|
قصيدة فلللللة
السلام عليكم ،، قصيدة فلللللة حــتــى وردنـي تالـي الـليـل جــوال وانا على شاهي وبسكـوت ديمـة الرقم بايخ لكـن الــصــوت قــتـال كنــه مثل صـوت المذيعـة حليمـة قــالت مساء الخير يـا طيّـب الفـال قـلـت ارحــبـي تــرحيبـةٍ مستديمـة بـالـعــود والصفـري ودلـة وفنجـال واجـبـك يا بنت الأصـول الكريمـة وردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـــا بـعـــد كــنــي بــدونـك يتيمـة مـــن يـوم قـالـتهـا تزلزلـت زلـزال مــن فجعتي كنـي مسـوي جريمـة قلت ارفعي صوتك ترى مابه ارسال كـــذاب لــكـنّ المصيبـة عظيمـة قالت أقول اسمع ترى هرجنـا طـال مــمكـن تصاحبنـي ترانـي وسيمـة واسمي الحقيقي أول حروفـه الـدال لــكـــن يسمّونـي البنـات الزعيمـة صحيح أحب الفخفخة واعشق المال لكـن ترانـي طــاهــرة مستقيـمـة ما عندي امغازل ولا( لعب يهّـال ) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـه أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفــقـــر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والــديـن بـالآلاف والبنـك شغّـال يــاكـل فـلـوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـــــم شــي إن النوايـا سليـمـة لابــد تـفـهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لــكــن تــرى هـذي علينـا قديمـة يــا بـنت هـذا صايـر اليـوم مـوال للي تبي تلعب علـى ابـن اللئيمـة يا بـنــت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقتفى عرضها بيد الأنـذال والله مــا يــبـقـى لهـا أي قيـمـة قالت تبي ولاّ فـ خـلّك علـى جـال مهوب ناقصـني نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حــتـى يـعـلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة يالله عاد ابي اشوف ردودكم يالغلا :cupidarro |
وانا على شاهي وبسكـوت ديمـة
والله يالامير ياامير القلوب اول ماقريت بداية القصيده طحت ضحك أنته روعه وربي روعه وقصيده روعه كروعة مواضيعك المميزه دائماً لاحرمنا الله منك أخ وعزيز وغالى على القلب |
اقتباس: المشاركة الأصلية كتبت بواسطة محب منتدي رباع http://ruba3.com/vb/tl4s_ruba3/buttons/viewpost.gif وانا على شاهي وبسكـوت ديمـة والله يالامير ياامير القلوب اول ماقريت بداية القصيده طحت ضحك أنته روعه وربي روعه وقصيده روعه كروعة مواضيعك المميزه دائماً لاحرمنا الله منك أخ وعزيز وغالى على القلب تسـلم على المرور واشكرك على متابعةمواضيعي :nosweat: |
القصيده رائعه تفنّن الشاعر في نضمها بااسلوب قلّ من يجيده من الشعار
|
اقتباس: المشاركة الأصلية كتبت بواسطة علي السبيَه http://ruba3.com/vb/tl4s_ruba3/buttons/viewpost.gif القصيده رائعه تفنّن الشاعر في نضمها بااسلوب قلّ من يجيده من الشعار وأنت الاروع بمرورك الكريم عسى الله يخليك |
امير القلوب سامحني يخطي البندق وانا اخوك شفت ذالحين يوم تعشيت كيف ركزت الله يسعدك على هذه القصيدة الرائعة ملئة بالصور الشعرية وزن وقافية ودراما تعالج مشكلة اجتماعية اشكرك على هذا الطرح الراقي بارك الله فيك |
اقتباس: أرسل أصلا بواسطة عبدالله اللبيدي http://www.ruba3.com/vb/tl4s_ruba3/buttons/viewpost.gif محب منتدى رباع الله يسعدك على هذه القصيدة الرائعة ملئة بالصور الشعرية وزن وقافية ودراما تعالج مشكلة اجتماعية اشكرك على هذا الطرح الراقي بارك الله فيك ركز اخوي :nosweat: تسلم عل المرور |
هههههههههههههه
ياخطيررر ياامير تكتب من ورااااااي قصيده روووووووووووووعه واختيارارووووووووووع يعطيك العااااافيه تقبل مروري ارق تحيه .... |
أمير يعطيك العافيه
وعساك على القوه وبارك الله فيك |
ييعطيك العافيه اخوي اميييييييييييييييييييير ........
سلمت الانامل ............مبدع كعادتك دوووووووماااا....... تقبل مروري .....مع اطيب تحية...... ,,,,,,,,,,,,,,,,,,,,,,,,, |
| الساعة الآن 01:54 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع