أكاديمـيـة العرضـة الجنوبيــة - ربـاع - يبه..قهوة [ صباح الخير] تسأل ليه خلاني؟

http://www.mrame.net/vb/images/bb/bsm.gif

السلام عليكم ورحمه الله وبركاته

قصيدة اعجبتني .. و حبيت انقلها لكم ..

::

::

ألا يا ليل من طولك .. تعبت أتابع الأفلاك
و جلست أتأمل الدنيا وأتسلا .. على أشجاني

ألا يا ليل ذا قلب بدويه .. ممتلىء بأشواك
يغني للقمر بألحان " تشبه لحن جداني "

يا غالي .. سنين من بعدك وبنتك ما قوت تنساك
و كيف أنسى .. ووجهك منرسم ف عيون عماني ؟

بحاول أبتعد عنهم .. بروح بعيد لين ألقاك
بضمك داخلي .. لو كان تشويني .. و تصلاني

و بقول أن ضاقت الدنيا : يا ربي .. همي مايخفاك
يا رب أنا في وقت الحزن ما أعرف غير [ قرآني ]

يا حزني .. قل لي من جابك بعد ما خاطري وداك ؟
أبسأل منهو يدلك .. ؟ ومن يعطيك عنواني .. ؟

بتم الحين سبع أيام .. وأنا في المجلس أتحراك
و أعد نجوم ليلي .. لين .. يبدأ يومي الثاني

تعرف يا الحزن طبعي .. وطبع الحر ما يخفاك
أقلطك.. بوسط صدري .. وأكرم كل ضيفاني

يا بوي .. الناس تسألني .. وينه عن من رباك ..؟
يا بوي .. أعرفك ما ترضى لقلبي هموم وأحزاني

تذكر يا يبه .. كل صبح أضم ايديك .. و اتفداك
يبه .. قهوة [ صباح الخير ] تسأل ليه خلاني .. ؟

خلاص أوعدك ياغالي .. و رب الكون ما أعصاك
بنام الليل من شانك .. و بتقن درسي إتقاني

و لأني مؤمنه بالله .. عيني ما بكت فرقاك
و بقى غيابك .. مثل جمره [ استقرت ] وسط وجداني

>> الله يخلي لكمـ ابوكم و يطوّل بعمره ..ويرحم امواتهم
الله يرحمك يابوي
م/ن:tears:
ولكم خالص تحياتي