سْر يا قلم واكتب على صفحة البوك=عشرة بيوت امرتبه وامعدوده
والناس ياشهم الرجاجيل عرفوك=طيباً يعيشه سيدي من جدوده
وما تطلبه يا نايف العز مدروك=تنهل منه وتقابله في وروده
شوف الملك والشعب يامير حيوك=وراع الوفا يشكر وتشكر جهوده
لى الثقة يا رمز الأمجاد هنوك=واعطوك وعداً ما تغير عهوده
ما عندنا في مقدرة نايف اشكوك=خدم الوطن والشعب واثبت وجوده
وأهل السياسة والعز ما تعدوك=واليا ذكر نايف تعالوا شهوده
يا ما اطلبوا رايك وياما استشاروك=وياما انعقد حبلا وحلت عقوده
الله يعز اللي على العز ربوك=عز العرين اللي تناحم أسوده
مبروك يانايف على الطيب مبروك=ونشكر ثقة نايف ونشكر جهوده