الناس يازين في عيني قروك
 

الناس يا زين في عيني قروك
والوضع يحتاج نقطه فاصله
.
لا ترتبش في حياتي لا طروك
لكن هاك الحلول العاجله
.
اما اعتبرني قريب امك وابوك
ولا اعتبرني صديق العائله
.
والا اعتبرني ولد عمك واخوك
اهم شي بيننا يبقى صله
.
والله لو زلزلو عرش الملوك
ما زلزلو عرشك اللي شايله
.
حبّي لكم ما تساوره الشكوك
ولا يؤثّر بحبّي عاذله
.
قربك ترى حلم عيني لو نهوك
والبعد يقسى على واجامله
.
اسريك ولهان واشواقي سروك
والطيف في كل ليله اقابله
.
واضم وردك ويجرحني بشوك
واحنّ واسقى الزهور الذابله
.
من كثر ماتجرح اجروحي هووك
بينك وبين الجروح امعامله
.
كم لك جروحي تحنّ ولا نسوك
من شاف مقتول يعشق قاتله
علي السّبيّه