ياغبن حالي على حالي
 

يا غبن حالي على حالي
عمري انتهى وانصرم حاله
.
اللي دوما" على بالي
ما جيت مرّه على باله
.
ودّا له الشوق مرسالي
لكن ماجاب مرساله
.
والشوق يهتف بجوّالي
ونبرة حنيني بجوّاله
.
قفّى ولا همّه اوصالي
وانا انشد القرب واوصاله
.
لو طاوع الزبن عذّالي
والله ما اطيع عذّاله
.
يااغلى من المال يامالي
يا مكسب القلب يا ماله
.
تغرّبت فيه الآمالي
والحب ماحقّق آماله
.
الحب فيني ولا زالي
ماغيّر اسمه ولا زاله
.
وطحت كلّي بالاهوالي
والحب يامكثر اهواله
.
اللي تركني لغربالي
وعمري منه زاد غرباله
.
اموت في حب قتّالي
ويحنّ قلبي لقتّاله
علي السبيّه