هلا يا مرحبا يا برق والترحيب بالضيفان=عوايدنا ومنا ما خلق من رد ضيفانه
تباشر بك حشود الجن وهل بشوفك الشيطان=وغنت لك عفاريت الخلا دانه علمّ دانه

وعليكم السلام
مرحبا بك
والله يكفينا شرك

يدوم العز يامره هلا بالبحر والشطان=هلا بك عد ماهلل بكم برقان واعوانه
نسبت لجدك الشيطان مافكرت بالرحمن=نويت ارجم حصونك ياعدو الله سبحانه

ترى حنا بعد يا صاحبي في النصف من شعبان=معك شهرين حتى ترجم الشيطان واقرانه
تواسا لا وزنت الكيل وان طففت بالميزان=ترى المكيال بالمكيال ماطففت ميزانه

صقر الجنوب
شرفنا مرورك يالغالي

تسلى وافرح بشهرين ربي وفر الحصيان=شرع رجمك ورجمك من شروط الحج واركانه
غريبه تعرف الميزان ظهرت السن والنيبان=مصيرك مالك النيران كفانا الله نيرانه

على هونك ترى الشيطان يجري في دما الانسان=تعوذ منه لا ياخذك بالّعنات لّعانه
تسابقني على معنى وتبحر في سما النسيان=تذكر يا رفيقي ما يفيد الرجل نسيانه

غرب الله على الشيطان
والدعوة مزوح

انا راسي على بحرك ولا هميت بالطوفان=وحصني مانت له قاوي بذكر الرب صيوانه
صحيح ان البشر ينسى وهذي نعمة المنان=يحاسبنا على النسيان ويرحمنا بغفرانه