاذا لم يمثل نفسه بما يجمله قدام الرجال فياعيباه

الاخوان هنا بذلو كل مافي وسعهم لتدارك السلبيات
وبيض الله وجوه الجميع ولكن نتمنى التطبيق بالعمل ليس بالكلام
يا اخوان وش احسن من اجواء المرح والتقدير والاحترام والقصايد المشرفه

والله لو نلتقي في مجلس ليستحي كل منا من الاخر

وما اقول الا حنا داعيه وحده ورفاقه ورجال واعوذ بالله من الشيطان ومن يتبعه ومن يستمر في الفتنه وبلبلة الكلام 0

الله لايبلانا مابلاك في ذا الشمات
صح لسانك لين ترضى لاكن وشبدا لك
عسى خير

المشاركة الأصلية كتبت بواسطة ملك الليل999 (المشاركة 621161) صح لسانك ياشدا الشامي وبيض الله وجهك ونسأل الله ان يصلح الاحوال اغلبنا مايجي المنتدى الا يرفه عن نفسه من ضغوط الحياه واصبحنا نواجه الضغوطات هنا نتمنى ان تطيب النفوس ويرجع المنتدى الى مكان حب وتقدير واحترام والمكسب الحقيقي معرفة الرجال كل شخص يمثل نفسه فاذا لم يمثل نفسه بما يجمله قدام الرجال فياعيباه الاخوان هنا بذلو كل مافي وسعهم لتدارك السلبيات وبيض الله وجوه الجميع ولكن نتمنى التطبيق بالعمل ليس بالكلام يا اخوان وش احسن من اجواء المرح والتقدير والاحترام والقصايد المشرفه والله لو نلتقي في مجلس ليستحي كل منا من الاخر وما اقول الا حنا داعيه وحده ورفاقه ورجال واعوذ بالله من الشيطان ومن يتبعه ومن يستمر في الفتنه وبلبلة الكلام 0

صح بدنك يا الغالي .. ووجهك أبيض

صدقت ماشفنا إلا كلام ..

لاهنت على المرور