القلب يشكى وفيه الشوق يظنيني =والروح متعذبه والعين سهرانه
البارحه شفت طيفك يسري بعيني=اسرح معه واتمنى لمة احظانه
عشت ابغرامك ويات القلب يهنيني=يحس كنه قريب اوترحل احزانه
رجعت بالعمر واتراجعت بسنيني=وعود الفكر يتراجع مع ازمانه
سرحت من غير مدري وابتدا فيني=الماضي الي عليه الروح ولهانه
وقفت مع كل لحظه منك تدنيني=وجبت في كل لوحه فيك طربانه
عشت الطفوله وعشت ايام مكنوني=اطوف فيها وهي بالفكر هيمانه
كل الأماكن غدت تبكي وتغريني=والروح من حبها تضحك وحزنانه
احس بان ارضها تصرخ وتبكيني=معاتبه كيف قلبي طال هجرانه
قلت اعذريني ترى الايام تهديني=في كل ساعه سنين الحزن مليانه
اشتقت للدار والاشواق تدعيني=واشتقت للي تركت ارضك على شانه

تقف الكلمات عاجزة امام هذا الابداع الذي يسطره الهمس في كل قصائده

وفقك الله والى الامام تقبل مروري