ياوجوه الخير طبع اللاش ماله وجه بين الناس=
من حقارة فيه غير وجهه الاصلي بوجه ثاني=
واختلق له مية وجه وكل وجة مقتنع بقناع=
المصيبه با يريح خاطره لما عرف وش قدره=
يوم جى وده يسوي هيلمه وانداس شاربه=
الكلاب الله شغلها بالنباح وبالعوا يقدونه=
والغظنفر مستريح ولا يفكر في نبيحها=
هد من روعك لك الله ماتحرك شعرة من راسي=
الكلاب انباحها ماظن يوصل لا مدى السما=

الرد:علي السبيه=
.=
ابيبان الوقت الاقشر يارفيقي وابيبين الناس=
والعصاه اللّينه تثنى وتكسر في يدين الثاني=
والذي يعرف طبوع الناس قلبه مقتنع بقناع=
والهلل ياصاحبي ماينذكر وش قيمته وش قدره=
واترك ماي النقع مايروي ولا يهناه شاربه=
واللي فكره عاقه ابيحيا ويفنى والعوايق دونه=
اكتم الاسرار في قلبي ولا ادري فين ابيحها=
وانت ثابت في محلك ماتميّل ياجبل ياراسي=
ومحل البخل ما يندى ولا ضلا مدسما=

المشاركة الأصلية كتبت بواسطة نديم القوااافي (المشاركة 452989) طيب طيب يا ابو يحيى صح لسانك .. ابو طلال اشوفه في المتصفح وبيجي بالعلم الغانم

نديم القوااااااااافي
صح بدنك والله يعطيك العافية على المرور الرائع

لك تقديري

المشاركة الأصلية كتبت بواسطة صقر الجنوب (المشاركة 453000) صح لسانك ملايين وانت شاعر كبير وبالفعل بعض الالفاظ ماودنا تكون في رباع واعذرك لان الصبر له حدود

صقر الجنوب
صح بدنك يالغالي واعتذر منك ومن جميع الاخوه على تلك الالفاظ لكن ربما على قولة المثل اكوها تبرى قال الا اقطعها تبرى ولم يكن التزامي للصمت في كثير من الاحيان ذل او مهابه من المقصود لكن خسران الجاهل افضل

دمت بخير