أكاديمـيـة العرضـة الجنوبيــة - ربـاع - يـا سـيّـدي هــاجـت عليّ الـقـريـحـه

يـا سـيّـدي هــاجـت عليّ الـقـريـحـه
دوك القصـيد اللي علـيه الحكي دوك

مـا يـكـشـفـه ويطـلّعه مـن ضريحــه
إلّا بـلاط مـلـوك في حضـرة مـلـوك

ماني بوردهــا الـعــدود الـشــحـيـحه
شـاعر ولي مـبدأ ولي ابداع وسلوك

ادك حــصــن الـقــافـيـة واسـتـبـيحه
واخـــذ عليه عهود وشهود وصكوك

مـا جـيـتـك الا بالـبـيـوت الصريحـه
يـا حـاكمي في هـيـبـتـك هـيبة ابـوك

انــا حصلي قـبـل لا اجـيـك طـيـحـه
مـنـهـا خـذيت ايــام ضـايـق ومربوك

مـن عـقـب ابـو خـالـد وهـبات ريحه
كني بـوســط الـناس تـايـه ومـتـروك

مـهـمـوم والـمــــترديـة والـنـطـيـحـه
زودن على مــا بي يـقـولـون خـلـوك

وانا خــطــايـه كـل ابـوهــا صحيحـه
والـحـمـد لله مـا لـحـق مثلي اشـكـوك

يـا عـنـك مـا خـليت شـعـري منيحـه
شاعر وطن مانيب في الشعر صعلوك

مـا ضاقت صـدور الرجـال الفسيحـه
وش عــاد لـو أملك عـقـارات وبنوك

خــوتـك يـا ســلـمـان عـز وربـيـحـه
خصن ليا صــارت عقب خوة اخوك

مــا قـبـلـهــا ولا بـعــدهــــا مـديـحـه
انـا ولا رجـالن مـــن الجيش خاووك

مـن راسي خــذهــا براسـك قـديـحـه
راسك يروس الروس ويحوكها حوك

هـو الـنـظــام اللي يـفــك الـشــريحـه
وهـو الـســلاح اللي يـعـبى ومـفـلوك

ويـح الـعــــدو الـيا تـهـقــواك ويـحـه
وانت الزعيم اللي على الجيش ولوك

في لـيـلـة نـسـمـة هــواهــا مــريـحـه
كـفـواك منحشـمـه مـن الظيم مفروك

سـلـمـان تـاريخـك بـصـدر الصبيحه
الـورد في كـفـك وفي جنبك الـشـوك

والـشـعـر مـا رزك نـبـطـه وفصيحه
اسـمـك وتـاريـخـك والافعـال رزوك

مشعل الحارثي