محريٍ بالخير يا مزن(ن) نشا=يا حلو عقب الوسم رجع السحاب
هل رذراذك على روض الحشا=ربع بقلب(ن) دوام(ن) لك شباب
كل زهر(ن) فاح عطره وأغتشا=بالرياض وبالنفود وبالهضاب
ما نسيتك يا هوى قلبي حشا=حبك بروحي وبالخفاق ذاب
عادني شوق(ن) قديم(ن) وانتشا=في هواكمولع(ن) ما قط غاب
لو غشاني بالموده ما غشا=اشتهي فيك الهوى لو هو عذاب
فيك من طبع الظبي ليمن مشا=ثم عاد والتفت ثم استراب
يا حلو فزة جفالك يا رشا=يوم تسبح في الصحاري في سراب
الهوى معطيك مني ما تشا=في حياتي ياحياتي لا تهاب
ما يفوز الحاسد اللي بك وشا=فيك حسّاد الهوى ياكل تراب