أكاديمـيـة العرضـة الجنوبيــة - ربـاع

يا هاجسي بالله لاتجفاني
أسعفني بوزن الشعر وبحوره

مانيب شاعر نظم ولا عرضه
لكن قلبي قد ذبحني جوره

ونيت ونه ضيقت شرياني
واستسلم الوريد وأنهى دوره

من علة تشقي البدن وتزوره
ماينفع بها سستر ودكتوره

من يبعد الحزن الصديق العاثر
من يقرب الفرحه ويكمل نوره

من يذكر الرحمن لا جاء ذكره
من يفتح القران ويقرأ سوره

من يحفظ العهد المثمن وعده
من يصدق الأصحاب ويستر عوره

من يجبر الكسر الميئس جبره
من يسمح الدمعه على ميسوره

من ينتزي لأجل الكرم والعزه
من يحكم الارآء ويخمد ثوره

لا خــير في دنيا صديق فيها
مايتصف بالوصف ويبدي شوره

أدري طلب سهيل وإلا ثريا
وإلا كبد كبش معا حنجوره

إخترت فالدنيا صديق واحد
مايعرف لقول الشعر وشطوره

مايملك الشهادة المختومة
مايفهم ويفطن من السبوره

ماحد يملك من صفاته خصله
ماقد هزم وأفلس وأعلن بوره

الخيل عز ياعرب وسيادة
الخيل من خيالها مخيوره

الخيل قد وصى بها العدناني
الخيل دوم أفعالها مذكوره

يكفيني منها دعوة تشفعلي
عند الفجر وأعلامها مخبوره

إما يكون الخـل خيـل وافي
وإلا بشوته مثل شوت الكوره

قصيدي الله أعلم عن بخوته
قالو شاعر وقالو لي مكسوره

وختامها صلاة على محمد
إعداد مزن أمطرت مهموره