|
ياصاحبي
ياصاحبي ماللغلا غير غالي= وانت الذي بين المخاليق نغليك= .= ماتدري انك قوت روحي وحالي= حتى لساني دوم يلهج بطاريك= .= لاغبت صحت وقلت ياهمّلالي= وان شافتك عيني سعدها مواريك= .= اهداب عينك فوق خدك ظلالي= وقلبي معلق ياالغضي بين رمشيك= .= يامكسبي والفود ياراس مالي= الود اشيلك بين الاهداب واخفيك= .= قلبي ولايه وانت للقلب والي= والحب مولى وانت سيّد مواليك= .= وانت القمر ذا مركزه فالعلالي= كل النجوم اللي بجنبك تباريك= .= سناء جبينك فاق نور الهلالي= واسهيل واقمار السماء ماتزاهيك= .= حلاك زايد باالغنج والدلالي= والهيبه محصوره لحضرة معاليك= .= والزين من غيرك مجرد وخالي= مابه ولا مزيون زينه يجاريك= .= سبحان من سواك رب الجلالي= الزين واوصافه غدت كلها فيك= .= ياشمس يومي ياسراج الليالي= قلبي ترى باالحب والود شاريك= .= غاية مرادي والهدف والمنالي= تبقى لقلبي ياحبيبي وانا ليك= |
صح لسانك يابو طلال على هذه الرائعة
|
اقتباس:
صح بدنك ياابواحمد وشكرا على مرورك الكريم |
http://www.alasad.net/card/images/small/35.gif
صح لسانك ياابو طلال قصيده رائعه بكل ما حملت من كلمات وجمل وأوصاف خياليه تعطي القارئ رونق جميل وكأن هذه القصيده ترى بالعين اجدت في انتقاء الكلمات في الابيات وصورة صور خياليه تتناسب مع محبوبك ــــــــــــــــــــــــــــــــــــــــــ قلبي ولايه وانت للقلـب والـي والحب مولى وانت سيّد مواليـك تحياتي لك |
safaqah safaqah safaqah
صح لسانك شاعرنا المميز علي السبيه ابيات رائعه وليست بغريبه عليك ياشمس يومي ياسـراج الليالـي قلبي ترى باالحب والود شاريـك . غاية مرادي والهـدف والمنالـي تبقى لقلبي ياحبيبي وانـا ليـك تقبل مروري:bye1: |
اقتباس:
حىالله رهين الشوق شكرا على مرورك الرائع وطيب ردك |
اقتباس:
حىالله لمسة الفن الراقي والذوق الرفيع وشكرا على مرورك العذب وردك الطيب |
| الساعة الآن 08:59 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع