آنا تركت الهوى مبطي .. ولي مــــــده = ما عـــــاد لي بالغزل حتى بقيفانـــــــي
لا شفت مزيـون اجنب عنه وآصـــــده = واقـــــول في خاطري يالله لا تبلانــــي
برقعت طيري عن المقناص والهـــــده = الي من اول على المرقاب شفقانـــــــي
الصبر مطلوب لأن الصبر في الشــده = لو ما يجيب الفرج بيزود ايمانـــــــــــي
لكني ازريت في قلبـــــي ومـــــــا وده = والله ما كنت اظنه يوم يعصانـــــــــــي
اغواني الموقف الي صار في بنـــــده= واظهرت مما حصل تعليق وجداني
اقبل علي المهفهف لعن ابو جـــــــده=بغيت اغض النظر لكن ما امدانـــــي
قام ِيتعطف وانا عيني على قــــــــده = من وين اخذني ولا ادري فين ودانــي
وقف وناظر وبين لي طرف خـــــــده=أحلى دعايه وكان العرض مجانـــــي
في داخل السوق والهجمات مرتـــــده=الكل منا لعب في ملعب الثانـــــــــي
ساعه ومرت وانا يدي علــــــــى يده = يالله عفوك بعد ما مات شيطاني
صحيح راعى الهوى يبقى على عهده=وإن برقع الطير يبقى الطير شيهانـي

صح لسانك وعلى شانك ياسعيد بن سالم يارمز الابداع
ابدعت كعادتك وهذه القصيده رائعه وكل بيت منها يسوى
قصيده وانا من اشد المعجبين بقصايدك وانتضرها بكل شوق

سعيد سالم صح لسانك وبنانك

قصيدة رائعة بروعتك وصورة معبرة

الملاحظة كانت مهمة والإستدراك ضربة معلم

هههههههه ما يقول المثل الشعراء يقولون مالا يفعلون

تقبل مروري وعساك دائما على القوة