*=
البدع=
*=
أرض بالقول وافهم منطقه يارفيقي وشن قول=
والكتب محتواها من دواء المحبره والقولمانه=
وهيبتك يالحدود الطارفه بالرجال وقو لمن=
وانت يالغصن الاخضر قد عرف قيمتك من قال قيله=
والبلاجيك دكت روس الاهداف مع قيلا وقال=
والله ماأرضى على ربعي تخله ولو يلام راسي=
والا برضى الخطأ والغدر في موقفي لاما بديت=
عشت يارأس للقالات موطن بعد ينعاب غيره=
يوم روس الكبر عاشت مع كبرها وعظامها=
كان ودك نصيحه من رفيقا معك والا تبي را=
الجمايل كسبها من بنوا ساسها ونقوا لها=
يالسانا خسر طيبه وضيع صديقه وانتحى سب=
فرق مابين قولا مايجمل وقولا جاء حكيم=
الله ياقلب كم تحمل هموما ورى اسرار المعاني=
وكم قلوبا تبيح اسدودها كم قلوب اقوى لها=
من يقل قلبي المحروم يوم الشدائد مانقوا له=
مالحكم والمثايل لابدت له ورد اقفى لها=
*=
الرد=
*=
قال من لايقول وقال من قال وانحن وش نقول=
والذي قال قوله لابد انه يقول القول امانه=
وانت لاقلت لي قولا نشدتك وقل من قول من=
ندري القول له مدلول واضح مع من قال قيله=
وش يفيد اللذي بيقول قوله على قيلا وقال=
وانا ماودي اعبر بحر ماله مدى والا مراسي=
والا نمشي دروبا حيرت خطوتي لاما بديت=
علم الفارس المغوار قله بعد ينعى بغيره=
كم رقابا تدانت تحت حد الشبا وعظامها=
اعترف بالحقايق بعد قولة نعم والا تبيرا=
واهزم العند بالكلمه لياقلتها ونقولها=
والله ان الحساب ايطول لكن في يوم انتحاسب=
والحكمه قالها عاقل ويفهم معانيها حكيم=
حكمة العقل تعطينا مفاتيح لاسرار المعاني=
والمحنك من ارشاده بنى في الخبوت اقوالها=
أما خذ حكمتك مما تقوله وتسمع مانقوله=
والا خل المفاتيح القديمه ورد اقفالها=