|
^^^^العشق الدفين ^^^^
بسم الله الرحمن الرحيم:
هذه قصيده متواضعه جداً ولكنني أبيت إلاّ أن أخضعها لآراءكم وتعليقاتكم لعلها ترقى إلى مستوى ذائقتكم الشعريه العاليه . وإن لم يكن فلا تبخلوا علي بالرد والتعليق ولكم مني جزيل الشكر والعرفان : آه ياعشق ٍ دفنته في ثراه ***الله يسقي ديرته غرّ المزون كم تعبت آدوّره واسعى وراه*** الحبيب اللي على روحي يمون حبّ صادق ماتبيّـنه الشفاه*** تعرفه مابين نظرات العيون حتى يوم آفارقه قلبي معاه*** ناهبه بالغصب من بين المتون وافترقنا بأمر ربي وبقضاه*** والدموع تهلّ من بين الجفون وابتدا جرح ٍ تعذ ّرني دواه*** واكثر العشـّاق مثلي ينزفون صار في ليل الشتا يطري هواه*** وآتدفـّى من دفا ذكر الحنون أنا ماحصّـلت من بعدك غناه*** ياوليف ٍ حط ّ قلبي في سجون بعت لك قلبي ولاغيرك شراه*** واشتريته ياغناتي بالديون أشهد انـّك لو تدوّر في خفاه*** ماتحصّـل غير حبّك مايهون أخوكم / أبو مطر. |
رائع ياأحمد مطر
بس سؤال انت تعرف تكتب بالعربي الفصيح |
الشاعر العزيز احمد مطر صح لسانك وبنانك درر نثرتها اعجبتني حد الدهشة لا تعذل المشتاق في اشواقه وفقك الله اخي احمد وتقبل مروري |
ابداع ياشيخ احمد صح لسانك ملايين آه ياعشق ٍ دفنته في ثراه=الله يسقي ديرته غرّ المزون
كم تعبت آدوّره واسعى وراه=الحبيب اللي على روحي يمون حبّ صادق ماتبيّـنه الشفاه=تعرفه مابين نظرات العيون حتى يوم آفارقه قلبي معاه=ناهبه بالغصب من بين المتون وافترقنا بأمر ربي وبقضاه= والدموع تهلّ من بين الجفون وابتدا جرح ٍ تعذ ّرني دواه=واكثر العشـّاق مثلي ينزفون صار في ليل الشتا يطري هواه= وآتدفـّى من دفا ذكر الحنون أنا ماحصّـلت من بعدك غناه= ياوليف ٍ حط ّ قلبي في سجون بعت لك قلبي ولاغيرك شراه= واشتريته ياغناتي بالديون أشهد انـّك لو تدوّر في خفاه= ماتحصّـل غير حبّك مايهون |
حياك أختي أحلى شرّفني مرورك ولي محاولات بسيطه في الشعر الفصيح فقط لاغير
شاعرنا الكبير عبد الله اللبيدي صحّ بدنك يالطيّب ومرورك وكلماتك الرائعه أكبر فخر وأصدق تشجيع أخي وأستاذي الشاعر المبدع علي السبيه لك الحب والتقدير والإحترام والتحيّه للجميع |
اتمنى نشوف محاولاتك في الفصيح اتوقع وان كان بسيط له نصيب من جمال هذي الأبيات
تحياتي لك |
صح لسانك اخوى ..
و لاهان منطووقك ابدعت بالقصيده وكلمات معبره اعبجنى ماطرحت والشاعر شاعر سواء بالفصحى والا غيره يكفى ابداعه ومعرفته لشعر وهذا اهم شي .. يعطيك العااااافيه تقبل مرور ي,, لاهنت ... |
حيك الله أختي همسة شوق مرورك دائماً له نكهه خاصه لانجدها إلاّ فيه
بخصوص الفصحى أنا سوف أطرح بعض ماأنتجت في هذا الفن ولكم أنتم التقييم والتعليق تحياااااااتي للجميع |
صح لسانك
وعساك على القوه ولك خالص الشكر والتقدير |
| الساعة الآن 11:50 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع