سمّار.........بدع=
من نشدني عن مناني رابعه باعلّمه وآجيب=
ادري ما لي خبر عنها غير في ذاك الزمان الماضي=
شرّعت لي في خيالي قلب ما شرّعه صاحبه=
غير مما شفت في دنياي باقدّم لهم ما عندي=
شفتها تاجي مع من جت على نقصه وحاجته=
الفقير اعطته مال وعمّرت له في البلاد قصورا=
والجبان اعطته سيف ابن الوليد وقلب بوعدي=
والْبست بالعز وجه الذل وسوّت قدر لليشاني=
كلها في وهم وادري عن مناني رابعه اش هبت=
نصر مزعوم وعلوم اتنصبت وفتوح وبناء دوله=
هكذا تسرح مناني رابعه باللي بدا لها=
ورغم هذا فانها عن جوهر الانسان تعكس صوره=
تكبر احلام الكبير وتعجب الدنّا سخايفه=
سمّار...........رد=

قال سمّار ادعني يا كل من ودّه بنا وآجيب=
وانت جاوبني ليّا مني دعيتك يالحسام الماضي=
واجب الطيّب يجاوب صايحٌ بالطيب صاح به=
دام للصاحب مودة صاحبه ليش الجفا والعندي=
لو تظلي الصحبه تتهرّج معه قامت وحاجته=
وانت لا تعجل على صاحبك لو جت زلةٌ وقصورا=
قول يالفتنه ترى مالك مجال اقفي وبوعدي=
وانت لاميّزت وجه اللي يحبك صدق واللي شاني=
فبتشوف وجوه من زود الكراهيه لك اشهبت=
قد ترك قلبي الفتن ما يسمع اللي للفتن نادوا له=
ربما داعي الفتن يدعيه للطيبه بدالها=
انا قلبي في ظمانه ثابت المبدا وثابت صوره=
ما يهاب الهايجه لو صار كل الناس خايفه=

الله الله ياسمار كلام محبوك بروعه صاحبه الله يوفقك ياصاحبي لاعدم لاعدم

الله الله

صح لسانك يا النشمي .. لا هنت

ماشاء الله تبارك الله .. أبدعت بالبدع والرد


تقبل مروري

تمهيد شاعر مبدع في البدع
لكي يأتي الرد ويقفل الطريق
أمام النقاد
صح لسانك يابو هاشم
مافيك حيله

يا سلام عليك يا سمار

إبداع الله يوفقك

تقبل مروري يالغالي

صح لسانك ملايين
والله يكفيننا مناني رابعه
ياما ضيعت من ناس