ضج عالم غريب ابرمي جزمه على وجه الزعيم=
صدق جزمه على وجهه ولكن رمانا بالف جزمه=
وارتفع سعر جزمتنا وغطى على سعر الحديد=
فرحة الامه بالجزمه كما فرحة الخاسر بنصره =
كن بوش انضرب بالهوك والابصاروخ ارض جو=
كان يا ريس الدوله تضايقت من رميه بسيطه =
وش يسوى من الجزمات تلطم خدوده كل يوم=
ضاق حسني وضاق المالكي واعلنوا حالة طواري=
كن بوش ابيكرمهم ويرمي عليهم جزمته=
صاحت الجزمه تبكي وش جنت يوم ترميها بوجهه=
كيف دنستها بملامسة بوش والا المالكي=
يا حسوفي على شعبٍ يقاوم طغاة الارض بيده=
جرده ما السلاح الي تجرد من انسانيته=

الرد:علي السبيه=
.=
كانت الهجمه مرتده وهزّت شباكك ياالزعيم=
كانت من لاعبً هاوي خذ العزم من حزمه وجزمه=
حتى لو فرّق الجمهور وافرق حديدً من حديد=
والدوري لو خسر فيه الزعيم عمت الفرحه بنصره=
والجماهير للملعب ترى من بقاع الارض جو=
والذي ما يتكتك للعلب في ملاعبه البسيطه=
ماعده يمديه للتمرير لا جو عليه الكل ليوم=
يوم شفت الحماس اشتد واللعب ماينحط واري=
صابت الكبتن الازمه وجابت له الهمج ازمته=
كل لاعب وله مركز معيّن توجّه له بوجهه=
والكوره حارس المرمى ملكها بكفه مالكي=
ريس النادي اللي مايوافقه في رايه يبيده=
شاقني الملعب الاخظر وفنّه من انسانيته=