|
مجاراة هلال العنزي
هذه قصيده مجاراه لقصيدة الشاعر هلال العنزي (الى اهل المنتدى) وهي مجاراه متواضعه تعتبر اعجاب بقصيدة هلال العنزي
يامرحبا باالقصيد اللي انبلج نوره=اشرق سماءالشعر من ضيه ولمعانه= ياالشاعر اللي كتابه واضح اسطوره=والشعر يغلب على بدره وضيدانه= قصيدتك ياهلال احجار بلّوره=والشعر في نهجها شرّعت بيبانه= اكاديميه خذا منها الشعر دوره=وفاد من كل بيت ادروس مجانه= دروس متميزه واشروح منضوره=على دليله بنى شعره وبرهانه= البيرق ارفعه وابدي به على دوره=على ديار الشعر واهله وشيخانه= والا فبعض القصايد حيل معذوره=والشاعر اتوّهقه وتقلّ من شانه= مادام قصر الشعر مايشبه اخدوره=نحط كلن على قدره وميزانه= مايغلب الشمس نجم الليل وابدوره=ولانبت حنظله في عود ريحانه= حنّا شيوخ القصيد من اول اعصوره=وحنّا جيوش استحلت كل ميدانه= اعلام ربعي على الهامات منشوره=والشعر معروف من زهران سلطانه= قصيدنا يرتقي عاالهون والبوره=بها ارتقى للعلا شيبه وشبّانه= واحنا جمعنا شتات احظوظ منثوره=في حشمة الشعر ولعيونه وكرمانه= على الصداره ولانرجع من اصدوره=واحنا ترى للشعر ربعه وخلانه= ماننتهج منهج الكاذب ولا زوره=ولا لنا دفتر الخاين وقلمانه= تمحا الخطايا مادام الحجه مبروره=والمغفره غاية المؤمن من ايمانه= لو يطلع الشعر وقت النضم عن طوره=تجلد سياط المعاني اضهور قيفانه= وللقصايد نقول الفين مشكوره=ان كان ماضيّعت للشعر عنوانه= والشاعر اللي يقول ابيات مغروره=وروحه على النقد والتزوير ولهانه= اما قرينا على جنّيته سوره=والا رمينا بها في حلق شيطانه= |
صح لسانك ابدعت يابو طلال قصيدة رائعة بروعة القائل
|
أصدق الود وأسمى آيات الشكر لك أيها الشامخ ...
لست إلا محبا لكم آثر القرب منكم ليبقى معكم ... أحبكم من الابتلاء إلى الامتلاء !! أبو صلاح |
اقتباس:
صح بدنك وعلى شانك ومشكور على مرورك الطيب وطيب ردك |
اقتباس:
الله يحيك ياابوصلاح تراحيب الغلا اخ عزيز بين اخوانه ونشرف بك وباالمطاليق شرواك مرحباهيل عد السيل واشكرك على مرورك الكريم على قصيدتي المتواضعه وهي مجرد اعجاب بقصيدتك ومجاراه متواضعه ولي الشرف بمجارة شعر مثلك |
رائع رائع ياكبير ومهما قلنا لن نوفيك حقك يابو طلال
العالم المثالي |
اقتباس:
حىالله العالم المثالي شرفت القصيده وصاحب القصيده واشكرك على كلامك الطيب واطرائك الجميل ياجميل بعدبن الاداره لازم تشوف لك حل على شان تدخل بااسمك والا بتعمل اضراب في المنتدى |
علي السبيه أيها الرائع
|
اقتباس:
الروعه في مرورك الرائع ياسموالحكمه |
بيض الله وجهك يا سبيه
الحقيقه انك مبدع لكن نحن عميان انا لم ارى قصيدتك الا اليوم واعذرني جميله ورائعه بروعتك وحظورك تقبل تحياتي وعميق شكري |
| الساعة الآن 02:21 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع