|
تبون اقول لكم السالفه او الموضوع
تبون اقول لكم السالفه او ادخل بموضوعي مباشره.....السالفه.. جهاز جوالي جته حاله هبل فيني ولحد يسألني وش هبل فيني بس اتوقع انه شي يطفش... أدخل الشاحن بالجوال يقول البطاريه ممتلئه.....اطلع الشاحن من الجوال يقول البطاريه فارغه.. ليش يسوي كذا ؟؟مدري....ولاني ماادري قلت بشتري جهاز جديد رحت للعقاريه لأنهم يدرون...وللتوضيح للأخوان والاخوات اللي ما يعرف العقاريه هذي مبنى فيه مجموعة محلات منوعه ملابس وعطورات واجهزه جوال يعنى كل شي تحت سقف واحد <<نفس المول بس اسمه كذا كان فيها مجموعة شباب سعوديين مسوين فيها تجار ...وبعد كم شهر باعوا المحلات على مجموعة بنغاليين ويمنيين...(انواع النصب).....المهم اذن ورحت انا واخوي للمسجد اللي بالقرب من العقاريه قلنا بنصلي وقبل ادخل المسجد حصلت حرمه جالسه بزاوية المسجد....حرمه محتاجه وجالسه ببيت ربي...ساكته اللي تجود به نفسه يعطيها واللي مايبي ماراح تجبره.... المهم قسم الحريم مقفل رجعت لسياره انتظر متى مايخلصون واخوي د خل يصلي وبعد ماطلعو جاء اخوى وركب سيارته والا الشرطه والناس متجمعه قلت بس...اكيد كوريا الجنوبيه باعوها واطلقوا صاروخ على كوريا الشمااليه...لكن اتضح انه لاصاروخ ولاحتى طرطعانه... اتضح ان احد المسلمين اللي صلى فى المسجد بلغ الشرطه ان فيه وحده مسلمه محتاجه والرجال ....تعالوا اقيضوا عليها.....اتركونا من كلام التلفزيون ان المتسولين يخربون منظر البلد لأن مافيه منظر اصلن بديرتنا... واذا افترضآ فرضآ ان هالحرمه اللي تنقل طفلها وتذل نفسها كذابه حسب كلامهم وش يضر الناس اذا جلست ببيت ربها ساكته لابسه تنتظر فعل خير من اخوانها المسلمين... واللي معاه خير يتصدق واللي معاه يدعي له بالرزق ... قال تعالى ( واما السائل فلا تنهر ) وانا افكر بالحرمه وربي كسرت خاطري المسكينه راح تفكيري لاطفال بمكه شفتهم ...واحد يده مقطوعه والثاني رجل مبتوره.. وعلى فكرة.. انت تدري من اللي مايبون يشوفون ( الشحاذين ) .. البخلاء اللي الريال عندهم يسوى امهم وابوهم يحسون بأحراج اذا شافوا الشحاذين خاصة بالمساجد لأنهم ينحرجون وشلون جايين يصلون ويعبدون ربهم ( ومايعطون السائل والمحروم ) .. الله يفقرهم ان شاء الله ويخليهم من اهل الحاجة علشان يحسون بغيرهم ريال مو قاص ظهرهم.. وتصورا ان اعلام البطيخ وتلفزيون ابو آريل يقولون ان هالاطفال تم بتر اياديهم وارجلهم من قبل اهلهم !!!....شوفوا كيف التفسير السخيف........ والاتفه من هذا اني بالرياض حصلت اطفال عند الاشاره يشحذون او عفوآ يبيعون ماء بارد... ويقفون عند الاشاره في شمس الرياض المحرقه....وانااسمع ان هالاطفال كمان تابعين لعصابات ....سئلت الطفل مره قلت مين قال لك وقف عند الاشاره ياشطور...قال امي تعطيني انا واخوي كل يوم اربعين ريال او ثلاثين نشتري ماء ويطلع لنا مكسب 7 ريالات تقريبآ ومرات فاين <مناديل..... وطبعآ وهو يحكي معي عيونه تلتفت يمين ويسار خايف من الشرطه يعتقلونه لأنه يخرب منظر البلد..... ومدري عن اي مناظر يحكون... بس اللي انا متأكد منه انهم خايفين ان شخص اجنبي يشوف منظر المتسوله او المتسوله واذا رجع الاجنبي لبلاده يقول ان البلد فيها فقراء...وانا مدري وش العيب اذا البلد فيها فقراء....زيها زي باقي بلاد العالم... وكل مايتذكر الواحد هيك تصرفات ....يروح تفكيره للبلاد الاوربيه المتقدمه...وكيف يتم التعامل مع المحتاجين المتسولين...يجي الشرطي الاوربي للشخص المتسول ويبادله الابتسامه ويعطيه اذا معه واذا مامعه يقول اي ام سوري لايوجد لدي نقود.....قس ذلك على بقية الشعوب المتقدمه لان مايعرفون....الحسد والاقبح من كل هذا ......ان فيه عضو بمجلس الشورى طالب بوضع جهة خاصه لمطاردة التسول .....عضو راتبه اربعين الف وكل شي على الدوله من فاتورة كهرباء بيته الى اقلام اولاده....وجالس تحت المكيف ينفخ على كرشه ...ويبي يقطع فعل الخير.... ومذيع بتلفزيون ابو اريل كله هو وجهه مكياج يطالب بوضع حد لهؤلاء المحتاجين..... تفاهه لاحد لها .... والاقبح من كل هذا يطلع لك وزير وطبعآ كالعاده من تحت المكيف ويقول نسبة الفقر عندنا فقط 3% ونسبة البطاله فقط 4% قبحكم الله .......... لكن اللي يفشل مخططات هؤلاء القاطعين للرزق ان الملك ...بنفسه يدخل بيوت المحتاجين في احياء ضيقه ويتبادل الضحك معهم ويشرب قهوتهم ويتصدق عليهم.... ان ولي العهد......يبتسم قبل يعطي......ويعطي قبل يبتسم... فا افرحوا يامن تحتاجون من اهل الخير ....فولاة الامر هم الخير كله وعطاءهم واصل بس فيه ناس مو محتاجه تقطع الرزق قبل لا يوصل للمحتاجين بحكم الطمع والجشع اما اعضاء تحت المكيف .وتلفزيون ابو اريل .... فتبآ لكم .... الرازق بالسماء والحاسد بالارض والسؤال .......... اعضاءعضوات منتدى رباع .... هل تؤيدون مطاردة المتسولين.وماموقفكم منهم؟؟؟؟؟ هل هم فعلآ مزعجون بالاسواق؟؟؟؟؟ وفي الاماكن العامه؟؟؟؟هل فعلآ هم مخربون لمنظر البلد؟؟؟ تساؤلات اطرحها بغض النظر عنى رائيئ الشخصي اللذي اجزم بانه لن يتأثر بردودكم ... اللتي احترمها مقدمآ.... محبتكم //همسة شوق:cupidarro << اذا ماعجبكم موضوعي ارجو عدم احراجي بردقولو وقفى كتابه مواضيع وخلاص واكون لكم شاكره من اعماق قلبي .... |
همسة شوق
يعطيك العافية ..} موضوعك يحتاج لنقاش ..ولي عودهـ بإذن الله ^^ |
يعطيك العافيه
|
|
انا بصراحه كسرتي خاطري بسالفة جوالك لكن ابي اقولك السبب السبب مو في الجوال وهذا الكلام من وقع خبره وتجربه وكلامي هذا لجميع من صادفته هذه المشكله في شحن الجوال السبب هو البطاريه نعم البطاريه فيا مستخدم الجهاز النقال حاول عدم شحن الجوال في الكهرباء اكثر من ساعه لان بطاريات الليثيوم واعتقد ان هذا اسمها لا تتحمل الشحن الزايد والا فإنها تتلف ويسير فيه زي ما سار معك اخت همسه وعلى شان تتاكد من سلامة البطاريه قم بإخراجها من الجهاز وضعها امام عينيك بشكل افقي وتأكد من عدم انتفاخ البطاريه فاذا كانت كذلك فهي تالفه والله يخلف عليك والعكس صحيح واقول الله يخلف عليك في الجهاز طبعا بنسبه للبطاريه اتوقع سعرها طبعا الاصليه لنوكيا 45 ريال هذا وارجو الفايده للجميع وتقبلو تحياتي اخوكم سقـــــــــــــــــراط |
اقتباس:
يعافيك ربي .. منوره بحضورك ...باانتظارك يالغلا يعطيك العافيه على مرورك العطر لاهنتي .... |
اقتباس:
الله يعافيك .... يسلمو علىمرورك وتواجدك العطر يعطيك العافيه .. شاكره لك ..... |
اقتباس:
لا حمد الله شريت غيره وكل شي اوكيه شكله مجهز الصرف معه هـهـهـهـهـهـهـه فيه نااس تلعب ومااخذتها تجاره وشغله لهم هى الى تخرب على النااس المحتاجه والله يكون بعونهم وخاصا الاطفال إ لى نشوفهم فى الشوارع وعند الاشارات بشكل يومي وحتى لو ريال اندفع موكاسر ظهر احد او الكلمه الطيبه لهم والبعض ينهرهم اذا سال وهذي مو من اخلاق المسلم ... يعطيك العاااافيه على تواجدك وحضورك العطر .. شاكره لك على تعليقك بالموضوع .... لاهنت .... |
اقتباس:
لا ينكسر خاطرك ولا شي شريت غيره حمد الله مشكور على الاضافه والمعلومه ممكن تفيد غيري لانها ماتفيدني خلاص شريت غيره .. وعلى فكره ...... اشكرك لمره الثانيه هذي ثاني مشاركه لك بمواضيعي اشكرك على المتابعه .... |
بسم الله الرحمن الرحيم الاخت همسة 12 ليل الوعد كفى ووفى يجب على الانسان ان يتحرى ويبحث بنفسه عن المحتاجين البعض منهم حعلها مهنة وعلى سبيل المثال لا الحصر قبض على رجل يمني يلبس العباية عند احد المساجد هنا في الطائف ويسأل الناس وهناك رجل طلب من شخص أن يعشيه فذهب معه ذلك المسكين الى أحد المطاعم وطلب له العشاء وقام ذلك الفقير بتقبيل رأس الرجل والدعاء له ...وبعد ايام قابل الرجل صاحب المطعم فأخبره أن ذلك المسكين..؟؟؟ قد قام بإرجاع الطعام وأخذ الفلوس التي دفعها صاحبنا ... |
| الساعة الآن 05:38 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع