|
ابوصالح افضل اداري
تراني امزح معك في هذه القصيده ياابوصالح وانت والله انك
تشرف كل منتدى تزوره وتشرف كل من يعرفك وتستاهل كل خير ماهلا حبيت امزح معك في هذه القصيده وان كان ناسبتك ودي تشرفني باالرد عليها البدع
كنت انا في المنتدى افضل اداري يارباع= وانبسط لامن قريت اسمي وباالخط العريض= واقول يمكن يوم ياجي اسير للاعضاء مدير= ثم شغل الواسطه حطيتم الدوسي بدالي= كان من جبر الخواطر تكتبون اسمي معه= |
شقرت نحريه الله يهب عليك معونه انت ما تحسر ولا تفتر وفوق هذا تداكم بيه عشان اني يتيم دمعتي تخرق الصفا وحسدتني على كرم منتدى رباع وتراها كرماً وتشجيع منهم وليست من باب الاستحقاق. على العموم صح لسانك وترا ردي يالله لك الحمد ياعيش الدجر.
البدع= *= كنت انا في المنتدى افضـل اداري ياربـاع = وانبسط لامن قريت اسمي وباالخط العريض = واقول يمكن يوم ياجي اسير للاعضاء مدير = ثم شغل الواسطه حطيتم الدوسـي بدالـي = كان من جبر الخواطر تكتبون اسمي معـه = *= الرد= *= انت خيل وانا اخيل بالخيول الي رباع= قبلك الميدان لا تكتب رسايل والعريض= خلني المح من يثير العج من جوف المدير= وانا خذت المجد غصباً يوم خصامي بدالي= ماخبرت ان اسم بن زايد هبو الجسمي معه= |
يالله لابليتنا حسبكم الله
ثم شغل الواسطه حطيتم الدوسـي بدالـي كان من جبر الخواطر تكتبون اسمي معـه ..... والله نها قربت تبدي الدموع من هذا البيت والطاروق على ماقلوا البدو .. حزين ابو صالح بيض الله وجهك على هذا الرد وانا خذت المجد غصباً يوماً خصامي بدالي ماخبرت ان اسم بن زايد هبو الجسمي معه صح لساااااااااااااااااااااانك يابو صالح وليس غريب عليك الابداع ياستاذي والله لعجبت بهذه القصيدة بدع ورد وليتكم تزيدونها شوي |
علي السبيه
ابوصالح صحت قلوبكم والسنتكم والله يعطيكم الف عافيه انتم عينين في راس ولا لنا عنكم غناه الي بالله شرحتم صدرى بالبدع والرد بيض الله وجيهكم يا النشاما عساني معدمكم |
ههههههههههههه صحت ألسنتكم يالنشاما واصلوا متابعين |
اثر مايمّزح معك ياابوصالح لا والربع يقولون زيدواعجبهم الندفان
لكن ماعيب الا انا امح لي صخره صمان وانطحه براسيه الصلاح من الله لكن تدري وانا اخوك الله يبيحك على قول البدو لاتوفرنيه وانا والله اني احب امزح معك واحب اتعلم واستفيد منك
المذاهب والطبايع ماتسام ولا تباع= والقصايد والخواطر نبض واحساسً وهيض= والخطا ينبذ ولايمكن يصحّ ولا يسير= انا كنت امزح بنيه صافيه يامن هجا لي= وانت ذا ضحّكت ناسً للشميته مولعه= |
بدعكم رائع وردودكم رائعة
وكلامكم يسعدنا رغم انها دقة في الادارة لكن اللي يبرد قلبي انكم ضمن الادارة ههههههههههههههههههه يعني ماكو فكة اسعدكم الله على كلامكم الطيب ومزحكم اللي يدل على طيبكم |
اقتباس:
والله ياابواحمد اني غير امزح مع ابوصالح لااقل ولااكثر ولااقصد الاداره بهذه القصيده وكيف اقصدها ولوكان ماهو هذا المنتدى ماتعرفنا على الناس الطيبين شرواك ياابواحمد وشروى ابوصالح وكل الحاضرين ولكن قلت امزح مع ابوصالح وطلع مزحه خشن ماقريت رده اغدا ملحي مايملح ههههههههه والا ابوصالح افضل مني في القصايد وفي كل علوم الرجال وانا اتشرف بمعرفته واتشرف بكل قصايدي معه |
اقتباس:
امزح يا سيدي وراسك منصوب كعادتك شامخ بكل علماً ينومس وحتى انا تحسب اني مجديه ماهلا امزح والا بالحرام اني ما اصخاك يكون اصخا واحده من ايديه والي يعلقون تراهم يحبونا والا ماكان جايو والله يسعدك ويسعدهم واسمحني مادريت انك زدتاها وعشان كذا تأخرت.
ياعلي صدت المراجل بالسرى والا تباع= ياشيهاناً في سماها جا لجنحانك نهيض= والخطاء ماجيت من صوبه من يمين او يسير= قول وامزح وابتهل ياصقر في مبداه جالي= ماحد يوقد بيني انا وانت ناراً مولعه= |
اقتباس:
اقتباس:
اقتباس:
اقتباس:
لا املك الا ان اقول لكم الله يبيض وجوهك يا بيضان الوجوه انا والله اتنومس بتواجد هذه الاسماء الى اعتز بها وافتخر بها تحيه احترام وتقدير لكم ايه الاوفياء والغنادير. |
| الساعة الآن 10:38 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع