أكاديمـيـة العرضـة الجنوبيــة - ربـاع

ســـلام الله علـــى شـــوقي وحبي
تحيــــه صــادقه من حســـن نيــه

منحتــك في البديــه نصـــف قلبي
قســـمته بينـــي وبينــــك ســــويه

وقلت البخــــل يخـــس أي وربـي
وجيت اعطيتك البـــاقي هــــديــه

طلبتـــك يالغلا تبقيــــن جنبـــــي
بحكم الحـــب واصــلك والحميـه

وكان الـــرد مـــا ابغــــاك قربـي
قتلتينـــي وقلتــي انـــك بــــريـــه

عرفت الحب دربه غير دربــــي
وفكــــرة حب مـــن مثلي غبـيـــه

ياغيمة حزن جاك الوســم صبي
سـحـــابة غيم من حســره خفيــه

صحيـح الشوق نيـرانــــه تشبــي
ودمعـــة شــوق بخـدودي نديـــه

أنا مــــا اقـــــدر أجامـل أو اخبي
وامر الذل قلبــــي مــــا رضيــــه

يامركب رحلتي في البحـر سربي
بعكس الريح ضــد الجـــــاذبيــــه

طلبتـــــك يا الغــلا لو ربع قلبي
اعيـــــش العمــــر لو باقـي بقيــه

حقيقــــة واضحــــة الذنب ذنبـي
غبي مجنـــون من يعشق صبيــه