|
بــــــــــســــــــمــــــة الــــــــــــزيــــــــــن
هذي أبيات بسيطه من أخوكم أبومطر أتمنى أن تنال رضاكم واستحسانكم :
لو جتني البسمه من اعدى المعادين ×× يبرد بها قلبي وهي من معادي وش لون لو جتني من احباب وافين ×× هذيك غاية مطلبي واجتهادي أفرش لها صدري ورود ورياحين ×× والبس بلقياها ثيابٍ جدادي الله على اللي شوفته يوم الاثنين ×× عادت هجوس احسبتها ماتعادي يابسمةٍ شعّت من المبسم الزين ×× وينك سنين مغيّبه عن بلادي سنين وآنا اسعى لشوفتك وسنين ×× واسعى لضمّة حب تنهي برادي نظرتك تكفي وحدها يااكحل العين ×× عن كلّ رغباتي وشربي وزادي لكن يانور البصر كيف تنسين ×× دمعي وتعذيبي معك واجتلادي روحي وروحك واحده بين قلبين ×× والبعد خلـّى كلّ روح ٍ بوادي تصحين في نون العيون وتنامين ×× وآصيح باسمك في منامي وانادي من فرقتك حالي على ماتشوفين ×× من يومها راح الهنا من رقادي لاعاده الله يوم فرقى المحبّين ×× يوم اختلف حالي بعثرت جوادي من وين ما وجّهت اشوفك تمشـّين ×× معي وحنـّا شابكين الأيادي متى على الله ياحياتي تعودين ×× تحيين قلبٍ صار موته وكادي أنا عشقتك عشق مافيه تخمين ×× وانا اللذي ماهوب سهل انقيادي مثل النـّدى يعشق ورود البساتين ×× يا وردةٍ عنـّيت منها فؤادي محبّتي وحده ولاهي بثنتين ×× مـن يـومنا هذا ليوم التنادي محبّة العشـّاق في العسر واللين ×× بقلوب بيضا ما غشاها سوادي تحيااااااااااتي |
عوافي اخوي احمد
صح لسانك |
صح بدنك ياأمير القلوب
شرفتني بمرورك الكريم تحيااااااااااتي |
نظرتك تكفي وحدها يااكحل العين ×× عن كلّ رغباتي وشربي وزادي
صح لسان يابو مطر قصيده ىرائعه بروعة قائلها لاتحرمنا جديدك ... |
ابداع وجمال وروعه صح لسانك وعلى شانك ياشيخ احمد
|
,, ~~ صح لسانك انسان ، مبدع
تسلم آلآيادي على الكلمات الذووقٌ,, لك ,, شكري وتقديري ~ |
المبدع دوماً..احمد مطر ...
صح لسانك مليون ولاهنت.. قصيده رائعه بكل ماتحمله الكلمه قرئتها اكثر من مره لسمو حرفها دائما مبدع وعذب في اسلوبك.. دمت كماتحب يالقرم تقديري واحتراااامي ... |
اقتباس:
تحياااااااااااتي |
اقتباس:
تحياااااااااتي |
اقتباس:
تحياااااااااااتي |
| الساعة الآن 05:38 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع