سبات سبات وشرب واكل ومعصية وإمعان فالممنوع =
وموج من التـرف ذابـت نواصينـا علـى جالـه =
كذا مرت سنة من دهر نفس الشكـل نفـس النـوع =
تجـر ذيــول الايــام انسيابـيـه ومختـالـه =
تباعَدنا مسافتهـا علـى حسـاب المتـر والبـوع =
وصارت قاب قوس اقرب على الغافـل مـن ظلالـه =
هنا قامـت شوارعنـا تمـاوج باحتشـاد جمـوع =
وحـالات التأهـب فـي شهـر شعبـان وليـالـه =
وصل ضيف السنة مخضلّ بدموع اردفـت بدمـوع =
وشـاف معزبينـه نصهـم فـي حـال يرثـى لـه =
وقمنـا مـن مخادعنـا نشّـرع بابنـا المخـلـوع =
ورحّبنـا بهمـس اهـلا بشهـر الخيـر وهـلالـه =
هلالـك هـل واول يـوم لـك فاجـازة الاسبـوع =
بعد مشـوار عـام تعـود والحالـه هـي الحالـه=
ذخرنا لك موايد تطـرد اشبـاح الضمـا والجـوع =
وموج من البرامـج عبـر نايـل سـات وارسالـه =
ومصحف من سنة مـرت بـرفّ المكتبـة مـرزوع =
نقطـع فيـه ساعـات النهـار ولاعنيـنـا لــه =
هذا حـال اكثـر الأمـة وياكثـر الأسـى واللـوع =
وشيٍ مـا اقـدر اقولـه جبيـن الحـر ينـدا لـه =
وفينـا نـاس مازلّـوا طريـق محمـد المتـبـوع =
يوالونـه بصـدق وكنهـم مـن صحبـه وآلــه =
تجدهم في البيوت وفـي المساجـد سجـدٍ وركـوع =
بعضهـم يعتـزل لاجيـت عـن منزلـه واطفالـه =
عسى هالصنف ما يبطي علينـا صوتـه المسمـوع =
يبـارك فيـه رب البيـت ويكثـر مــن امثـالـه =
وانا لازلت ماعرف موقعي فـي الموكـب المدفـوع =
اجي في مقدمـه والا يفـوت الركـب وابـرا لـه=
أرد الامـر للـي ماعنـه حبـل الرجـا مقـطـوع =
خلق لي ذنـب لكـن ماخلـق لـي متـن يشتالـه =
ابـراهـيــم الـشـيـخــي الـزهــرانــي =