على طارى الهوى والحب لا علق في الوجدان=على طاري خفوق القلب لا زلزل بوجدانه
بغيت اعلمك عني وتعرف قصة الولهان=وتعرف كيف في حظرتك روحي فيك ولهانه
اسيّر في بلاد الله كني تايه او هيمان=وش اسوي بقلبي لاغدا بالحب له شانه
تخيلت الرموش الي يغطي ظلها الاعيان=ومن بين الرموش اعيون لحب الهمس عطشانه
عيون اوساع مدعوجه تقول البحر والشّطان=بدون الكحل مرسومه رسمها الحسن نعسانه
تذوبني بنظره يا كحيل العين يا فتان=عيوني من عيونك يا رشيق القد حيرانه
ويتمايل معك قلبي بميلة عودك الريان=تقول البان يتمايل وتتمايل به اغصانه
عشانك تسهر النجمه وحتى البدر لك سهران=نجوم اليل تتسابق وتقضي اليل سهرانه
عطاك الله على زينك جمال الروح والايمان=وقلبك ماتهزه ريح ولا ينقص به ايمانه
عطيتك قلب لك مخلص ولا غيرك عطيت انسان=وعاهدتك على روحٍ تغنت فيك طربانه
اشوف الضحك باسنانك واحس الهم فيك الوان=بضحكك تخفي اهمومك وقلبك شب نيرانه
ظروف الوقت ياروحي تعذب قلبك الحيران=وروحي لا تعب قلبك تقوم اليل تعبانه
بلاك اللــه في قلبٍ عمي بالغي وهو عميان=بلاك اللــه بعيونٍ تشوفك بس عميانه
تبع قلبه على غيه وتابع خطوة الشيطان=سكن روحه هوى قلبه وسكّن فيه شيطانه
لكن الوقت بيجي به ويعرف غلطته حسران=وروحه تنكسر عندك وهي بالحيل ندمانه
اخاف الوقت يغدي بك وياخذ قلبك السلوان=وتنساني وانا قلبي بحبك سار سلوانه
عزاي اني الا قالوا حبيبك بالهنا طربان=يهون القلب بجروحه ورحي حيل فرحانه
ابكتم داخله حبه وابفرض قوة الهجران=وباسوّر على قلبي واخلي فيه اشجانه
ابدعي لك كثر شوقي يحفظك ربي الرحمن=زمانك يا عسى يصفى ويبعد عنك ميلانه
ولو مدت لي ايامي اباسوي القصيد الحان=واسوي فيك معزوفه تغني فيك هيمانه
ولو ربي قضى حكمه وروحي خلت الاوطان=وصاتي لك تذكرني وتدعي الرب غفرانه

عزاي اني الا قالـوا حبيبـك بالهنـا طربـان=يهون القلب بجروحه ورحـي حيـل فرحانـه
ابكتم داخله حبـه وابفـرض قـوة الهجـران=وباسوّر علـى قلبـي واخلـي فيـه اشجانـه
ابدعي لك كثر شوقي يحفظك ربـي الرحمـن=زمانك يا عسى يصفـى ويبعـد عنـك ميلانـه
ولو مدت لي ايامي اباسـوي القصيـد الحـان=واسوي فيـك معزوفـه تغنـي فيـك هيمانـه
ولو م ربي قضى حكمه وروحي خلت الاوطان=وصاتي لك تذكرني وتدعـي الـرب غفرانـه