محاورة قلطه بين الامبراطور1 واحد شعراء القلطه
 

الامبراطور1

سلامي على الملعبه عدد ماجا في الاكوان***سلام يشرح الخاطر وتصفى به مشاريبه
اقولها من صفا صافي اصفى من صفا المرجان**واللي يبا زلال الشعر لا ينطق عذاريبه

احمد الشاعر

هــــــــلا بك يالمسلم واستعذ بالله من الشيطان = هلا يا مرحباً بك يالعميل الفين ترحيبه
عسى هرجك صحيح وصافي وخالي من الدخان = وحنا معك فيما تشتهيه نقوم ونجيبه

الامبراطور1

يدوم البقا بك وحنا ع الوفا ترانا اخوان *** ومن يبغي يعادينا يرسل لنا مناديبه
انا تراني اعرف الاسواق واعرف الاثمان*** والهرج هرج القرم جا بلا شك وبلا ريبه

احمد الشاعر

نرحب بالرجال الطيبه في ملتقى العربان = وانـا يـعـجـبـني الـشـاعــر وتعجبني هناديبه
وحنا ما نعادي من يحب السلم يا كحيلان = ولا نخطي ولا نرضى الخطاء ولا نماري به

الامبراطور1

الملتقى يبا عِدّ و يروي نهمة العطشــان *** دام العجب يا صاحبي وكل له مواجيبه
بنت ابو زيد الهلالي انتخت في وسط ذا الميدان ****والبندقه بارودها زاهب وانا باقدّي به

احمد الشاعر

انـا نــاوي انقي العالم من شلة الغشمان = واخلي كل من في العالم شاعر وله هيبه
وابو زيد الهلالي هو وبنته في قصر دسمان = زبن صوب المدنيه يوم عاف الضلع مع ذيبه

الامبراطور1

اخطى العليمي يوم ظن انه معلم الازمان *** تورط في بحر غيه وضاعت به قواريبه
القصر ماله باب والحارس حرام هو سكران = وامست بلا حامي وظلع طويق هي تنادي به

احمد الشاعر

وانا قـــــول العليمي ذا معلم وانته الخسران = تعلم يا ولد من صاحبك علمٍ تماريبه
نخوض ايام في وسط البحور ونحضر المرجان = وقواربنا تسير بفكرنا والعلم تدري به

الامبراطور1

طعم العسل معروف والحنظل ما قد ربا الميزان**يا هيه لا تخطي على عمك وانت المهلي به
بحورك عرفنا عمقها تساوت مع الشطآن*** والبركه ما تاجي بحر وان جت فوالله مصيبه

احمد الشاعر

بيوتك طيبه لكن مكسوره مع القيفان = يضيع بها اللحن ويضيع معنى اللي تغني به
ترى منته بعمي يا ولد عاد الحصان حصان = وبحرك اللي عرفته يا ولد ما اعد ترتيبه

الامبراطور1

يا ليل دانه يا لدانه يا لدانه يا لدان*** حامض عنب على اللي ما طاله ويبطي يجيبه
وزن ومعنى ثم مبنى والقوافي والالحان *** وحجة المهزوم بلها وين هي تجاريبه

احمد الشاعر

يالتاجر اظنك غديت وتالي الليل امتحان = لكن عــــجل جيب معنى الدندنه والا بتسيبه
انا بيوتي يوم اغنيها والحنها بأمـــــــان = ابعد عن المكسور واللي فيه شبهاتٍ عجيبه

الامبراطور1

دق التحيه لنا وانصرف يا عسكريْ الميدان *** الملعبه ماهي لكم والغبن دوم تسري به
خلك مع الطيران والطبله ولو جار الزمان *** قبلك يا ما لعبنا والشاطر نعرف كتاتيبه

صح لسانك ولسانه
يعطيك العافيه