كيف ياقلبي تروق وفي حياتك تنتعش=وانت عايش في روتين وكل ما حولك ملل
اربع وعشرين ساعه ماحواها الا الطفش=البارح واليوم وبكره مايبدّلها بدل
مابقي الا الرمش يوقف فوق جفني مارمش=ولابقي الا كل نضره تنتحر بين المُقل
كن وقتي عاد جُثّه هامده فوق النعش=طعنه رمح الملل طعنه قويه وانقتل
ليه يادنيا الفروق وليه يادنيا الغشش=ماتساوين الوقوت ولا الحظوظ ولا المحل
قلب طابت له وراقت قلب فيها ملتبش=ذاك يسقى مُرّ علقم ذاك يسقى من عسل
وانا قلبي بين الاضلاع الحنيّه مرتعش=ماتجامله الضروف ولا زمانه له جمل
فرسه وقته كما لويفترس ضبيىً وحش=وحش ضاري لو يشوفه ضبي من رُعبه جفل
كشّر انيابه زماني ثم من عمري نهش=هيكله قبره وقلبي بين ضلعانه نزل
كيف نسعد والسعد جفّت مواريده ونش=مابقى غير الجفاف ولا يفيد ابه الجدل
كيف نهرج باالامل واليأس بااوهامه بطش=لين نسّانا سواليف المحبه والغزل
السنين الغُبر والحظ الردي منها نبش=اظمحلت عيشتي والجسم ياعيني هزل
اه ياالحظ الردي في لوحة ايامي نقش=لين سوى من حياتي في سطوره له جُمل
ونتي ياونت الملقوص من ناب الحنش=ونةً ترجف رجوف الرعد واتهد الجبل
من يبل الرّيق والا من على اشفاهي يرش=جفّت اعروقي وروحي كم ينازعها الاجل

.................................................. ............................
ابشر باالقصيده ياابومشاري وبدون مقابل وليش الشرف
امدحك طال عمرك انت اخ عزيز وصاحب لمحمد ولو دري
محمد ان خذت منك كسوه والله ليشره فيه ههههههههه

................................................
حىالله لمسة الفن الراقي شرفتي قصيدتي
المتواضعه بمرورك العذب الكريم

.................................................. ............................
حياك الله ياطارق العتيبي شرفت قصيدتي
المتواضعه بمرورك الكريم